El rodaballu (Scophthalmus maximus) ye una especie de pez pleuronectiforme de la familia Scophthalmidae.[1] Nun se reconocen subespecies.[1]
El so cuerpu ye romboidal, casi circular, colos güeyos nel lladral esquierdu, llegando a algamar los 100 cm de llargor y 12 kg de pesu, anque lo más habitual son los 60 cm. Los machos son más pequeños que les femes. L'aleta dorsal ye llarga y empieza ente los güeyos y la boca. El lladral derechu ta despigmentado y l'esquierdu o superior tien tubérculos óseos de superficie rugosa y una coloración variable según el sustratu nel que s'atope. La llinia llateral ta curvada percima de l'aleta pectoral y l'aleta caudal tien manches.[2][3]