Օսկար Կլյավա

Օսկար Կլյավան Լիեպայայի «Մետալուրգում» նորամուտը կատարել է 2002 թվականին։ Նույն թվականի օգոստոսի 15-ին անցկացրել է իր առաջին եվրագավաթային խաղն ընդդեմ «Կերնտենի» Ուեֆա գավաթի 2002/03 որակավորման փուլում, որտեղ «Կերնտենը» հաղթել է 2:0 հաշվով^[3]։ 2005 թվականի հուլիսի 28-ին նա խփել է իր առաջին գոլը եվրագավաթներում՝ աչքի ընկնելով Ռունավիկի ՆՍԻ ակումբի (Ֆարերյան կղզիներ) դեմ խաղում, որն անցկացվել է ՈՒԵՖԱ գավաթի 2005/06 առաջին որակավորման փուլում^[4]։

2008 թվականի հունվարին Կլյավան մասնակցել է դիտումների անգլիական «Լիդս Յունայթեդում»^[5]։

2010 թվականի օգոստոսին տեղափոխվել է Մախաչկալայի «Անժի»^[6]։ Դաղստանի մայրաքաղաքի ակումբի կազմում Ռուսաստանի Պրեմիեր լիգայում նորամուտը կատարել է 2010 թվականի օգոստոսի 15-ին 17-րդ տուրի՝ Մոսկվայի ԲԿՄԱ-ի դեմ խաղում՝ փոխարինելով Միկար Պետովիչին^[7]։

2011 թվականի օգոստոսին կես տարով վարձավճարով տեղափոխվել է «Խիմկի»^[8]։ 2012 թվականի հուլիսի 25-ին երկարաձգման հնարավորությամբ մեկամյա պայմանագիր է կնքել ադրբեջանական ԱԶԱԼ (Բաքու) ակումբի հետ^[9]։

2002 թվականին Օսկար Կլյավան հրավիրվել է Լատվիայի երիտասարդական հավաքական։

2004 թվականի սեպտեմբերի 3-ին գոլ է խփել Եվրոպայի երիտասարդական առաջնության որակավորման փուլի՝ Պորտուգալիայի երիտասարդական հավաքականի դեմ խաղում, որում լատվիացիները հաղթել են 1:2 հաշվով^[10]։ Սեպտեմբերի 7-ին Կլյավան խփել է իր երկրորդ գոլը նույն որակավորման փուլում՝ գրավելով Լյուքսեմբուրգի երիտասարդական հավաքականի դարպասը^[11]։ Լատվիայի երիտասարդական հավաքականում Կլյավայի ցուցադրած հաջող խաղը արժանացել է ազգային հավաքականի մարզիչների ուշադրությանը, և 2004 թվականի նոյեմբերին հրավիրվել է գլխավոր մարզիչ Յուրի Անդրեևի կողմից՝ մասնակցելու Բահրեյնում անցկացվելիք մրցաշարին^[12]։

2005 թվականի հունիսին Կլյավան անցկացրել է իր առաջին հանդիպումը Լատվիայի ազգային հավաքականում՝ մասնակցելով Լիխտենշտայնի ազգային հավաքականի դեմ խաղին 2006 թվականի աշխարհի առաջնության որակավորման փուլի շրջանակներում^[13]։ 2007 թվականի հոկտեմբերի 13-ին նա խփել է իր առաջին գոլը՝ աչքի ընկնելով 2008 թվականի Եվրոպայի առաջնության որակավորման փուլի՝ Իսլանդիայի հավաքականի դեմ խաղում, որում Լատվիան հաղթել է 4:2 հաշվով^[14]։

«Մետալուրգ» (Լիեպայա)

• Լատվիայի չեմպիոն (2) – 2005, 2009
• Լատվիայի առաջնության արծաթե մեդալակիր (5) – 2003, 2004, 2006, 2007, 2008
• Լատվիայի առաջնության բրոնզե մեդալակիր (1) – 2002
• Լատվիայի գավաթակիր (1) – 2006
• Լատվիայի գավաթի խաղարկության եզրափակչի մասնակից (2) – 2002, 2005
• Բալթիական լիգայի չեմպիոն (1) – 2007