Օսկար Իխուելոս

Ծագումով կուբացի է։ Ծնվել է Նյու Յորքի Մորնինգսայթ Հայթս թաղամասում։ Մանուկ հասակում հիվանդության պատճառով շուրջ մեկ տարի Քոնեքթիքութի հիվանդանոցում բուժվելիս կտրված է եղել ընտանիքից և գրեթե իսպառ մոռացել է իր ծնողների մայրենի լեզուն՝ իսպաներենը^[5][6], անգլերեն վարժ խոսել է սովորել"^[7]:

Օսկարը սովորել է նյույորքյան իրենց թաղամասի Corpus Christi դպրոցում^[5], ուսումը շարունակել Նյու Յորքի Սիթի քոլեջում, որտեղ գրական վարպետության դասեր է առել Սյուզան Սոնտեգից, Ֆրեդերիկ Թութենից, Դոնալդ Բարթելմից (վերջինս դարձել է ապագա գրողի հովանավորն ու ընկերը^[8]), ստացել է արվեստների բակալավրի, ապա՝ նաև մագիստրոսի որակավորում^[5][8]։ Դեռ սովորելու տարիներին Օսկարը կատարել է գրական իր առաջին փորձերը. գրել է պատմվածքներ, գովազդային հոլովակների սցենարներ^[9]։ Իխուելոսի առաջին մեծածավալ արձակ երկը՝ «Մեր տունը վերջին աշխարհում» վեպը, ջերմորեն է ընդունվել թե՛ ընթերցողների և թե՛ գրաքննադատների կողմից, արժանացել արվեստների և գրականության ամերիկյան ակադեմիայի «Հռոմ» մրցանակին, իսկ երկրորդ՝ 1989 թվականին լույս ընծայված «Մամբոյի արքաները» վեպի համար1990-ին նրան շնորհվել է հեղինակավոր գրական պարգև՝ Պուլիտցերյան մրցանակ^[10][11][12]։ Երկու տարի անց՝ 1992 թվականին այդ վեպի հիման վրա գեղարվեստական ֆիլմ է նկարահանվել, որտեղ գլխավոր հերոսներին մարմնավորել են անվանի կինոդերասաններ Արմանդ Ասանտեն ու Անտոնիո Բանդերասը, 2005-ին էլ մյուզիքլ է գրվել ու բենադրվել^[7][13]։ Վեպը պատմում է ԱՄՆ ներգաղթածների կյանքի, նրանց փորձությունների ու հաջողությունների մասին։ Այդ թեման կրկնվում է Իխուելոսի շատ ստեղծագործություններում^[13]։ New York Times-ում լույս տեսած գրախոսության մեջ ընդգծված է, որ «վեպում հիմնականում իշխում է էլեգիական տոնայնությունը, այն կարծես չեխովյան ողբերգ լինի բաց թողնված հնարավորություններով, չիրականացած երազանքներով կյանքի մասին»^[14]։

Օսկար Իխուելոսի ստեղծագործություններն ուսումնասիրած գրականագետներից ոմանք նշում են, որ նրա գործերում նկատվում են Կառլոս Ֆուենտեսի, Խոսե Լեսամա Լիմայի, Գաբրիել Գարսիա Մարկեսի ազդեցության հետքեր։

Իխուելոսը գրական գործունեության հետ մեկտեղ զբաղվել է մանկավարժական աշխատանքով. դասավանդել է Հոֆսթրա և Դյուք համալսարաններում^[15][16]։

Անվանի գրողն ու մանկավարժը մահացել է 62 տարեկան հասակում՝ 2013 թվականի հոկտեմբերի 12-ին ինֆարկտից, Մանհեթենի Ռիվրսայդ Փարքում թենիս խաղալիս^[7][17]։ Թենիսի այդ խաղահրապարակը հետագայում կոչվել է նրա անունով։

1990 թվականին «Գեղարվեստական արձակ» անվանակարգում ստացած Պուլիտցերյան մրցանակից բացի, Օսկար Իխուելոսն արժանացել է գրական այլ պարգևների ևս. Ingram Merrill հիմնադրամի մրցանակ՝ 1983 թ., Հռոմում ամերիկյան ակադեմիայի Հռոմ մրցանակ՝ 1985 թ., «Գրականություն» անվանակարգում «Իսպանական ժառանգություն» հիմնադրամի մրցանակ՝ 2000 թ.^[9][18], Luis Leal մրցանակ՝ Chicano/Latino գրականության մեջ ներդրած ավանդի համար՝ 2003 թ.^[19]:

• Our House in the Last World (1983)
• The Mambo Kings Play Songs of Love (1989)
• The Fourteen Sisters of Emilio Montez O'Brien (1993)
• Mr. Ives' Christmas (1995)
• Empress of the Splendid Season (1999)
• A Simple Habana Melody (from when the world was good) (2002)
• Dark Dude (2008)
• Beautiful Maria of My Soul (2010)
• Thoughts Without Cigarettes: A Memoir (2011)
• Twain & Stanley Enter Paradise (2015) (ձեռագիրը խմբագրվել ու հրատարակվել է հետմահու)^[20]

• Smith, Dinitia, "'Sisters' Act: Oscar Hijuelos, Mr. 'Mambo Kings', Plays a Different Song of Love", New York Magazine, March 1, 1993, pp. 46–51
• Pérez Firmat, Gustavo. "Rum, Rump, and Rumba," in Life on the Hyphen: The Cuban-American Way. Austin: The University of Texas Press, 1994. Rpt. 1996, 1999. Revised and expanded edition, 2012.

• Օսկար Իխուելոս Internet Movie Database կայքում
• Օսկար Իխուելոսի ձեռագրերը at the Rare Book & Manuscript Library at Columbia University
• Օսկար Իխուելոսի կայքէջը Արխիվացված 2006-03-17 Wayback Machine at HarperCollins
• Biography of Oscar Hijuelos from Thomson Gale
• 1990 Real Audio interview with Oscar Hijuelos at Wired for Books.org by Don Swaim
• "Author Oscar Hijuelos Tackles His Toughest Subject: Himself" Արխիվացված 2014-01-21 Wayback Machine, Ray Suarez interview with Oscar Hijuelos, PBS NewsHour, Friday, June 24, 2011.
• Հեղինակի կայքէջը New York Journal of Books with link to book review

Վիքիպահեստն ունի նյութեր, որոնք վերաբերում են «Օսկար Իխուելոս» հոդվածին։