Բերիթ Բրեյննե

Ծնվել է Աքերում, Նորվեգիա, Սիգմունդ Բրեյննեի և Բոդիլ Վինչի դուստրը^[5] և դերասանուհի Ռանդի Բրեյննեի քույրը^[6]։ 1950 թվականից 1951 թվականը ամուսնացած է եղել քանդակագործ Հյուգո Ֆրանկի հետ։ Եղել է դերասան Ֆրանկ Ռոբերտի քենին^[5]։

Բրեյննեն իր առաջնախաղն ունեցել է 1938 թվականին Օսլոյի Մասկեն (Masken) թատրոնում, իսկ հաջորդ տասներկու տարիների ընթացքում որպես դերասանուհի հանդես է եկել Օսլոյի տարբեր թատրոններում, Բերգենում և Սթավանգերում։ 1946 թվականից Նորվեգիայի հեռարձակող ընկերության համար մասնակցել է Lørdagsbarnetimen (շաբաթ օրվա մանկական ժամ) ռադիոհաղորդման երգերի և աուդիոների ձայնագրմանը։ 1954 թվականից մասնակվել է Barnetimen for de minste առավոտյան հանրահայտ շոուին։ Այստեղ նրա առաջին պատմություն Dukkemannen Tulleruskomsnusk էր, որը հետագայում՝ 1961 թվականին հրատարակվել է^[5]։

Նրա առաջին գիրքը, 1958 թվականին հրատարակված Historien om Tamar og Trine (Թամարի և Տրինեի պատմությունը), պատմում է նավաստիների ընտանիքի մասին, որը երեխաներ է որդեգրել աշխարհի տարբեր անկյուններից^[5]։ Գիրքը պարունակում է «Jorden snurrer rundt og rundt med barn på all kanter» երգը (հայերեն՝ Երեխաների հետ աշխարհը պտտվում և պտտվում է բոլոր ուղղություններով), որը հետագայում տեղ է գտել երգի դպրոցական դասագրքերի մեջ^[5]։ 1959 թվականին և 1960 թվականին համապատասխանաբար հրապարակվել են Tai-mi, Tamar og Trines søster և Tom Tangloppe, bror til Tamar, Trine og Ta-mi սիքվելները^[7]։ 1964 թվականից մի քանի հեռուստահաղորդաշարեր է գրել երեխաների համար^[5]։ Նրա Tørris եռերգությունը (1967-1969թթ) 19-րդ դարի կեսերի գյուղական հասարակության կյանքը դիտում է երեխայի տեսանկյունից^[5]։ Տղա «Տորրիսը» մեծանում է ծնողների, պապիկների և տատիկների, եղբայրների և քույրերի հետ՝ ընտանի կենդանիներով շրջապատված^[7]։

1956 թվականին Բերիթ Բրեյննեն արժանացել է Riksmålsforbundet պատվավոր մրցանակի։ Մահացել է Օսլոյում 1976 թվականին։

• ”Berit Brænne” Store norske leksikon. Läst 10 januari 2011

• Anmeldelse av Tamar og Trine (նորվ.)
• Om Bårdsgarden fra Tørris-bøkene (նորվ.)

Վիքիպահեստն ունի նյութեր, որոնք վերաբերում են «Բերիթ Բրեյննե» հոդվածին։