Star Trek Beyond é un filme estadounidense de 2016 dirixido por Justin Lin. É o décimo terceiro título da saga Star Trek. É a secuela de Star Trek Into Darkness (2013) e a terceira da triloxía comezada co filme de 2009 Star Trek. Está protagonizado por Chris Pine e Zachary Quinto. Foi escrita por Doug Jung e Simon Pegg, o cal interpreta a un dos personaxes, e producida por J. J. Abrams, Roberto Orci e Bryan Burk.[4]
Paramount anunciara que a próxima película da franquía, titulada provisionalmente polos medios de entretemento como Star Trek 3, estaba prevista para ser lanzada en xullo de 2016, a tempo para o aniversario número 50 da franquía.[5] Segundo os informes, a película terá lugar no espazo profundo, co Enterprise e o equipo tratando unha crise non revelada. Esta película segundo os informes, será máis similar ao orixinal Star Trek.[6]
Debido ao compromiso de Abrams de dirixir Star Wars: The Force Awakens, será produtor pero non o director.[7] O escritor Alex Kurtzman anunciou que xa non participaría, co seu compañeiro de escritura Roberto Orci, xunto con Patrick McKay e JD Payne.[8] Foi máis tarde cando se anunciou que Orci dirixiría a película, pero o 5 de decembro de 2014, informouse de que el xa non sería o director e que Edgar Wright estaba a ser considerado como unha potencial substitución.[9][10] O 22 de decembro de 2014, Justin Lin foi confirmado como director de Star Trek 3.[11]
O 22 de xaneiro de 2015, anunciouse que Simon Pegg co-escribiría a terceira película xunto con Doug Jung.[12] No proxecto orixinal de Orci, Pegg comentou que Paramount "tiña un guión de Star Trek que non estaba realmente traballado para eles. Creo que o estudo estaba preocupado de que podería ser demasiado pouco Star Trek-e". Polo seu papel como o guionista principal, Pegg pedira facer esta nova película "máis inclusiva", indicando que a solución era "facer un western ou un thriller ou unha película de roubo, e entón poboar iso con personaxes de Star Trek, polo que é máis inclusiva a unha audiencia que podería ser un pouco reticente."[13]
O 10 de abril de 2015, Deadline informou que a actriz francesa Sofia Boutella foi elixida como membro do elenco na terceira película.[14] O 21 de abril de 2015, Trek Movies revelou que o título da película sería Star Trek Beyond.[15]
A rodaxe comezou en xuño de 2015, con Bryan Cranston e Idris Elba en conversacións para o papel de vilán principal.[4][16][17][18]
O 23 de decembro de 2014, anunciouse que a película se estreará o 8 de xullo de 2016.[19][4] O 25 de novembro de 2015 FOX anunciou que a película tamén será estreada en formato IMAX, converténdose así na primeiro película da serie en estrearse en devandito formato.[20]