వైశాఖి
| వైశాఖి | |
|---|---|
 ఖల్సా జన్మస్థానం. ఆనందపూర్ సాహిబ్. పంజాబ్. భారతదేశం. | |
| యితర పేర్లు | బైశాఖి, వైశాఖి, ఖల్సా సిర్జాణా దివస్ |
| జరుపుకొనేవారు | ఖల్సా సిర్జాణా దివస్-సిక్కులు. పంట పండుగ/పంజాబీ కొత్త సంవత్సరం- రెండు మతాలు |
| రకం | పంజాబీ పండుగ |
| ప్రాముఖ్యత | పంట కాలం మొదలయ్యే రోజు, పంజాబీ ఉగాది, కొత్త సంవత్సరం, ఖల్సా పుట్టినరోజు |
| ఉత్సవాలు | ఊరేగింపులు, నగర సంకీర్తనలు. తిరునాళ్ళు, బారసాలలు ప్రపంచవ్యాప్తంగా జరుగుతాయి (అమృత సంచార వేడుక) |
| వేడుకలు | ప్రార్థనలు, ఊరేగింపులు, నిషాన్ సాహిబ్ జండా ఎగరవెయ్యడం, తిరునాళ్ళు. |
వైశాఖి, లేదా బైశాఖి సిక్కులకు పెద్ద పండుగ. 1699 లో గురు గోబింద్ సింగ్ ఇదే రోజున ఖల్సా స్థాపించాడు. దానికి గుర్తుగా ఈ పండుగను జరుపు కుంటారు. హిందువులకు కూడా ఇది పండుగ దినమే. వైశాఖమాసంలో మొదటిరోజున ఈ పండుగ వస్తుంది. సూర్య మాన పంచాంగం ప్రకారం ఇది సంవత్సరంలో మొదటి రోజు. పంట ఇంటికి వచ్చే రోజుగా దీన్ని హిందువులు, సిక్కులు జరుపుకుంటారు. రోమన్ కాలెండర్ ప్రకారం ఇది సాధారణంగా ఏప్రిల్ 13 / 14 తేదీలలో వస్తుంది.
ఏరోజు ఎలా
వైశాఖి పండుగ సాధారణంగా ఏప్రిల్ 13 తేదీన వస్తుంది.[1]
ఇది ముఖ్యంగా సిక్కు సమాజానికి చాలా ప్రధానమైన పండుగ. అదేరోజు ఖల్సా స్థాపించబడడం వలన దీనికి ఖల్సా సిర్జాన దినం (Khalsa Sirjana Divas) అని కూడా పిలుస్తారు.[2] నానక్‌షాహీ క్యాలెండర్లో, రెండో నెల వైశాఖ్ మొదటి రోజున ఈ పండుగ వస్తుంది. ఈ కాలెండరు ప్రకారం, ఖల్సా సిర్జానా దినం ఏప్రిల్ 14 న వస్తుంది.[3][4]
మరి కొన్ని సందర్భాల్లో వైశాఖి ఏప్రిల్ 14 న వస్తుంది. ఉపఖండంలోని చాలా ప్రాంతాల్లో మేష సంక్రాంతిని కొత్త సంవత్సర ప్రారంభంగా జరుపుకుంటారు. హిందువులకు ఇది ముఖ్యమైన రోజు. చాంద్ర మానం ప్రకారం కొత్త సంవత్సరం జరుపుకునే ప్రాంతాల వారికి కూడా మేష సంక్రాంతి ముఖ్యమైన రోజే.[5]
ఇదే పండగరోజు మిగిలిన ప్రాంతాలలో కూడా జరుపుకొంటారు. బెంగాల్లో పోహెలా బోయ్‌షాఖ్ అనే పేరుతో కొత్త సంవత్సర వేడుక చేసుకుంటారు. అస్సాంలో బోహాగ్ బిహు అని, తమిళనాడులో పుత్తండు అనే పేరుతో కొత్త సంవత్సరాన్నీ జరుపుకుంటారు.