ମିଠା ମିଠା

ମିଠା ମିଠା, ୨୦୧୭ରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର ।^{[୧][୨][୩][୪]} ଏହି ଚଳଚ୍ଚିତ୍ରର ପ୍ରଯୋଜନା କରିଥିଲେ ସଞ୍ଜୟ କୁମାର ରାଉତ ଏବଂ ତ୍ରିଲୋଚନ ଦାସ । ସଙ୍ଗୀତ ନିର୍ଦ୍ଦେଶକ ତ‌ଥା ଗୀତିକାର ଶ୍ରୀକାନ୍ତ ଗୌତମ ଏହି ଚଳଚ୍ଚିତ୍ରର ଗୀତ, କାହାଣୀ, ସଂଳାପ ଲେଖିଥିବା ବେଳେ ନିଜେ ଚିତ୍ରନାଟ୍ୟ ଏବଂ ନିର୍ଦ୍ଦେଶନା ଦେଇଥିଲେ ।^[୫] ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶନା ଦେଇଥିଲେ ମଳୟ ମିଶ୍ର ।

ମିଠା ମିଠା
ନିର୍ଦ୍ଦେଶକ	ଶ୍ରୀକାନ୍ତ ଗୌତମ
ପ୍ରଯୋଜକ	ସଞ୍ଜୟ କୁମାର ରାଉତ ଏବଂ ତ୍ରିଲୋଚନା ଦାସ
ସଂଳାପ	ଶ୍ରୀକାନ୍ତ ଗୌତମ
ଚିତ୍ରନାଟ୍ୟ	ଶ୍ରୀକାନ୍ତ ଗୌତମ
କାହାଣୀ	ଶ୍ରୀକାନ୍ତ ଗୌତମ
କଳାକାର	ଜ୍ୟୋତି ରଞ୍ଜନ ନାୟକ, ଅମ୍ରିତା, ସମ୍ଭବ, ଶ୍ରଦ୍ଧା, ରାଜେଶ, ପ୍ରକୃତି ମିଶ୍ର, ଶ୍ରୀକାନ୍ତ ଗୌତମ, ହରିହର ମହାପାତ୍ର
ସଙ୍ଗୀତ	ମଳୟ ମିଶ୍ର
ଚିତ୍ରଗ୍ରହଣ	ଚନ୍ଦନ ମଜୁମଦାର
ମୁକ୍ତିଲାଭ ତାରିଖ	୨୬ ମଇ ୨୦୧୭
ଦେଶ	ଭାରତ
ଭାଷା	ଓଡ଼ିଆ

ଏହି ଚଳଚ୍ଚିତ୍ର ପାଇଁ ଶ୍ରୀକାନ୍ତ ଗୌତମ ୨୦୧୫ରେ ଇ ଟିଭି ଓଡ଼ିଆରେ 'ମିଠା ମିଠା ଯୋଡ଼ି' ନାମକ ଏକ କାର୍ଯ୍ୟକ୍ରମ କରିଥିଲେ ।^[୬] ଏହି କାର୍ଯ୍ୟକ୍ରମ ଜରିଆରେ ସେ ଏହି ଚଳଚ୍ଚିତ୍ରର ନାୟିକା ଏବଂ ନାୟିକା ଚୟନ କରିଥିଲେ । ଏହି କାର୍ଯ୍ୟକ୍ରମରେ ଜ୍ୟୋତି ଏବଂ ଅଙ୍କିତା ବିଜେତା ହୋଇଥିଲେ ।^[୭] ଏହାପରେ ଚଳଚ୍ଚିତ୍ରଟିର ସୁଟିଂ ଆରମ୍ଭ ହୋଇଥିଲା । ଏହି କାର୍ଯ୍ୟକ୍ରମରୁ ରାଜେଶ, ଶ୍ରଦ୍ଧା ଏବଂ ସମ୍ଭବଙ୍କୁ ମଧ୍ୟ ଏହି ଚଳଚ୍ଚିତ୍ରରେ ଅଭିନୟର ସୁଯୋଗ ମିଳିଥିଲା । ଏହି ୫ ଜଣ ନୂଆ ମୁହଁ ସ‌ହ ପ୍ରକୃତି ମିଶ୍ରଙ୍କୁ ମଧ୍ୟ ଚଳଚ୍ଚିତ୍ରରେ ନାୟିକା ଭାବରେ ନିଆଯାଇଥିଲା । ଶ୍ରୀକାନ୍ତଙ୍କ ସ‌ହ ସ୍ମିତା ମହାନ୍ତି, ହରିହର ମହାପାତ୍ର, ଅଶ୍ରୁମୋଚନ, ହର ରଥ ପ୍ରମୁଖ ଚଳଚ୍ଚିତ୍ରର ବିଭିନ୍ନ ଭୂମିକାରେ ଥିଲେ ।^[୮] ନାୟକ ଜ୍ୟୋତିଙ୍କର ଏହି ଚଳଚ୍ଚିତ୍ରଟି ପ୍ରଥମ ଚଳଚ୍ଚିତ୍ର ଥିଲା, ମାତ୍ର ମୁକ୍ତିଲାଭରେ ବିଳମ୍ବ ହେତୁ ଏହି ଚଳଚ୍ଚିତ୍ର ମୁକ୍ତିଲାଭ ବେଳକୁ ତାଙ୍କର ଅନ୍ୟ ୩ଟି ଚଳଚ୍ଚିତ୍ର ମୁକ୍ତିଲାଭ କରିସାରିଥିଲା ।