Bôle
- Artikel
- Diskussion
Werkzeuge
Allgemein
Drucke/exportiere
In andre Projäkt
Bôle | |
---|---|
![]() | |
Basisdate | |
Staat: | Schwiiz |
Kanton: | Nöieburg (NE) |
Bezirk: | (Dr Kanton Nöieburg kännt sit 2018 kä Bezirk me.) |
Gmeind: | Milvignesi2 |
Poschtleitzahl: | 2014 |
Koordinate: | / 20206146.9680576.84167152346° 58′ 5″ N, 6° 50′ 30″ O; CH1903: 554571 / 202061 |
Höchi: | 523 m ü. M. |
Flächi: | 2.58 km² |
Iiwohner: | 1806 (31. Dezämber 2012) |
Website: | www.bole.ch |
Charte | |
![]() |
Bôle (frankoprovenzalisch [ˈbuːlɔ]) isch e Dorf i der Gmeind Milvignes im Kanton Nöueburg.
Bis Endi 2012 isch s e bolitischi Gmai im nöieburgische Boudry gsii. Uf Aafangs 2013 hän d Gmainde Auvernier, Bôle un Colombier zur Gmaind Milvignes fusioniert.
Bôle isch e Dorf am untere Jurasidhang rund 100 m iber em Nöueburgersee. Dr Bann umfasst 27 Prozänt landwirtschaftligi Flechi, 46 Prozänt Wald, 25 Prozänt Sidligsflechi un 2 Prozänt sunschtigi Flechi.
Bôle isch zum erschte Mol gnännt wore anne 1346 as Boule.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Quälle: Bundesamt für Statistik 2005[1]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 291 | 290 | 379 | 365 | 425 | 525 | 499 | 519 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 570 | 517 | 571 | 721 | 1422 | 1503 | 1699 | 1778 |
Dr Uusländeraadail isch 2010 bi 12,7 Prozänt gläge.
46,6 Prozänt vo dr Yywooner sin evangelisch-reformiert, 27,9 Prozänt sin römisch-katholisch (Stand 2000).
Bi dr Nationalrootswahle anne 2011 het s des Ergebnis gee: BDP 2,4 Prozänt, CVP 9,2 Prozänt, FDP 32,5 Prozänt, Grüeni 7,8 Prozänt, PdA 0,4 Prozänt, SP 22,4 Prozänt, SVP 18,7 Prozänt.
Dr lescht Gmaindsbresidänt isch dr Raphaël Constantin gsii (Stand 2012).
Früener isch Bôle es Wyypuuredorf gsi; hütt woone vil Lütt dört, wo i d Agglomerazioon Nöieburg gänd go schaffe.
Bi dr Volkszellig 2000 hän vu dr 1778 Yywohner 90 Prozänt Franzesisch as Hauptsproch aagee, 3,9 Prozänt Dytsch, 1,6 Prozänt Italienisch un 4,5 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[2][3]