Golpo Shelikhov
Ti Golpo Shelikhov (Ruso: залив Шелихова) ket ti maysa a dakkel a golpo iti akin-amianan a laud nga aplaya ti Kamchatka, Rusia. Daytoy ket mabirukan iti akin-amianan a daya a suli ti Baybay ti Okhotsk ken maisanga daytoy kadagiti dua a nangruna nga ima, ti Luek Gizhigin iti laud ken ti Luek Penzhina iti daya. Ti abagatan a laud a sulina ket binukel babaen ti Peninsula ti P'yagin, ti Golpo Yam ken ti Is-isla Yamsky.
Daytoy ket naipanagan manipud iti eksplorador a Ruso a ni Grigory Shelikhov.
Saan koma nga iyallilaw ti Golpo Shelikhov iti basbassit a Luek Shelikhov (Bukhta Shelikhova, 50.3764N, 155.62E), nga adda met iti Baybay ti Okhotsk iti akin-amianan a laud nga aplaya ti Isla Paramushir.
Pakasaritaan
Ti Golpo Shelikhov ket kanayon idi a pappapanan Amerikano a barko nga agan-anup kadagiti bowhead a balyena ken maris dapo a balyena kadagiti baetan ti 1849 ken 1900. Tinawtawaganda idi daytoy iti Golpo Amianan a daya.[1][2][3] Nakisinnukatda pay kadagiti patneng para iti ikan ken reindeer.[4] Idi 11 Agosto 1867, ti barko Stella (270 a tonelada), ti New Bedford, Capt. Ebenezer F. Nye, ket narebbeg idi iti Krayny iti akin-amianan a daya nga ima ti golpo. Dua lallaki ti natay idi ti barko ket naburak kadagiti pegaso kadagiti bato. Dagiti nabati a tripulante ket naisinsinada kadagiti agmamano a lugan iti baybay.[5][6][7]
Biag iti kaatapan
Iti primabera ken kalgaw, aguurnong dagiti balyena a beluga kadagiti luek ken dagiti estuario iti ulo ti Golpo Shelikhov tapno manganda kadagiti agit-itlog a baramban, smelt, ken salmon.[8] Iti primabera, dagiti balyena a bowhead ket makita pay iti daytoy a golpo.[9]
Dagiti nagibasaran
- Lokasion Naiyarkibo 2008-01-09 iti Wayback Machine
Dagiti akinruar a silpo
158°00′E / 59.75°N 158°E