Ֆերնանդո (ֆուտբոլիստ)
Ֆերնանդո Ֆրանսիսկո Ռեժես Մոուտա (պորտ.՝ Fernando Francisco Reges Mouta, հուլիսի 25, 1987[1][2][3], Ալտու Պարաիզու դի Գոյաս), առավել հայտնի որպես պարզապես Ֆերնանդո, բրազիլացի պրոֆեսիոնալ ֆուտբոլիստ։ Ներկայումս հանդես է գալիս Սևիլյայի կազմում։ Խաղում է հենակետային կիսապաշտպանի դիրքում[4]։
 Fernando | |||
|---|---|---|---|
.jpg) Ֆերնանդոն Մանչեսթեր Սիթիի կազմում 2014 թվականին | |||
| Անձնական տվյալներ | |||
| Ամբողջական անուն | Fernando Francisco Reges Mouta | ||
| Քաղաքացիությունը |  Բրազիլիա Պորտուգալիա | ||
| Ծննդյան ամսաթիվ | հուլիսի 25, 1987[1][2][3] (36 տարեկան) | ||
| Ծննդավայր | Ալտու Պարաիզու դի Գոյաս | ||
| Հասակ | 183 սմ | ||
| Քաշ | 76 կգ | ||
| Դիրք | հենակետային կիսապաշտպան | ||
| Ակումբային տեղեկություններ | |||
| Ներկա ակումբ |  Սևիլյա | ||
| Համար | 25 | ||
| Պատանեկան կարիերա | |||
| 2003-2005 | Վիլա Նովա | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2005-2007 | Վիլա Նովա | 57 | (3) |
| 2007-2014 | Պորտու | 142 | (2) |
| 2007-2008 | → Էշտրելա Ամադորա | 26 | (1) |
| 2014-2017 |  Մանչեսթեր Սիթի | 64 | (4) |
| 2017-2019 |  Գալաթասարայ | 47 | (4) |
| 2019-ներկա | Սևիլյա | 2 | (0) |
| Ազգային հավաքական‡ | |||
| 2007 | Բրազիլիա Մ20 | 3 | (0) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Պորտու
Պրոֆեսիոնալ ֆուտբոլիստի կարիերան Ֆերնանդոն սկսել է Վիլա Նովայում։ 2007 թվականի հունիսին նա 5 տարվա պայմանագիր կնքեց պորտուգալական Պորտուի հետ[5]՝ իր առաջին մրցաշրջանը վարձավճարով անցկացնելով Էշտրելա Ամադորայում[6]։ Իր դեբյուտը Պորտուգալիայի առաջնությունում նշեց օգոստոսի 26-ին՝ Նավալի դեմ խաղում[7]։ Իր առաջին գոլը խփեց 2008 թվականի փետրվարի 1-ին՝ Բրագայի դեմ խաղում[8]։ Էշտրելա Ամադորայի կազմում Ֆերնանդոն անցկացրեց 31 հանդիպում՝ դառնալով 1 գոլի հեղինակ։
2008-09 մրցաշրջանում Ֆերնանդոն վերադարձավ Պորտու, որտեղ իր դիրքում խաղում էին Լուչո Գոնսալեզը և Ռաուլ Մեյրելեշը։ Իր դեբյուտը նշեց 2008 թվականի օգոստոսի 30-ին՝ թիմի մեկնարկային կազմում խաղադաշտ դուրս գալով Բենֆիկայի դեմ խաղում[9]։ Առաջին հանդիպումը եվրոպական առաջնություններում անցկացրեց սեպտեմբերի 17-ին՝ Չեմպիոնների Լիգայի խմբային փուլի Ֆեներբահչեի դեմ խաղում[10]։ 2009 թվականի սեպտեմբերի 5-ին Ֆերնանդոն հեռացվեց խաղադաշտից Չեմպիոնների Լիգայի Չելսիի դեմ խաղում՝ ստանալով երկրորդ դեղին քարտը հանդիպման 90-րդ րոպեին[11]։ 2009-10 մրցաշրջանում Ֆերնանդոն անցկացրեց 39 հանդիպում[12]։
