Aldis Hodge

Hodge fæddist í Onslow-fylki, Norður-Karólínu og er af dóminískum uppruna en faðir hans er þaðan. Hodge var aðeins þriggja ára þegar hann og bróðir hans, Edwin Hodge, komu fyrst fram í auglýsingum. ^[1]

Hodge var aðeins níu ára þegar hann lék í Broadway leikritinu Show Boat ásamt bróður sínum.^[2]

Fyrsta sjónvarpshlutverk Hodge var árið 1997 í Between Brothers. Síðan þá hefur hann komið fram sem gestaleikari í þáttum á borð við NYPD Blue, Vampírubananum Buffy, CSI: Crime Scene Investigation, Bones, Supernatural, CSI Miami og The Walking Dead.

Hodge talaði inn á fyrir persónuna King í þættinum A.T.O.M.: Alpha Teens on Machines frá 2005-2007. Lék hann síðan stórt gestahlutverk sem Ray 'Voodoo Tatum' í Friday Night Lights frá 2006-2007.

Árið 2008 var honum boðið eitt af aðalhlutverkunum í Leverages sem Alec Hardison, sem hann lék til ársins 2012. Hodge lék persónuna Jordan/Akinbode í borgarastríðs þættinum Turn: Wahington´s Spies frá 2014-2015.

Fyrsta kvikmyndahlutverk Hodge var árið 1995 í Die Hard: With a Vengeance sem hann lék í ásamt bróður sínum. Síðan þá hefur hann komið fram í kvikmyndum á borð við Big Momma´s House, Happy Feet, Red Sands og A Good Day to Die Hard.Árið 2015 lék hann rapparann MC Ren í rapparamyndinni Straight Outta Compton.

Academy of Science Fiction, Fantasy & Horror Films verðlaunin

• 2010: Tilnefndur sem besti leikari í aukahlutverki í sjónvarpi fyrir Leverage.

Black Film Critics Circle verðlaunin

• 2015: Verðlaun sem besti leikhópur í kvikmynd fyrir Straight Outta Compton.

Screen Actors Guild verðlaunin

• 2016: Tilnefndur sem besti leikhópur í kvikmynd fyrir Straight Outta Compton.

• Fyrirmynd greinarinnar var „Aldis Hodge“ á ensku útgáfu Wikipedia. Sótt 2. mars 2016.
• Aldis Hodge á IMDb

• Aldis Hodge á IMDb
• Aðdáendasíða um Aldis Hodge Geymt 19 mars 2011 í Wayback Machine