Balanites aegyptiacus
- Res
- Disputatio
Tools
General
Imprimere vel exportare
Inceptis aliis
Balanites aegyptiacus[1] (binomen ab Alire Raffeneau Delile anno 1813 statutum post Linnaeum, qui Ximenia aegyptiaca scripserat) est species arborum fructiferarum in climatibus aridioribus Africae borealis nativa. Olim in Aegypto culta est (iam ab anno circiter 2 000 a.C.n.). Hodie ibi rarius visa, in Sudania, Aethiopia, aliis civitatibus nihilominus floret.
Ad 10 metra crescere solet, forma gracili, foliis e spinis ortis, floribus parvis inter 8 et 14 millimetris latis, fructibus inter 30 et 40 millimetris longis. Cortex nucis oleum aromaticum utilissimum producit, balaninum oleum a Plinio nuncupatum.[2]
Papiones hamadryades folia et fructus Balanitae aegyptiaci ad morbum schistosomiasim arcendum comedere censentur.[3]
Vicimedia Communia plura habent quae ad Balanitam aegyptiacum spectant. |
Vide "Balanites aegyptiacus" apud Vicispecies. |
Situs scientifici: Tropicos • ITIS • Plant List • NCBI • Biodiversity • Encyclopedia of Life • Plant Name Index • IUCN Red List • "Balanites aegyptiaca" apud Plants for a Future • Plantes d'Afrique • USDA Plants Database |