Chrysophyllum viridifolium

Fluted milkwood
	Nataengan a habit, Abagatan nga Aprika
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Asterids
Urnos:	Ericales
Pamilia:	Sapotaceae
Henero:	Chrysophyllum
Sebbangan:	C. viridifolium
Dua a nagan
	Chrysophyllum viridifolium; J.M.Wood & Franks, 1911

Ti Chrysophyllum viridifolium, kadawyan nga ammo iti Ingles iti fluted milkwood, ket ti mabalin a dakkel a (aginggana iti 20 m katayag^[1]) sebbangan ti kankanayon a berde a kayo a mabirukan kadagiti pantar a bakir ti Daya nga Aprika, dagiti akin-abagatan a mosaiko a pantar a bakir ken kadagiti sumagmamano nga akin-uneg a bakir iti tropiko ken subtropiko.

Sakup ken habitat

Daytoy ket patneng iti Kenya, Mozambique, Malawi, akindaya a Zimbabwe, Eswatini ken Abagatan nga Aprika (dagiti probinsia ti KZN ken Eastern Cape).^[1]^[2] Ti habitatna ket dagiti pantar a bakir iti amianan ti East London, ken kabambantayan a bakir ti kabambantayan ti Chimanimani ken Malawi.

Deskripsion

Ti puon ket mabalin a kas pluta iti baba, ken ti maramaris-dapo nga ukis ti kayo ket nalamuyot bassit ken naturikturian. Dagiti ubing a sanga ken dagiti sirok ti bulong ket naabbongan kadagiti maralabbasit nga indumento.^[2] Ti rungbeb ungto, arinduyog a bulbulong ket agrukod iti agarup a 4-9 babaen ti 1.5-5 cm. Ti nalennekan nga agpakatengnga a paragpag ket naikapet iti sub-marginal nga urat babaen dagiti adu, agaassideg iti baetan a paralelo nga urat. Intero ti umallon a paraigid. Dagiti puraw a sabong ket rummuar kadagiti axillary a rimpuok. Ti makan a bunga ket ganggani nga agtimbukel ken naparagpagan bassit, ken maluom iti maris a duyaw.^[2]