Glasgow-flugvöllur

Glasgow-flugvöllur, líka þekktur sem Alþjóðaflugvöllurinn í Glasgow (IATA: GLA^[1]; ICAO: EGPF) (gelíska: Port-adhair Eadar-nàiseanta Ghlaschu), áður nefndur „Abbotsinch-flugvöllur“, er alþjóðaflugvöllur í Skotlandi. Hann er í Paisley í Renfrewshire, 16 km vestan við miðborg Glasgow. Árið 2019 fóru 8,84 milljón farþegar um flugvöllinn sem var sá annar mest notaði í Skotlandi, á eftir Edinborgarflugvelli og níundi mest sótti flugvöllur Bretlands.

Eigandi og rekstraraðili flugvallarins er AGS Airports sem líka rekur Aberdeen-flugvöll og Southampton-flugvöll. Áður var hann í eigu Heathrow Airport Holdings (áður þekkt sem BAA).^[2] Helstu notendur flugvallarins eru flugfélögin easyJet og Loganair, en önnur stór flugfélög sem fljúga þangað eru meðal annars Jet2.com og TUI Airways. Glasgow-flugvöllur er áfangastaður Icelandair í Skotlandi.

Flugvöllurinn var opnaður árið 1966 og í fyrstu var aðeins flogið þaðan til áfangastaða í Bretlandi og Evrópu. Seinna tók Glasgow-flugvöllur við alþjóðaflugum sem áður fóru um Prestwick-flugvöll sem varð annar flugvöllur borgarinnar með flug á vegum Ryanair og leiguflugfélaga.