Grikkjaþinur
Abies cephalonica eða Grikkjaþinur[4] er þintegund ættuð úr fjöllum Grikklands , aðallega á Peloponnesos og eyjunni Kefallonia, og rennur saman við hinn náskylda Búlgaríuþin lengra norður í Pindus fjöllum Norður-Grikklands. Þetta er meðalstórt sígrænt tré sem verður 25 til 35 metra (sjaldan 40m) hátt og með stofnþvermál að einum meter. Hann vex í 900 til 1700 metra hæð yfir sjávarmáli, á fjöllum með úrkomu yfir 1000mm á ári.
Grikkjaþinur | ||||||||||||||
---|---|---|---|---|---|---|---|---|---|---|---|---|---|---|
![]() Grikkjaþinur í "Neuer Botanischer Garten Marburg" í Hesse, Þýskalandi | ||||||||||||||
Ástand stofns | ||||||||||||||
Vísindaleg flokkun | ||||||||||||||
| ||||||||||||||
Tvínefni | ||||||||||||||
Abies cephalonica Loudon | ||||||||||||||
![]() Náttúrulegt útbreiðslusvæði | ||||||||||||||
Samheiti | ||||||||||||||
|
Lýsing
![](http://upload.wikimedia.org/wikipedia/commons/thumb/7/71/%CE%95%CE%BB%CE%B1%CF%84%CE%B1_souli.jpg/220px-%CE%95%CE%BB%CE%B1%CF%84%CE%B1_souli.jpg)
![](http://upload.wikimedia.org/wikipedia/commons/thumb/8/8f/Abies_cephalonica_-_twigs.jpg/220px-Abies_cephalonica_-_twigs.jpg)
![](http://upload.wikimedia.org/wikipedia/commons/thumb/4/4b/Abies_cephalonica_distribution_map.svg/220px-Abies_cephalonica_distribution_map.svg.png)
Barrið er nálarlaga, flatt, 1.5 til 3 sm langt og 2mm breitt og 0.5mm þykkt, gljáandi dökkgrænt að ofan, og með tvær bláhvítar loftaugarákir að neðan. Oddurinn á barrinu er yddur, yfirleitt nokkuð hvass en stundum sljór, sérstaklega á hægvaxandi sprotum á eldri trjám. Könglarnir eru 10 til 20 sm langir og 4 sm breiðir, með um 150 til 200 köngulskeljum, hver með lítið eitt útstæðu stoðblaði og tvemur vængjuðum fræjum; könglarnir sundrast þegar þeir eru fullþroska til að losa fræin.
Hann er einnig náskyldur Nordmannsþini austur í norður Tyrklandi.
Nytjar
Grikkjaþinur var mikilvægur áður fyrr til timburs í byggingar, en er nú of sjaldgæfur til að vera til mikilla nytja. Hann er einnig ræktaður til prýðis í almenningsgörðum og öðrum stórum görðum, þó á svæðum sem fá sein vorfrost hættir honum til að fá skemmdir, þar sem hann er eitt af fyrstu barrtrjánum til að byrja vöxt að vori.
Tilvísanir
Ytri tenglar
- Photos of trees in Peloponnesos, Greece Geymt 29 maí 2008 í Wayback Machine (undirtexti á Ítölsku; "abete" = Grikkjaþinur, "pino nero" = Svartfura)
- Ljósmynd af köngli
- EUFORGEN tegunda síða
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
![](http://upload.wikimedia.org/wikipedia/commons/thumb/d/df/Wikispecies-logo.svg/34px-Wikispecies-logo.svg.png)