Ровни (езеро)

Акумулацијата настанала во долините на реките Јабланица и Сушица и се наоѓа помеѓу селата Стубо и Ровни, на 15 километри од градот Ваљево. Изградбата на браната Стубо-Ровни започна во 1988 година, беше прекината во 1991 година и продолжи во 2001 година, а беше завршена во септември 2015 година. Се проценува дека во неговата изградба биле вложени околу 70 милиони долари.^[1] Езерото е составен дел од регионалниот водостопански систем „Ровни“ наменет за водоснабдување на повеќе градови: Ваљево, Лазаревац, Лајковац, Уб и Мионица.

Браната има водоотпорно глинено јадро и има камен насип. Висока е 74,5 метри, долга 450 метри и широка во круната 8 метри, а количината на вграден материјал, глина и камен, е речиси 1,5 милиони кубни метри. Вкупниот волумен на акумулацијата е 51,5 милиони кубни метри, а максималната длабочина е 67 метри. Работите на браната и езерото ги изведуваа компаниите „Хидротехника-Хидроенергетика“ и „Енергопроект нискоградња“ од Белград, Србија.

Цевоводот долг 11820 метри носи сурова вода до фабриката за прочистување на водата за градот Ваљево.

Со изградбата на браната и полнењето на езерото е потопена црквата Свети Архангел Михаил во Тубравиќ, позната како „Ваљевска Грачаница“, што предизвикало полемики во јавноста.^[2][3]

Ровни езеро, панорама

• Список на езера во Србија

• Официјален сајт на ЈП „Колубара“ Ваљево
• Веб страна на компанијата Хидротехника-Хидроенергетика Архивирано на 28 март 2016 г.
• Веб страна на компанијата Енергопроект-Нискоградња Архивирано на 26 мај 2016 г.
• Браната Стубо-Ровни чека употребна дозвола (Политика, 22.07.2017)
• Браната Стубо - Ровни во завршна фаза по 30 години градба („Политика“, 25.01.2018)