Ֆիզիկական աշխարհագրություն

Ֆիզիկական կամ բնական աշխարհագրությունն ուսումնասիրում է երկրագնդի բնությունը, այնտեղ ընթացող երևույթները, աշխարհագրական թաղանթի կառուցվածքը, դինամիկան և գործառույթները՝ իր կառուցվածքային ամբողջությամբ և բաղադրիչներով, ինչպես նաև այդ բաղադրիչների փոխազդեցության ու կապերի հետևանքով ձևավորված բնական Աշխարհահամակարգ^[1]

Ֆիզիկական աշխարհագրության կառուցվածքը կարելի է ներկայացնել երեք գլխավոր ճյուղով.

1. Բնաաշխարհագրական գիտությունների խումբ - այստեղ ընդգրկված ճյուղերն ուսումնասիրում են աշխարհագրական թաղանթի առանձին ոլորտները, դրանցում տեղի ունեցող երևույթները։ Այս ճյուղերով բնական աշխարհագրությունը կապվում է հարակից բնական գիտությունների հետ։

• Երկրաձևաբանություն (Գեոմորֆոլոգիա)
• Կլիմայագիտություն
• Ջրաբանություն
• Հողերի աշխարհագրություն
• Կենսաաշխարհագրություն

2. Համալիրային աշխարհագրական գիտությունների խումբ - ուսումնասիրում են բնության և աշխարհագրական թաղանթի բաղադրիչների փոխազդեցությամբ ձևավորված համալիրները։

• Ընդհանուր ֆիզիկական աշխարհագրություն (Երկրագիտություն)
• Հնէաշխարհագրություն
• Լանդշաֆտագիտություն
• Մայրցամաքների և օվկիանոսների աշխարհագրություն

3. Միասնական աշխարհագրական գիտությունների խումբ - ուսումնասիրում են այն օրենքներն ու օրինաչափությունները, որոնք ընդհանուր են թե՛ բնական, թե՛ հասարակական երևույթների տարածքային փոփոխությունների համար։

• Երկրաբնապահպանություն (Գեոէկոլոգիա)
• Աշխարհագրական ռեսուրսագիտություն
• Բժշկական աշխարհագրություն
• Տարածաշրջանային աշխարհագրություն