Zari
«Zari» (հուն․՝ Ζάρι), հույն երգչուհի Մարինա Սաթիի երգը, որը գրվել է Սաթիի կողմից ևս ութ երգահանների հետ և թողարկվել է 2024 թվականի մարտի 7-ին Golden Records-ի կողմից։ Մարիան այս երգով ներկայացնելու է Հունաստանը՝ Եվրատեսիլ 2024 երգի մրցույթում։
«Zari» | |
---|---|
Մարինա Սատտիի երգը | |
Ժանր | լաիկո, Greek folk dance? և neoperreo? |
Լեզու | հունարեն |
Տևողություն | 180 վայրկյան |
Լեյբլ | Golden Records? և Minos EMI |
Հեղինակ | Մարինա Սատտի և VLOSPA? |
Կոմպոզիտոր | Մարինա Սատտի, Jay Lewitt Stolar? և Jordan Palmer? |
Սաթթին այն նկարագրում է որպես երգ, որը նպատակ ունի պատմելու հույն երիտասարդների և նրանց մշակույթի «իրական հատկանիշները»։
Կազմ
«Զարի»-ն գրել են Ջինո Բորին, Ջեյ Լյուիտ Ստոլարը, Ջորդան Ռիչարդ Պալմերը, Կոնստանտին Պլամենով Բեշկովը, Մանոլիս Սոլիդակիսը, Մարինա Սաթտին, Նիկ Կոդոնասը, Օգեն և Վլոսպան[1]։ Սաթիի կողմից տրված մամուլի հայտարարություններում նա նշել է, որ ցանկունում է խառնել Հունաստանի հին ու նոր մշակույթներն ու ավանդույթները[2]։ Նա նաև նշել է, որ երգը կենտրոնացած է բախտի թեմայի վրա[3]։ Հունական լրատվամիջոցներին տված հայտարարություններում հայտարարել է հունական մշակույթի մասին կարծրատիպերը կոտրելու ցանկության մասին[4]։ Երգը թողարկվել է 2024 թվականի մարտի 7-ին Golden Records-ի կողմից[2]։
Տեսահոլովակ
Երգի թողարկմանը զուգընթաց նույն օրը թողարկվել է կից տեսահոլովակը։ Երաժշտական տեսահոլովակը նկարահանվել է Հունաստանի տարբեր վայրերում, այդ թվում՝ Ակրոպոլիսում, Պլակայում, Մոնաստիրակիում, Հերովդես Ատտիկացու օդեոնում, Օմոնոյայում, Լիկավիտոսում, Ռաֆինայում և Աթենքի միջազգային օդանավակայանում[5][6]։
Եվրատեսիլ 2024 երգի մրցույթ
Ներքին ընտրություն
«Եվրատեսիլ» երգի մրցույթի Հունաստանի հեռարձակողը՝ Hellenic Broadcasting Corporation-ը (ERT), պաշտոնապես հայտարարել է 2023 թվականի սեպտեմբերի 15-ին Եվրատեսիլ 2024 երգի մրցույթին մասնակցելու մտադրության մասին[7]։ Մեկ ամիս անց՝ հոկտեմբերի 24-ին, ERT հեռուստատեսային ստուդիա 4-ի եթերում հայտարարել է, որ իրենք ներքին կարգով ընտրել են Մարինա Սաթիին՝ երկիրը ներկայացնելու համար[8]։
Եվրատեսիլում
Եվրատեսիլ 2024 երգի մրցույթը տեղի կունենա Շվեդիայի Մալմյո քաղաքի «Մալմյո Արենա» մարզադաշտում և բաղկացած կլինի երկու կիսաեզրափակիչներից, որոնք տեղի կունենան համապատասխան՝ մայիսի 7-ին և 9-ին, իսկ եզրափակիչը՝ 2024 թվականի մայիսի 11-ին։ 2024 թվականի հունվարի 30-ին տեղի ունեցած վիճակահանության ժամանակ, պարզ է դարձել որ, Հունաստանը հանդես է գալու երկորրդ կիսաեզրափակչում՝ ելույթ ունենալով շոուի առաջին կեսում[9]։