Ֆիերի
Ֆիերի (ալբաներեն՝ Fieri), քաղաք և համայնք (ալբ․՝ bashkia) Ալբանիայի հարավարևմտյան մասում, Ադրիատիկ ծովից 16 կիլոմետր դեպի արևելք և երկրի մայրաքաղաք Տիրանայից շուրջ 100 կիլոմետր դեպի հարավ։ Նույնանուն մարզի և շրջանի (գավառի) վարչական կենտրոնն է։ Զբաղեցնում է 619,90 կմ² տարածք[1]։ 2011 թվականի մարդահամարի տվյալներով համայնքի բնակչության թվաքանակը եղել է 120.655, բուն քաղաքինը՝ 55.845[2][3]:
Բնակավայր | |||
---|---|---|---|
Ֆիերի | |||
| |||
![]() | |||
Երկիր | ![]() | ||
Մակերես | 78 կմ² | ||
ԲԾՄ | 20±1 մետր | ||
Բնակչություն | 120 655 մարդ (2011) | ||
Ժամային գոտի | կենտրոնաեվրոպական ամառային ժամ և Կենտրոնական եվրոպական ժամանակ | ||
Հեռախոսային կոդ | 34 | ||
Փոստային դասիչ | 9301–9305 | ||
Պաշտոնական կայք | bashkiafier.gov.al | ||
| |||
Ընդհանուր տեղեկություններ
Ֆիերիի մերձակայքում են ընկած Իլլիրական Ապոլոնիա և Բիլլիս հնագույն քաղաքների ավերակները։ Ուսումնասիրողներից շատերի կարծիքով՝ Ֆիերին հիմնադրել են Հին Հունաստանից՝ Կորնթոսից ու Կորֆուից եկած հույները մեր թվականությունից առաջ 588 թվականին[4] ՝ մինչ այդ իլլիրիական ցեղերով բնակեցված վայրում[5]։ Ըստ մեկ այլ վարկածի՝ քաղաքը 19-րդ դարում հիմնել են Ալբանիայում հայտնի Վրիոնի տոհմի ներկայացուցիչները՝ որպես առևտրի կենտրոն։ Ֆիերիի կարևորագույն պատմաճարտարապետական հուշարձաններից է նաև Արդենիցա մենաստանը՝ միջնադարյան ուղղափառ վանքով։
Առաջին համաշխարհային պատերազմի տարիներին այս բնակավայրով է անցել Ալբանիայով նահանջող սերբական զորքը[6]։ Ներկայումս քաղաքում սերբերի համայնք կա և գործում է նրանց հիմնած Јединство միավորումը[7]։
Ժամանակի ընթացքում Ֆիերին դարձել է արդյունաբերական խոշոր կենտրոն, որտեղ զարգացած է հատկապես ասֆալտի, նավթամշակման և քիմիական արդյունաբերությունը։
Ստուգաբանություն
Ըստ առաջ քաշված վարկածների՝ քաղաքի անվանումն առաջացել է ալբաներեն fern կամ իտալերեն fiera բառից, որ նշանակում է տոնավաճառ։
Ժողովրդագրություն
![](http://upload.wikimedia.org/wikipedia/hy/timeline/9833rigx1v45k6beosjqbxa2dt965kf.png)
Քույր քաղաքներ
Գրականություն
- D.Hall, Albania and the Albanians, New York 1994.
- Klima e R.P. te Shqiperise : tabela, temperatura e ajrit, vol. 1 = Le climat de la Republique Populaire d'Albanie : tableaux, temp'erature de l'air, vol. 1. Tirane 1968
Պատկերասրահ
- Քաղաքի համայնապատկերը հարավ-արևելքից
- Կենտրոնական զբոսայգին
- Ապոլոնիայի ավերակները
- Արդենիցա վանքը
- Քաղաքը թռչնաթռիչքի բարձրությունից
- Տեսարան քաղաքից
- Քաղաքի կենտրոնը
Ծանոթագրություններ
Արտաքին հղումներ
Վիքիճամփորդն ունի Fierին առնչվող զբոսաշրջային տեղեկատվություն։ |
- Ֆիերիի համայնք
- National Archaeological Park of Bylis
- Official Fier County Travel Guide
- Fieri International Film Festival
- Apollon International Theater Festival
- Official Gallery of Fier City Արխիվացված 2020-08-04 Wayback Machine
- Albanian Music, Fier
- Fier Yellow Pages
- Chamber of Commerce and Industry of Fier
- Albpetrol sh.a: Public Company of Oil and Gas Արխիվացված 2009-02-04 Wayback Machine
- TV Apollon Regional TV
- Fier travel guide
- |http://www.bashkiafier.gov.al Արխիվացված 2012-02-29 Wayback Machine
![]() | Վիքիպահեստն ունի նյութեր, որոնք վերաբերում են «Ֆիերի» հոդվածին։ |