Asítiase na parte occidental de la islla, estendiéndose de norte a sur, y llendando colos conceyos de Valle Gran Rey, Agulo, Hermigua y Alajeró.
Tien una estensión de 109,32 km², siendo'l segundu conceyu n'estensión de la islla. [1] Tien un llargor de mariña de 26,75 km.
L'altitú de la capital del conceyu ye d'unos 180 metros sobre'l nivel del mar, siendo'l mayor altor del términu l'Altu de Garajonay, que colos sos 1.482 msnm ye'l puntu más altu de La Gomera. [2]
San Juan Bautista, el 24 de xunu. Patrón del conceyu, la so imaxe atopase na ilesia matriz que lleva'l mesmu nome nel cascu antiguu de Vallehermoso. Destaquen les numberoses fogueres qu'allumen y chisquen el cascu, la viéspora del día grande de les fiestes de Vallehermoso. Siguida d'una actuación pirotécnica.
La nuesa Señora del Carmen, 22 de xunetu. Compatrona del conceyu, atopase na so ermita del Barriu del Inxeniu, a pocos quilómetros del cascu antiguu de Vallehermoso. Cada 5 años, la virxe ye baxada dende la so ermita hasta'l cascu del pueblu acompañada en romería por chácaras y tambores y numberosos xarrés hasta la so llegada a la ilesia matriz de San Juan Bautista. Asitiándose en dichu templo hasta la tradicional xubida de la Virxe, fecha en que la virxe xube escontra la so ermita. Les fiestes Lustrales (cada 5 años) n'Honor a La nuesa Señora del Carmen son una de les fiestes más importantes de la islla.
La nuesa Señora del Pilar, mes d'ochobre. El barriu de La Pilarica, en Vallehermoso cascu, celebra na plaza de La Pilarica, onde s'atopa nuna pequeña capiya la imaxe, los actos n'honor a La nuesa Señora del Pilar.
La nuesa Señora de Candelaria, 15 D'agostu. Celebranse en Chipude, caracterizándose por ser una de les fiestes más populares de la islla y de Canaries.