Taxandria parviceps

sebbangan ti mula

Ti Taxandria parviceps, kadawyan nga ammo iti Ingles a kas tea tree,[1] ket ti sebbangan ti bassit a mula nga agtubo iti abagatan laud nga aplaya ti Akinlaud nga Australia.[2] Daytoy a mula ket dati a naidasig a kas Agonis parviceps ngem parte itan iti henero ti Taxandria.

Taxandria parviceps
Taxandria parviceps
Taksonomia urnosen
Pagarian:Plantae
Klado:Tracheophytes
Klado:Angiospermae
Klado:Eudicotidae
Klado:Rosids
Urnos:Myrtales
Pamilia:Myrtaceae
Henero:Taxandria
Sebbangan:
T. parviceps
Dua a nagan
Taxandria parviceps
(Schauer) J.R.Wheeler & N.G.Marchant
Kapada a nagan

Agonis parviceps

Bulbulon ken sabsabong ti Taxandria parviceps

Deskripsion

Ti bassit a mula ket maysa a nalinteg iti porma ken kadawyan nga agtubo iti katayag iti 3 aginggana iti 4 metro (10 iti 13 ft). Daytoy ket agsabong iti pagbaetan ti Hulio ken Oktubre ken agpataud kadagiti puraw a sabong .[2] Daytoy ket mabalin a maimula kas maysa nga ornamental a bassit a mula iti hardin a naandur ken addaan iti nasamek a bulbulong. Dagiti bassit a puraw a sabong aduda a rummuar ken nabanglo dagiti bulong. Ti bassit a mula ket makaandur iti kalgaw no napauten a naimula ken makaandur pay iti bassit a nayelo a linnaaw.[1]

Pannakaiwarwaras

Daytoy ket masansan a mabirukan kadagiti igid dagiti lugar ti basa ti panawen ken dagiti karuburoban ti darat ken dagiti nadalumpinas a lugar. Sumakup daytoy kadagiti rehion ti aplaya ken gumay-at manipud iti rehion ti South West aginggana iti rehion ti Great Southern nga idiay ket agtubo kadagiti nadarat wenno nasekka a daga kadagiti quartzite wenno granito.[2]

Pannakaidasig

Immuna a pormal a naipalawag a kas Agonis parviceps babaen ti botaniko a ni Johannes Conrad Schauer idi 1844 kas parte ti obra a Plantae Preissianae ni Johann Georg Christian Lehmann. Ti mula ket kanungpalan a naidasig manen iti T. parviceps iti maysa a rebision idi 2007 babaen da Wheeler ken Marchant iti baro a henero iti Taxandria.[3]

Dagiti nagibasaran