Klasika filozofio Greka
La nomizita klasika filozofio Greka evolucionis dum la 6ma yarcento aK e duris tra la nomizita "Helenistik-epoko", til ke la regiono divenis parto dil Romana imperio. Ol enkorpigas diversa temi, inkluzite politikala filozofio, etiko, metafiziko, ontologio, logiko, biologio, retoriko ed estetiko.
![](http://upload.wikimedia.org/wikipedia/commons/thumb/c/c3/Raphael_School_of_Athens.jpg/300px-Raphael_School_of_Athens.jpg)
Multa filozofi nune konsideras ke Greka filozofio havis granda influo super la westala pensado dum la sequanta yarcenti. Alfred North Whitehead dicis unfoye: "la maxim sekura generala karakterizo di Europana filozofiala tradiciono esas ke konsistas en serii di pagino-noti a Platon."[1] Klara, neruptita linei di influo guidas de antiqua Grekia e Helenista* filozofii ad frua Islamala filozofio, Europana Renesanco e la Racion-epoko.
Pose filozofiala tradiciono esis tanta influeso da Sokrates (tale prizentita da Plato) ke esis konvencionala referar a filozofio developita ante Sokrates kam presokratala* filozofio. La periodi sequanta to til la militi di Alexandros la Magna esas to di "klasika Grekia" e "helenista" filozofio.