Namiqkamal Əliyev

Namiqkamal Əliyev
Azərbaycan Dövlət Yanacaq Komitəsinin sədri
22 yanvar 1991 – 10 aprel 1992
Əvvəlki	Rafiq Məmmədov
Sonrakı	Muxtar Aslanov
Azərbaycan SSR neftayırma və neft kimyası sənayesi naziri
21 yanvar 1980 – 21 yanvar 1988
Əvvəlki	Kamil Akimov
Sonrakı	nazirlik ləğv edilib
Şəxsi məlumatlar
Doğum tarixi	1932
Partiya	Sovet İttifaqı Kommunist Partiyası (1961–1991)
Təhsili	Azərbaycan Dövlət Neft və Sənaye Universiteti
Təltifləri

Namiqkamal (Namiq Kamal) Məmməd oğlu Əliyev (1932) — Azərbaycan dövlət xadimi, Azərbaycan SSR neftayırma və neft kimyası sənayesi naziri (1980–1988), Azərbaycan Dövlət Yanacaq Komitəsinin sədri (1991–1992).

Namiqkamal Məmməd oğlu Əliyev 1932-ci ildə qulluqçu ailəsində anadan olmuşdur. Azərbaycan Sənaye İnstitutunu bitirmişdir.^[1]

1957–1963-cü illərdə Bakı gəmi tərsanəsinin mühəndisi, Elmi Tədqiqat Neft-Kimya Prosesləri İnstitutunun böyük mühəndisi olmuşdur. 1963-cü ildən Sumqayıt kimya kombinatının baş mexaniki, baş mühəndisi, Oktyabr inqilabı adına üzvi məhsullar zavodunun direktoru, baş mühəndisi, qaz emalı zavodunun sonra isə Azərqaznəqliyyat İstehsalat Birliyinin direktoru vəzifələrində işləmişdir.^[2]

Namiqkamal Əliyev 1980-ci ildə Azərbaycan SSR neftayırma və neft kimyası sənayesi naziri təyin edilmişdir. 1988-ci ildə nazirlik ləğv edilənədək bu vəzifədə işləmiş, 1991–1992-ci illərdə isə Azərbaycan Dövlət Yanacaq Komitəsinin sədri olmuşdur.

Namiqkamal Əliyev 1961-ci ildən Sov.İKP üzvü olmuş, Azərbaycan Kommunist Partiyası Mərkəzi Komitəsinin üzvü seçilmişdir.^[2] Azərbaycan SSR Ali Sovetinin X və XI çağırış deputatı olmuşdur.^[1]

• Azərbaycan SSR hökuməti (1980–1985)
• Azərbaycan SSR hökuməti (1985–1991)
• I Azərbaycan hökuməti