Kukul

Kukul ya iku kaanan nalika pori-pori kulit kesumpelan saéngga njalari nanah kang dadi radhang.^[1] Kukul kalebu lelara kulit kang akèh nyerang manungsa.^[1] Kukul disebabaké hormon kang owah saéngga ngrangsang klanjer lenga ing kulit.^[1] Owahing hormon liyané kang bisa ndadékaké kukul ya iku nalika lagi ménstruasi, lagi meteng, lan nggunakaké pil KB utawa nalika lagi stress.^[1]

Kukul ora mung disebabaké amarga regedan nanging uga disebabaké faktor kang ana ing jero awak.^[2] Kukul ya iku kondisi abnormal kulit kang diakibatké amarga gangguan prodhuksi klanjer lenga (sebaceus gland) kang luwih kang njalari saluran folikel rambut lan pori-pori kulit kasumpelan.^[2] Kukul lumrahé disebabaké hormon, lenga utawa sebum ing kulit kang kacampuran karo baktéri.^[2]Kukul disebabaké klanjer lenga kang luwih kang diprodhuksi hormon androgen.^[2] Kukul disebabaké amarga klanjer lenga iku kecampur karo sèl kulit mati.^[2] Nalika sèl-sèl kulit iku nyampur karo sebum, campuran kandel lan kanthil iku bisa mentuk zat kang nyumpeli saèngga malih warna dadi ireng utawa putih.^[2] Kukul ora mung thukul ing rai nanging uga ana kang thukul ing awak kaya ta ing geger, dhadha, lan lengen pérangan dhuwur.^[2]

Pori-pori kang kasumpelan lumrahé uga disebabaké kosmetik kang ngandhut akèh lenga utawa wedhak kang nyampur karo foundation.^[2] Konsumsi obat kortikosteroid, kaya ta oral (obat kang diombé) utawa topical (obat oles),kang ngakibatké daya tahan awak saya suda uga ngundhakaké thukulé kukul awit aktivitas baktèri patogen kang saya akèh.^[2]