Brassicales
Ti Brassicales (wenno Cruciales) ket dagiti urnos dagiti agsabsabong a mula a maitagikua iti grupo ti eurosids II dagiti dicotyledon babaen ti sitema ti APG II.[2] Ti maysa a pakailasinan a kadawyan kadagiti adu a kameng iti daytoy nga urnos ken ti panagpataud dagiti kompuesto ti glucosinolato. Kaaduan ti sistema ti panangidasig ket mangiraman iti daytoy nga urnos, ngem sagpaminsan nga iti nagan a Capparales (ti napili a nagan depende no ania ti maipagarup a prioridad).[3]
Brassicales | |
---|---|
![]() | |
Alliaria petiolata, (Brassicaceae) | |
Taksonomia ![]() | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Klado: | Malvids |
Urnos: | Brassicales Bromhead[1] |
Dagiti pamilia | |
|
Kadawyan nga aglaon ti urnos kadagiti sumaganad a pamilia:[4]
- Akaniaceae – dua a sebbangan dagiti kayo a turnipwood, patneng iti Asia ken akindaya nga Australia
- Bataceae – dagiti managayat iti asin a bassit a kaykayo manipud iti Amerika ken Australasia
- Brassicaceae – pamilia ti mustasa ken repolio; mabalin a mairaman ti Cleomaceae
- Capparaceae – pamilia ti alkaparra, sagpaminsan a mairaman iti Brassicaceae
- Caricaceae – pamilia ti papaya
- Cleomaceae[1]
- Gyrostemonaceae – nadumaduma a henero dagiti bassit a kayo ken dagiti kayo nga endemiko kadagiti temperado a parte ti Australia
- Koeberliniaceae – maysa a sebbangan iti nasiit a bassit a kayo a patneng iti Mehiko ken ti Abagatan-laud ti Estados Unidos
- Limnanthaceae – pamilia ti meadowfoam
- Moringaceae – sangapulo ket tallo a sebbangan dagiti kayo manipud iti Aprika ken India
- Pentadiplandraceae – sebbangan ti Aprika a dagiti berry ket addaan iti dua a nasam-it unay a nanam a protina
- Resedaceae – pamilia ti mignonette
- Salvadoraceae – tallo a henero a mabirukan manipud iti Aprika anginggana iti Java
- Setchellanthaceae
- Tovariaceae
- Tropaeolaceae – pamilia ti nasturtium
Babaen ti sistema ti Cronquist, natawtawagan idi ti Brassicales iti Capparales, ken nairaman kadagiti "Dilleniidae". Dagiti laeng nairaman a pamilia ket ti Brassicaceae ken Capparaceae (natrato a kas dagiti sabali a pamilia), ti Tovariaceae, Resedaceae, ken Moringaceae. Dagiti sabali a nainayonen a takson ket naikabilda kadagiti nadumaduma nga urnos.
![](http://upload.wikimedia.org/wikipedia/commons/thumb/9/99/Cleome_%28Spider_Flower%29_in_Gavi.jpg/170px-Cleome_%28Spider_Flower%29_in_Gavi.jpg)
Asideg nga agkakabagian dagiti pamilia ti Capparaceae ken Brassicaceae. Ti maysa a grupo, a mangbukel iti Cleome ken dagiti mainaig a henero, ket tradisional idi a mairaman iti Capparaceae ngem ti panagaramid iti daytoy ket nagresultaan ti maysa a parapiletiko a Capparaceae.[3] Isu a kasta, daytoy a grupo ket kadawyan a mairaman iti Brassicaceae wenno kas iti bukodna a pamilia iti Cleomaceae.[4][5]
Dagiti nagibasaran
Dagiti akinruar a silpo
Dagiti midia a mainaig iti Brassicales iti Wikimedia Commons