Pieter Willem Korthals
Ni Pieter Willem Korthals (Septiembre 1, 1807, Amsterdam – Pebrero 8, 1892[1], Haarlem) ket maysa idi nga Olandes a botaniko. Ni Korthals ket isu idi ti opisial a botaniko iti Serbisioo ti Daya nga India iti Olanda manipu didi 1831 agonggana idi 1836.Kadagiti adu a naduktalanna ket ti makaagas a mula a Kratom (Mitragyna speciosa).[2]:59 Sinurat ni Korthals ti immuna a monograpo dagiti tropikal pitser a mula, ti "Over het geslacht Nepenthes", a naipablaak idi 1839.[3]
Ninaganan ni Carl Ludwig Blume ti botanikal a henero iti Korthalsia (pamilia ti Arecaceae) para ken ni Korthals,[4] ken impaammo ni Philippe Édouard Léon Van Tieghem iti henero a nagan iti Korthalsella (pamilia ti Santalaceae) a kas pammadayaw kaniana.[5] Naipanagan kaniana ti Bulbophyllum korthalsii.