Իր առաջին գոլը Պորտուի կազմում Ֆերնանդոն խփեց 2010 թվականի օգոստոսի 26-ին՝ Եվրոպայի Լիգայի որակավորման փլեյ-օֆֆ փուլի Գենկի դեմ խաղում[13]։ 2010-11 մրցաշրջանում բրազիլացին անցկացրեց 41 հանդիպում՝ դառնալով 2 գոլի հեղինակ[14], իսկ Պորտուն թրեբլ ձևակերպեց[15]՝ հաղթելով Պորտուգալիայի առաջնությունը, Պորտուգալիայի գավաթը և Եվրոպայի Լիգան[16], որի եզրափակչում պարտության մատնեց Բրագային[17][18]։
2014 թվականի փետրվարի 9-ին Ֆերնանդոն երկարաձգեց իր պայմանագիրը ակումբի հետ մինչև 2017 թվականը[19][20][21]։ Ապրիլի 3-ին նա հեռացվեց խաղադաշտից ապրիլի 3-ին՝ Եվրոպայի Լիգայի քառորդ եզրափակչի Սևիլյայի դեմ խաղում[22]։ Պորտուի կազմում Ֆերնանդոն անցկացրեց 237 հանդիպում՝ դառնալով 6 գոլի հեղինակ և թիմի հետ 4 անգամ հաղթելով Պորտուգալիայի առաջնությունը, 3 անգամ՝ Պորտուգալիայի գավաթը ու 4 անգամ՝ Պորտուգալիայի սուպերգավաթը։
Մանչեսթեր Սիթի
2014 թվականի հունիսի 25-ին Ֆերնանդոն 12 միլիոն ֆունտ ստերլինգի դիմաց տեղափոխվեց Մանչեսթեր Սիթի[23][24][25][26]։ Իր դեբյուտը նշեց օգոստոսի 10-ին՝ թիմի մեկնարկային կազմում խաղադաշտ դուրս գալով Անգլիայի սուպերգավաթի Արսենալի դեմ խաղում[27][28]։ Առաջին հանդիպումը Պրեմիեր Լիգայում անցկացրեց օգոստոսի 17-ին՝ Նյուքասլ Յունայթեդի դեմ խաղում[29][30]։ Իր առաջին գոլը Մանչեսթեր Սիթիի կազմում Ֆերնանդոն խփեց դեկտեմբերի 26-ին՝ Վեստ Բրոմվիչ Ալբիոնի դեմ խաղում[31][32]։ 2015 թվականի մարտի 21-ին բրազիլացին գոլի և գոլային փոխանցման հեղինակ դարձավ Վեստ Բրոմվիչ Ալբիոնի դեմ խաղում[33]։ 2016 թվականի փետրվարի 28-ին նա թիմի մեկնարկային կազմում խաղադաշտ դուրս եկավ Անգլիայի լիգայի գավաթի Լիվերպուլի դեմ խաղում[34]՝ օգնելով իր թիմին հաղթել հետխաղյա 11-մետրանոցների հարվածաշարում և նվաճել գավաթը[35][36]։ Մանչեսթեր Սիթիի կազմում Ֆերնանդոն անցկացրեց 102 հանդիպում՝ դառնալով 4 գոլի հեղինակ։
Գալաթասարայ
