Ni Susan Hayward (Hunio 30, 1917 – Marso 14, 1975) ket maysa idi nga Amerikana nga aktres.[5]
Kalpasan iti panagtrabahona a kas modelo idiay New York, napan ni Hayward idiay Hollywood idin 1937. Nakaala isuna iti kontarato iti pelikula ken nangipapel kadagiti nadumaduma a bassit a papel kadagiti nabiit a simmaruno a tawen.
Babaen kadagidi naladaw a tawen ti 1940, simmayaat ti kalidad dagiti papelna iti pelikula, ken nakagun-od iti pannakabigbig para kadagiti abilidadna iti drama iti immuna kadagiti lima a noninasionna iti Gunguna ti Akademia para iti Kalaingan nga Aktres para iti panangiladawanna iti maysa a mammartek iti Smash-Up, the Story of a Woman (1947). Nagtuloy a nagballigi ti pagsapulanna kadagiti tawen ti 1950 ken nakaawat kadagiti simmaruno a nominasion para iti My Foolish Heart (1949), With a Song in My Heart (1952), ken ti I'll Cry Tomorrow (1955). Kanungpalanna a nanagabak iti Kalaingan nga Aktres para iti panangiladawanna iti balud iti dusa iti patay a ni Barbara Graham iti I Want to Live! (1958).