Ֆյոդոր Սմոլով

Ֆյոդոր Սմոլով; Фёдор Смо́лов
	Սմոլովը 2017 թվականի Կոնֆեդերացիաների գավաթին
Անձնական տվյալներ
Ամբողջական անուն	Фёдор Миха́йлович Смо́лов
Քաղաքացիությունը	Ռուսաստան
Ծննդյան ամսաթիվ	փետրվարի 9, 1990 (34 տարեկան)
Ծննդավայր	Սարատով, ՌԽՖՍՀ, ԽՍՀՄ
Հասակ	187 սմ
Քաշ	80 կգ
Դիրք	հարձակվող
Ակումբային տեղեկություններ
Ներկա ակումբ	Կրասնոդար
Համար	10
Պատանեկան կարիերա
2005-2006	Մաստեր-Սատուրն Եգորեվսկ
2006-2007	Սատուրն Մոսկվա
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ հունիսի 20-ի, 2017:; ‡ Ազգային հավաքականի խաղերն ու գոլերը ըստ հունիսի 24-ի, 2017

Ֆյոդոր Սմոլով (ռուս.՝ Фёдор Миха́йлович Смо́лов, փետրվարի 9, 1990(1990-02-09)^[1]^[2], Սարատով, ՌԽՖՍՀ, ԽՍՀՄ), ռուս պրոֆեսիոնալ ֆուտբոլիստ։ Ներկայումս հանդես է գալիս Կրասնոդարի և Ռուսաստանի ազգային հավաքականի կազմում։ Խաղում է հարձակվողի դիրքում^[3]։

Ակումբային կարիերա

Սմոլովը Մաստեր-Սատուրն Եգորեվսկի ակադեմիայի սան է։ 2007 թվականին նա միացել է Դինամո Մոսկվային։ 2010 թվականի հուլիսի 14-ին նա 1 տարվա վարձավճարով տեղափոխվեց Ֆեյենորդ^[4]։ Վերադառնալով վարձավճարից՝ Սմոլովը դարձավ հիմնական կազմի խաղացող, սակայն 9 խաղերից հետո նա նորից սկսեց նստել պահեստային նստարանին։ Այսպես նա 1 տարվա վարձավճարով Անժի 2012-2013 մրցաշրջանի համար^[5]։ Վերադառնալուց հետո նա ևս մի անգամ տեղափոխվեց Անժի վարձավճարով^[6]։

Ուրալ (վարձավճար)

2014 թվականի սեպտեմբերի 1-ին Սմոլովը միացավ Ուրալին 1 տարվա վարձավճարով^[7]։ 2 շաբաթ անց՝ Ուրալի կազմում իր առաջին խաղում նա գոլի հեղինակ դարձավ՝ գրավելով Ամկարի դարպասը^[8]։ Այդ մրցաշրջանում Սմոլովը Ուրալի հիմնական կազմի խաղացող էր, և 22 խաղերում նա դարձավ 8 գոլի և 2 գոլային փոխանցման հեղինակ։

Կրասնոդար

2015 թվականի հունիսի 2-ին ազատ գործակալի կարգավիճակում գտնվող Սմոլովը 4 տարվա պայմանագիր կնքեց Կրասնոդարի հետ^[9]։ Իր դեբյուտը նշեց 2015 թվականի հուլիսի 20-ին՝ Ամկարի դեմ խաղում^[10]։ Իր առաջին գոլը Կրասնոդարի կազմում խփեց օգոստոսի 6-ին՝ Եվրոպա Լիգայի որակավորման 3-րդ փուլի Սլովան Բրատիսլավայի դեմ խաղում^[11]։

2016 թվականի ապրիլի 10-ին՝ իր նախկին ակումբ Ուրալի դեմ խաղում Սմոլովը 4 գոլ խփեց, իսկ Կրասնոդարը հաղթեց 6-0 հաշվով^[12]։ 2015-2016 մրցաշրջանում նա դարձավ 20 գոլի հեղինակ 29 խաղերում Ռուսաստանի առաջնությունում՝ դառնալով առաջնության լավագույն ռմբարկուն^[13]։ Նա Կրասնոդարի առաջին ֆուտբոլիստն է, ով արժանացել է այս տիտղոսին։

Միջազգային կարիերա

Ռուսաստանի մինչև 21 տարեկանների հավաքականի կազմում Սմոլովը մասնակցեց 2011 թվականի Եվրոպայի մինչև 21 տարեկանների առաջնության որակավորման փուլի խաղերին^[14]։ Ռուսաստանի մինչև 21 տարեկանների հավաքականի հետ Սմոլովը որակավորվեց 2013 թվականի Եվրոպայի առաջնությանը։ Որակավորման փուլի խաղերում Սմոլովը դարձավ 3 գոլի հեղինակ։

2012 թվականի նոյեմբերի 6-ին Ռուսաստանի ազգային հավաքականի մարզիչ Ֆաբիո Կապելոն ներառեց Սմոլովին նոյեմբերի 14-ին կայանալիք ԱՄՆ-ի դեմ ընկերական խաղի կազմում^[15]։ Այդ խաղում նա նշեց իր դեբյուտը և խփեց իր առաջին գոլը ազգային հավաքականի կազմում։ Խաղն ավարտվեց 2-2 հաշվով^[16]։

