Dom, Lom, Domba; jo kalompok etnik Indo-Arya lainnyo
Urang Rumani, acok disabuik pulo Roma atau Gipsi, adolah kalompok etnik Indo-Arya nan bamukim di wilayah Balkan, biasonyo iduik bapindah-pindah, ado pulo nan marantau ka sarato panjuru dunia. Urang Rumani baasa dari India Utaro,[47][48][49] dari Rajasthan, Haryana, jo Punjab nan kini manjadi bagian dari India.[48][49]
Panamuan genetik manyatokan Urang Romani baasa dari satu kalompok nan maninggakan India pado tahun 512. Panilitian genetik mambuek jurnal banamo European Journal of Human Genetics manyatokan labiah dari 70% urang laki-laki baasa dari satu garih nan mambuek lain Urang Rumani dari urang-urang lainnyo.[50] Urang Romani tibo di Asia Barat jo Eropa sakironyo pado tahun 1007.[51] Urang Romani acok dihubuangkan jo kalompok etnik Indo-Arya lainnyo, Urang Dom: dikatokan kaduo kalompok iko tapisah nan satu jo nan lain nan punyo kasamoan sijarah. Sacaro khusus, pitarah Urang Rumani jo Urang Dom kalua dari India Utaro sakironyo antaro abaik ka-6 jo abaik ka-11.[51]