Venom

Venom er þungarokkshljómsveit sem stofnuð var árið 1979 í Newcastle í Englandi. Talið er að Venom sé, ásamt Mercyful Fate, Celtic Frost og Bathory, frumkvöðullinn af fyrri kynslóð svartmálms. Hugtakið Black Metal var smíðað af Venom og var nafnið á annarri hljómplötu sveitarinnar sem kom út árið 1982.

Venom
Upplýsingar
Uppruni	Newcastle 1979
Ár	1979 -
Stefnur	Svartmálmur - Þrass - Bárujárn

Venom var stofnuð undir nafninu "Oberon" af þeim Jeffrey Dunn (gælunafn: Mantas) og Anthony Bray (gælunafn: Abaddon). Seinna gekk Conrad Thomas Lant (gælunafn: Cronos) til liðs við sveitina. Í dag er Cronos sá eini sem eftir er í hljómsveitinni af upprunarlegu meðlimunum. Á upphafsárum sínum breytti hljómsveitin um nafn frá Oberon yfir í Guillotine og svo að lokum yfir í Venom.