P.Y.T. (Pretty Young Thing)

Երգի դեմոտարբերակը գրվել է Մայքլ Ջեքսոնի և Գրեգ Ֆիլինգեյնսի կողմից, այն ավելի դանդաղ և մեղեդային էր։ Պրոդյուսեր Քուինսի Ջոնսը որոշել է, որ «Thriller» ալբոմում չափազանց շատ բալլադներ կան և Ջեյմս Ինգրամ Ջոնսի հետ ամբողջությամբ վերամշակել է երգը։ Արդյունքում «P.Y.T.»-ը դարձել է Ջեքսոնի ամենաարագ երգերից մեկը, այն ձայնագրվել է սի մինոր տոնայնութամբ^[2]։

Բեք վոկալը երգել են Ջեքսոնի քույրերը՝ Ջանեթը և Լա Տոյան, երգչի հետ կրկնելով «na na na»^[3]: Երգը ստեղծվել է ֆանկ, ջազ և բլյուզ ժանրերում։ Տեքստում երաժիշտը սիրախաղում է երիտասարդ աղջկա հետ։ Հեղինակները երգում գործածել են անգլերենի հին բառապաշարը^[4]։

2004 թվականին երգի նախնական ցուցադրումը ներառված էր «Michael Jackson: The Ultimate Collection» բոքս-սեթում^[5]։

1983 թվականի սեպտեմբերի 19-ին «P.Y.T. (Pretty Young Thing) երգը թողարկվել է որպես Ջեքսոնի վեցերորդ՝ «Thriller» ստուդիական ալբոմի վեցերորդ սինգլ։ Երգը Billboard Hot 100 ամերիկյան չարթում զբաղեցրել է 10-րդ հորիզոնականը և դարձել «Thriller» ալբոմի 6-րդ սինգլը, որը հայտնվել է աղյուսակի առաջին տասնյակում։ P.Y.T.-ը զբաղեցրել է բրիտանական UK Singles Charts-ի 11-րդ հորիզոնականը։ Սինգլը Մեծ Բրիտանիայում ստացել է արծաթե հավաստագիր և երկու պլատինե՝ Միացյալ Նահանգներում^[6]։

Rolling Stone ամսագրի քննադատների կարծիքով երգը չի համապատասխանում ալբոմի այլ կոմպոզիցիաներին։ 2008 թվականին Los Angeles Times թերթի լրագրողը գրել է. «Երգի վերադաշնակումն ունի որոշակի հմայք, չնայած այն այնքան ուժեղ չէ, որքան «Beat It»-ը և ոչ այնքան սահուն, որքան «Human Nature»-ը^[7]։ Բայց սինթեզատորի ալիքաձև հնչյունները և բասի հնչերանգը կատարելապես կատարում են իրենց գործը»^[8][9]։

• Մայքլ Ջեքսոն՝ վոկալ, բեք վոկալ, ծափեր
• Քուինսի Ջոնս՝ խոսքեր, երաժշտություն, վերադաշնակում
• Ջեյմս Ինգրեմ՝ խոսքեր, երաժշտություն, վերադաշնակում, բեք վոկալ, ծափեր
• Հովարդ Հյուիթ՝ բեք վոկալ
• Ջանեթ Ջեքսոն, Լա Տոյա Ջեքսոն, Բեքի Լոպես, Բանի Հալ՝ բեք վոկալ
• Գրեգ Ֆիլինգեյնս՝ սինթեզատոր, ծափեր
• Մայքլ Բոդիքեր՝ Emulator
• Փոլ Ջեքսոն՝ կիթառ
• Լյուիս Ջոնսոն՝ բաս կիթառ, ծափեր
• Սթիվեն Ռոյ՝ ծափեր
• Նդուգու Չանքլեր՝ հարվածային գործիքներ

7

• 12

Չարթ (1984)	Հորիզոնական
Ավստրալիա	40
Բելգիա[10]	6
Մեծ Բրիտանիա	11
Իռլանդիա[11]	4
Կանադա[12]	17
Գերմանիա[13]	51
Նիդեռլանդներ[14]	14
Լեհաստան[15]	19
ԱՄՆ (Hot 100)	10
ԱՄՆ (R&B/Hip-Hop Songs)[16]	46

Երկիր	Հավաստագրում
Մեծ Բրիտանիա (BPI)	Արծաթե
ԱՄՆ (RIAA)	2× Պլատինե[17]

• Ջոզեֆ Վոգել․ Մայքլ Ջեքսոն․ Մարդ երաժշտությունում. — Энас-книга, 2013. — 352 с. — ISBN 978-5-91921-185-3
• Քրեյգ Հալսթեդ և Քրիս Քադման Մայքլ Ջեքսոն․ Ստեղծագործության հանրագիտարան. — ИП Зайцева Е. В., 2013. — 308 с. — ISBN 978-5-9902359-1-5

• «P.Y.T. (Pretty Young Thing)»-ը(անգլ.) Discogs կայքում