Kepodhang
Kepodhang | |
---|---|
kepodang diwasa di Hyderabad, India. | |
Klasifikasi ngèlmiah | |
Karajan: | Animalia |
Filum: | Chordata |
Klas: | Aves |
Ordho: | Passeriformes |
Famili: | Oriolidae |
Génus: | Oriolus |
Spésies: | O. chinensis |
Jeneng binomial | |
Oriolus chinensis Linnaeus, 1766 |
Kepodhang utawa podhang iku kalebu manuk kang negel (Passeriformes).[1] Manuk iki duwé wulu kang éndah lan uga dikenal manuk kang katon apik, éndah lan resik.[1] Manuk podhang kalebu manuk kang angèl dibedaké endi kang lanang lan endi kang wadon miturut wujud awaké.[2]Manuk podhang kalebu manuk kang kurungan, amarga manuk iki lumrahé dadi manuk rerenggan ing omah-omah kang ndunungi.[1] Manuk kepodhang dadi manuk kang payu didol saéngga populasiné saya suda.[3]
Panyebaran
Manuk podhang asalé saka daratan Cina lan nyebar wiwit saka India, Asia Kidul-wétan, kapuloan Philipina, uga ing Indonésia ya iku ing pulo Sumatra, Jawa, Bali, Kalimantan, Sulawesi lan Nusa Tenggara.[4]Manuk iki urip ing alas-alas mligi ing tlatah tropis lan uga ing tlatah sub tropis.[4]Manuk podhang lumrahé urip kanthi pasang-pasangan.[4] Ing Pulo Jawa lan Bali manuk podhang uga diarani kanthi jeneng podhang emas.[5]
Morfologi
Manuk podhang ukurané wiwit saka buntut nganti cucuk kurang luwih 25 cm[1] Manuk iki wernane ireng lan kuning.[1] Manuk podhang nduwé sirip kang wernané ireng.[1] Sirip iki ngliwati mata lan tengkuk.[6] Werna wuluné manuk podhang rata-rata ireng.[6] Awake kang ngisor rupané putih kanthi lurik ireng.[6] Wujud cucuké lincip lan rada mlengkung mengisor.[6] Ukuran cucuké kurang luwih 3 cm.[6] Manuk podhang nduwé sikil kang wernané ireng.[7] Manuk podhang urip ing alas, alas, alas ing pasisir, lan ing alas mangrove.[7]