2017 թվականի օգոստոսի 4-ին Ֆերնանդոն 3 տարվա պայմանագիր կնքեց Գալաթասարայի հետ[37][38][39][40]։ Իր դեբյուտը ակումբի կազմում նշեց օգոստոսի 14-ին՝ Կայսերիսպորի դեմ խաղում[41][42]։ Իր առաջին գոլը Թուրքիայի առաջնությունում խփեց դեկտեմբերի 9-ին՝ Ակխիսար Բելեդիեսպորի դեմ խաղում[43][44]։ 2019 թվականի մայիսի 5-ին Ֆերնանդոն գոլի և գոլային փոխանցման հեղինակ դարձավ Բեշիկթաշի դեմ խաղում, իսկ հանդիպումն ավարտվեց 2-0 հաշվով[45][46]։ Մայիսի 15-ին բրազիլացին փոխարինեց Սոֆիան Ֆեղուլիին Թուրքիայի գավաթի եզրափակչի Ակխիսար Բելեդիեսպորի դեմ խաղում[47]՝ օգնելով իր թիմին հաղթել 3-1 հաշվով և նվաճել գավաթը[48][49]։ Գալաթասարայի կազմում Ֆերնանդոն անցկացրեց 58 հանդիպում՝ դառնալով 4 գոլի և 4 գոլային փոխանցման հեղինակ[50][51]։
Սևիլյա
2019 թվականի հուլիսի 12-ին Ֆերնանդոն 3 տարվա պայմանագիր կնքեց Սևիլյայի հետ[52][53][54]։ Ակումբը նրա համար վճարեց 4 միլիոն եվրո[55][56][57]։ Իր դեբյուտը Լա Լիգայում նշեց օգոստոսի 18-ին՝ թիմի մեկնարկային կազմում խաղադաշտ դուրս գալով Էսպանյոլի դեմ խաղում[58][59]։
Միջազգային կարիերա
Բրազիլիայի մինչև 20 տարեկանների հավաքականի հետ Ֆերնանդոն մասնակցեց 2007 թվականի Հարավային Ամերիկայի երիտասարդական առաջնությանը, որտեղ նա կարմիր քարտ ստացավ Չիլիի դեմ խաղում՝ մրցավար Ալբերտ Դուարտեի հետ վիճելու համար[60]։ Բրազիլիան շարունակեց մասնակցությունը և հաղթեց գավաթը։ Այնուամենայնիվ, Ֆերնանդոն 1 տարվա արգելք ստացավ ԿՈՆՄԵԲՈԼ-ից իր գործողությունների համար և չմասնակցեց 2007 թվականի մինչև 20 տարեկանների Աշխարհի առաջնությանը[61]։
2013 թվականի հունվարին Ֆերնանդոն հայտարարեց՝ «Եթե նույնիսկ ինձ քաղաքացիություն առաջարկեն, ես կհրաժարվեմ։ Իմ երազանքն է խաղալ Բրազիլիայի հավաքականի կազմում։ Ես վստահ եմ, որ մի օր կհագնեմ Բրազիլիայի հավաքականի մարզաշապիկը»[62]։ Այնուամենայնիվ, դեկտեմբերին նա դարձավ Պորտուգալիայի քաղաքացի և դիմեց ՖԻՖԱ, որպեսզի նրան թույլ տան խաղալ Պորտուգալիայի հավաքականում, սակայն նրան մերժեցին[63]։ Նա իրավասու էր ներկայացնել միայն Բրազիլիայի հավաքականը, քանի որ արդեն հանդես էր եկել Բրազիլիայի երիտասարդական հավաքականի կազմում, իսկ այդ ժամանակ Պորտուգալիայի քաղաքացիություն չուներ[64]։
Կարիերայի վիճակագրություն
Ակումբային վիճակագրություն
2019 թվականի օգոստոսի 25-ի դրությամբ[65]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Էշտրելա Ամադորա (վարձավճար) | 2007–08 | Պրիմեյրա Լիգա | 26 | 1 | 0 | 0 | — | 26 | 1 | |||
| Պորտու | 2008–09 | 25 | 0 | 4 | 0 | 10 | 0 | 2 | 0 | 41 | 0 | |
