Jensen Ackles

Jensen er fæddur og uppalinn í Dallas, Texas og er af enskum, írskum og skoskum ættum. Jensen var búinn að ákveða að fara í nám og læra íþróttalækningar við Tækniskólann í Texas og gerast sjúkraþjálfari en í staðinn þá fór hann til Los Angeles og byrjaði leiklistarferil sinn.

Eftir að hafa verið saman í þrjú ár, þá giftist Jensen, leikkonunni Danneel Harris úr One Tree Hill þann 15.maí 2010 í Dallas, Texas.^[1] Jensen og Danneel eignuðust sitt fyrsta barn í júní 2013.^[2]

Jensen lék á móti Lou Diamond Phillips í A Few Good Men við Casa Mañana Theatre í Fort Worth, Texas, sem Lt. Daniel Kaffee. Leikritið var sýnt frá 5. til 10. júní 2007 og fékk Jensen mikið lof fyrir leik sinn.

Fyrsta sjónvarpshlutverk Ackles var árið 1996 í Wishbone. Árið 1997 þá var honum boðið hlutverk í sápuóperunni Days of Our Lives sem Eric Brady, sem hann lék til ársins 2000. Jensen vann Soap Opera Digest verðlaunin árið 1998 sem besti karlkynsnýliðinn og var tilnefndur þrisvar sinnum (1998, 1999 og 2000) sem framúrskarandi ungur leikari í drama-seríu til Daytime Emmy verðlaunanna.

Jensen var annar í röðinni fyrir Clark Kent í Smallville, sem féll í skaut Tom Welling. Eftir að hafa misst af þessu tækifæri þá fékk hann aukahlutverk í sjónvarpsþættinum Dark Angel árið 2001 sem raðmorðinginn Ben/X5-493, bróðir aðalpersónunnar Max/X5-452(leikin af Jessica Alba). Persóna hans dó í þættinum en Jensen birtist aftur í þættinum þá sem reglubundinn í annarri þáttaröð, þá sem hinn skynsamlegi klóni Bens, Alec/X5-494. Jensen var með þættinum þangað til að hann hætti árið 2002.

Jensen sneri aftur til Vancouver (þar sem Dark Angel var tekinn upp) árið 2004 til þess að vera reglubundinn leikari í Smallville. Þar lék hann Jason Teague aðstoðarþjálfara ruðningsboltaliðsins.

Hefur hann síðan 2005 leikið eitt af aðalhlutverkunum í Supernatural sem Dean Winchester. Jensen hefur leikstýrt tveim þáttum af Supernatural.

Fyrsta kvikmyndahlutverk Ackles var árið 2004 í The Plight of Clownana og hefur hann síðan þá komið fram í tveim öðrum kvikmyndum Ten Inch Hero og My Bloody Valentine

Constellation verðlaunin

• 2013: Tilnefndur sem besti leikari í vísindaskáldskapsseríu fyrir þáttinn We Need To Talk About Kevin fyrir Supernatural.
• 2010: Tilnefndur sem besti leikari í vísindaskáldskapsseríu fyrir þáttinn The End fyrir Supernatural.
• 2009: Tilnefndur sem besti leikari í vísindaskáldskapsseríu fyrir þáttinn In the Beginning fyrir Supernatural.
• 2008: Tilnefndur sem besti leikari í vísindaskáldskapsseríu fyrir þáttinn What Is and What Should Never Be fyrir Supernatural.
• 2007: Tilnefndur sem besti leikari í vísindaskáldskapsseríu fyrir þáttinn In My Time of Dying fyrir Supernatural.

Daytime Emmy verðlaunin

• 2000: Tilnefndur sem besti ungi leikari í dramaseríu fyrir Days of Our Lives.
• 1999: Tilnefndur sem besti ungi leikari í dramaseríu fyrir Days of Our Lives.
• 1998: Tilnefndur sem besti ungi leikari í dramaseríu fyrir Days of Our Lives.

Ewwy verðlaunin

• 2010: Verðlaun sem besti leikari í dramaseríu fyrir Supernatural.
• 2008: Verðlaun sem besti leikari í dramaseríu fyrir Supernatural.

SFX verðlaunin, Bretland

• 2007: Tilnefndur sem besti leikari fyrir Supernatural.

Soap Opera Digest verðlaunin

• 1998: Verðlaun sem besti nýji leikarinn fyrir Days of Our Lives.

Teen Choice verðlaunin

• 2006: Tilnefndur sem nýjasta stjarnan fyrir Supernatural.

TV Guide verðlaunin

• 2011: Verðlaun sem besti leikari fyrir Supernatural.

• Fyrirmynd greinarinnar var „Jensen Ackles“ á ensku útgáfu Wikipedia. Sótt 20. nóvember 2011.
• Jensen Ackles á IMDb

Wikimedia Commons er með margmiðlunarefni sem tengist Jensen Ackles.

• Jensen Ackles á IMDb
• Jensen Ackles á Supernatural Wiki.com síðunni
• Jensen Ackles á Smallville wikiasíðunni
• Jensen Ackles á Supernatural wikiasíðunni