Rauðberjalyng
Rauðberjalyng (fræðiheiti: Vaccinium vitis-idaea) er sígrænn dvergrunni af bjöllulyngs-ættkvíslinni. Það vex víða í barrskógabeltinu ogá norðurhveli og í heimskautabeltinu.[1] Á Íslandi hefur það aðallega fundist á Austurlandi,[2] frá Reyðarfirði til Djúpavogs.[3] Vegna þess hve það líkist sortulyngi gæti það verið mun víðar. Nýlegir fundarstaðir í nýskógum[4] benda til að hluti komi með trjáplöntum.[5] Kjörlendi er rakur jarðvegur, gjarnan súr og að sumarhiti sé ekki mikill.[6] Plantan breiðist út með rótarskotum og er það fljótlegasta leiðin til að greina hana frá sortulyngi sem vex upp af einum stöngli.
| Rauðberjalyng | ||||||||||||||||
|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||
| Vísindaleg flokkun | ||||||||||||||||
| ||||||||||||||||
| Tvínefni | ||||||||||||||||
| Vaccinium vitis-idaea L. 1753 | ||||||||||||||||
| Samheiti | ||||||||||||||||
|
Á Íslandi þroskast berin yfirleitt ekki fyrr en seint í september, en uppskera mjög misjöfn. Berin eru gríðarlega vinsæl þar sem plantan vex og eru nýtt bæði í sultur og saft.
Afbrigði
Það eru tvö svæðisbundin afbrigði eða undirtegundir af rauðberjalyngi, annað í Evrasíu og hitt í N-Ameríku, og munar helst á blaðstærð:
- V. vitis-idaea var. vitis-idaea L.—syn. V. vitis-idaea subsp. vitis-idaea.
. Evrasía. Blöðin eru 10 - 30 mm löng. - V. vitis-idaea var. minus Lodd.—syn. V. vitis-idaea subsp. minus (Lodd.) Hultén.
. Norður-Ameríka. Blöðin eru 5 - 18 mm löng.[7]
Rauðberjalyng myndar stundum blending með aðalbláberjalyngi í Evrópu: Vaccinium × intermedium Ruthe.[8]
Tengt efni
Tengill