Սմոլովը խփեց իր առաջին գոլը պաշտոնական խաղերում 2015 թվականի սեպտեմբերի 8-ին՝ Եվրո 2016-ի որակավորման Լիխտենշտայնի դեմ 7-0 ավարտված խաղում^[17]։ Նա Ռուսաստանի հավաքականի կազմում մասնակցեց Եվրո 2016-ի բոլոր 3 խաղերին^[18], սակայն Ռուսաստանը զբաղեցրեց վերջին տեղը B խմբում^[19]։

Սմոլովը նաև մասնակցեց 2017 թվականի Կոնֆեդերացիաների գավաթին^[20] և դարձավ գոլի հեղինակ Նոր Զելանդիայի դեմ գավաթի բացման խաղում^[21]։ Ռուսաստանը դուրս մնաց խմբային փուլից։

Անձնական կյանք

Սմոլովը տիրապետում է անգլերենին և կարդացել է Մարիո Պյուզոյի գրքերը բնօրինակ լեզվով^[22]։ 2012 թվականից նա հանդիպում էր ռուս մոդել և հաղորդավարուհի Վիկտորյա Լոպիրյովայի հետ։ Զույգը ամուսնացավ 2013 թվականի դեկտեմբերին, բայց հետո բաժանվեց 2015 թվականի մայիսին^[23]։

Կարիերայի վիճակագրություն

Ակումբային վիճակագրություն

2017 թվականի հունիսի 20-ի դրությամբ^[24]

Ակումբ	Մրցաշրջան	Առաջնություն		Գավաթ		Մայրցամաքային		Այլ		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Դինամո Մոսկվա	2007	3	0	0	0	—		—		3	0
	2008	7	1	1	0	—				8	1
	2009	18	0	3	1	2	0			23	1
	2010	2	0	0	0	—				2	0
	2011–12	23	2	1	0					24	2
	2013–14	13	0	1	0					14	0
	2014–15	2	0	0	0	1	0			3	0
	Ընդհանուր	68	3	6	1	3	0	0	0	77	4
Ֆեյենորդ	2010–11	11	1	1	0	2	0	—		14	1
Ֆեյենորդ	Ընդհանուր	11	1	1	0	2	0	0	0	14	1
Անժի Մախաչկալա	2012–13	15	0	3	0	8	1	—		26	1
	2013–14	11	2	0	0	4	0	—		15	2
	Ընդհանուր	26	2	3	0	12	1	0	0	41	3
Ուրալ Եկատերիբուրգ	2014–15	22	8	1	0	—		—		23	8
Ուրալ Եկատերիբուրգ	Ընդհանուր	22	8	1	0	0	0	0	0	23	8
Կրասնոդար	2015–16	29	20	3	1	12	3	—		44	24
	2016–17	22	18	1	1	8	6	—		31	24
	Ընդհանուր	51	38	4	2	20	9	0	0	75	48
Կարիերայի ընդհանուր		178	52	15	3	37	10	0	0	230	64

Միջազգային վիճակագրություն

2017 թվականի հունիսի 20-ի դրությամբ^[24]

Ռուսաստան
Տարի	Խաղեր	Գոլեր
2012	1	1
2013	4	1
2015	5	2
2016	9	2
2017	3	2
Ընդհանուր	22	8

Միջազգային գոլեր

#	Ամսաթիվ	Մարզադաշտ	Մրցակից	Հաշիվ	Արդյունք	Մրցաշար
1.	Նոյեմբերի 14, 2012	Կուբան մարզադաշտ, Կրասնոդար, Ռուսաստան	Միացյալ Նահանգներ	1–0	2–2	Ընկերական խաղ
2.	Նոյեմբերի 19, 2013	Զաբել Ստեդիում, Դուբայ, ԱՄԷ	Հարավային Կորեա	1–1	2–1	Ընկերական խաղ
3.	Սեպտեմբերի 8, 2015	Ռայնպարկ մարզադաշտ, Վադուց, Լիխտենշտայն	Լիխտենշտայն	5–0	7–0	Եվրո 2016 Որակավորում
4.	Նոյեմբերի 17, 2015	Օլիմպ-2, Դոնի Ռոստով, Ռուսաստան	Խորվաթիա	1–0	1–3	Ընկերական խաղ
5.	Մարտի 26, 2016	Օտկրիտիա Արենա, Մոսկվա, Ռուսաստան	Լիտվա	1–0	3–0	Ընկերական խաղ
6.	Սեպտեմբերի 6, 2016	Լոկոմոտիվ մարզադաշտ, Մոսկվա, Ռուսաստան	Գանա	1–0	1–0	Ընկերական խաղ
7.	Հունիսի 5, 2017	Գրոուպամա Արենա, Բուդապեշտ, Հունգարիա	Հունգարիա	1–0	3–0	Ընկերական խաղ
8.	Հունիսի 17, 2017	Սանկտ Պետերբուրգ Արենա, Սանկտ Պետերբուրգ, Ռուսաստան	Նոր Զելանդիա	2–0	2–0	Կոնֆեդերացիաների գավաթ 2017

Նվաճումներ

Ակումբային

Դինամո Մոսկվա

Ռուսաստանի գավաթ. երկրորդ տեղ. 2011–12

Անժի Մախաչկալա

Ռուսաստանի գավաթ. երկրորդ տեղ. 2012–13

Անհատական

Ռուսաստանի առաջնության լավագույն ռմբարկու. 2015–16, 2016–17
Ռուսաստանի տարվա լավագույն ֆուտբոլիստ (Sport-Express). 2015–16

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Ֆյոդոր Սմոլով» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

Search