| 2009–10 | 25 | 0 | 6 | 0 | 6 | 0 | 2 | 0 | 39 | 0 | ||
| 2010–11 | 21 | 0 | 4 | 0 | 14 | 1 | 2 | 1 | 41 | 2 | ||
| 2011–12 | 22 | 1 | 1 | 0 | 8 | 0 | 3 | 0 | 34 | 1 | ||
| 2012–13 | 24 | 1 | 1 | 0 | 6 | 0 | 6 | 1 | 37 | 2 | ||
| 2013–14 | 25 | 0 | 4 | 1 | 11 | 0 | 5 | 0 | 45 | 1 | ||
| Ընդհանուր | 142 | 2 | 20 | 1 | 55 | 1 | 20 | 2 | 237 | 6 | ||
| Մանչեսթեր Սիթի | 2014–15 | Պրեմիեր Լիգա | 25 | 2 | 2 | 0 | 5 | 0 | 1 | 0 | 33 | 2 |
| 2015–16 | 24 | 2 | 3 | 0 | 10 | 0 | 5 | 0 | 42 | 2 | ||
| 2016–17 | 15 | 0 | 4 | 0 | 6 | 0 | 2 | 0 | 27 | 0 | ||
| Ընդհանուր | 64 | 4 | 9 | 0 | 21 | 0 | 8 | 0 | 102 | 4 | ||
| Գալաթասարայ | 2017–18 | Սուպեր Լիգ | 25 | 2 | 1 | 0 | 0 | 0 | — | 26 | 2 | |
| 2018–19 | 22 | 2 | 4 | 0 | 5 | 0 | 1 | 0 | 32 | 2 | ||
| Ընդհանուր | 47 | 4 | 5 | 0 | 5 | 0 | 1 | 0 | 58 | 4 | ||
| Սևիլյա | 2019–20 | Լա Լիգա | 2 | 0 | 0 | 0 | 0 | 0 | 0 | 0 | 2 | 0 |
| Կարիերայի ընդհանուր | 281 | 11 | 34 | 1 | 81 | 1 | 29 | 2 | 425 | 15 | ||
Նվաճումներ
Ակումբ
Վիլա Նովա
- Լիգա Գոյանո. 2005[66]
Պորտու
- Պորտուգալիայի առաջնություն. 2008–09[67], 2010–11[68], 2011–12[69], 2012–13[70]
- Պորտուգալիայի գավաթ. 2008–09[71], 2009–10[72], 2010–11[73]
- Պորտուգալիայի սուպերգավաթ. 2009[74], 2010[75], 2012[76], 2013[77]
- ՈՒԵՖԱ Եվրոպայի Լիգա. 2010–11[16]
Մանչեսթեր Սիթի
- Անգլիայի լիգայի գավաթ. 2015–16[35]
Գալաթասարայ
- Թուրքիայի առաջնություն. 2017–18[78], 2018–19[79]
- Թուրքիայի գավաթ. 2018–19[49]
Միջազգային
Բրազիլիա Մ20
- Հարավային Ամերիկայի Մ20 առաջնություն. 2007[80]
Ծանոթագրություններ
Արտաքին հղումներ
- Ֆերնանդոյի պաշտոնական Ֆեյսբուքի էջը
- Ֆերնանդոյի պաշտոնական Տվիտերի էջը
- Ֆերնանդոյի պաշտոնական Ինստագրամի էջը
- Ֆերնանդոն transfermarkt-ում
- Ֆերնանդոն soccerbase.com-ում
- Ֆերնանդոն WhoScored.com կայքում
- Ֆերնանդոն Սևիլյայի պաշտոնական կայքում
- Ֆերնանդոն Մանչեսթեր Սիթիի պաշտոնական կայքում Արխիվացված 2020-01-16 Wayback Machine
- Ֆերնանդոն Պրեմիեր Լիգայի պաշտոնական կայքում
- Ֆերնանդոն ՈՒԵՖԱ-ի պաշտոնական կայքում
- Ֆերնանդոն Թուրքիայի ֆուտբոլի ֆեդերացիայի կայքում
 | Վիքիպահեստն ունի նյութեր, որոնք վերաբերում են «Ֆերնանդո (ֆուտբոլիստ)» հոդվածին։ |