وینو مادھو (اداکار)

وینو مادھاؤ (30 دسمبر ، 1968۔ 25 ستمبر ، 2019) ایک ہندوستانی فلمی اداکار ، ٹیلی ویژن کے نمائندہ ، ممکری فنکار اور مزاحیہ اداکار تھے، جو خاص طور پر تیلگو فلموں کے علاوہ کچھ تمل اور کنڑا فلموں میں بھی اپنے کاموں کے لیے جانے جاتے تھے ۔ وہ تیلگو فلم انڈسٹری کے بہترین منجھے ہوئے مزاحیہ اداکاروں میں سے ایک تھے ، انھوں نے مختلف کرداروں میں 230 سے زائد فلموں میں کام کیا ۔

وینو مادھو (اداکار)
(تیلگو میں: వేణుమాధవ్)
معلومات شخصیت
پیدائش	30 دسمبر 1969ء   کوڈاڈ
وفات	25 ستمبر 2019ء (50 سال)[1]  سکندر آباد
وجہ وفات	مرض گردہ
طرز وفات	طبعی موت
رہائش	حیدر آباد
شہریت	بھارت
تعداد اولاد
عملی زندگی
پیشہ	اداکار
مادری زبان	تیلگو
پیشہ ورانہ زبان	تیلگو
	IMDB پر صفحات
درستی - ترمیم

وینو مادھو نے ایک ممکری آرٹسٹ(نقال فنکار) کے طور پر اپنے کیریئر کا آغاز کیا۔ وہ مشہور شخصیات ، سیاست دانوں اور مقامی بولیوں کی نقل کرتے اور پھر بعد میں انھوں نے ایک کامیڈین کے روپ میں فلموں میں قدم رکھا ۔ ^[2]

انھوں نے تیلگو فلموں میں اپنا پہلا کردار سمپردایم نامی فلم سے کیا، جو سال 1996 میں ریلیز ہوئی،  اس فلم میں ان کے کردار کی لمبائی زیادہ نہیں تھی لیکن وینو اپنے کامک اسکلز کے لیے نوٹس کیے گئے۔ تب سے شروع ہوا ان کا فلمی سفر 2016 تک جاری رہا۔

ابتدا میں انھوں نے ماسٹر (1997) اور تھولی پریما (1998) جیسی فلموں میں کام کرکے کامیابی حاصل کی۔ ^{[3] [4]}

اس کے بعد انھوں نے تھولی پریما، یووراج، آدی، واسو، سمہدری، سمبا، آریہ،  چھترپتی، سائی، ماس، بنی، اتھڈی، سوپر، دیوداسو، ہیپی ،  پوکری، یوگی، منا، مسکا، دبئی سینو، کک، سمہا، بدری ناتھ، آریہ 2،دھاڈا،ناگا، دل، لکشمی، ابھمنیو، وینکی، دھیریم، سنکرانتی، جے چرنجیو، بھاگیرتھ، آپریشن دریودھن، برنداونم، یدھم اتیادی، باڈی گارڈ، راچا، نائک، اڈا، رے  اور  ردرمادیوی جیسی کامیاب فلموں میں کام کیا۔ہنگامہ، بھوکیلاس اور پریمابھشیکم نامی فلموں میں انھوں نے بطور  مرکزی کردار (لیڈ  رول) کام کیا۔ ان کی آخری فلم 2016 میں ریلیز ہوئی ‘ڈاکٹر پرمانندییا سٹوڈینٹس’ تھی۔

ایکشن مزاحیہ فلم لکشمی میں اپنے کام کے لیے 2006 میں ، انھیں بہترین مرد مزاحیہ اداکار کے لیے ریاستی نندی ایوارڈ ملا۔ انھوں نے وی وی ونائک کے رومانٹک کامیڈی دل (2003) اور ایس ایس راجامولی کی اسپورٹس کامیڈی سایئ (2004) میں اپنے کام کے لیے بہترین مزاحیہ اداکار کے لیے دو سینما ایوارڈ حاصل کیے۔ ^[5] وہ 25 ستمبر 2019 کو سکندرآباد میں جگر اور گردے کی پیچیدگیوں کے سبب فوت ہو گئے۔ ^{[6] [2]}

وینو فلموں کے علاوہ سیاست میں بھی کافی ایکٹو تھے۔ تیلگو دیشم پارٹی  سے وہ لگاتار جڑے رہے۔ پچھلے سال تیلنگانہ میں ہوئے چناؤ میں انھوں نے کوڈاڈ  کے انتخابی حلقہ سے چناؤ لڑنے کے لیے درخواست  نامزدگی بھی شامل کر دی تھی۔ وہ کسی ہیں وجہوں سے وہ انتخابات تو نہیں لڑ پائے، لیکن انتخابی ریلی میں انھوں نے پارٹی کی خوب مدد کی تھی۔