Քիմբերլի Ստյուարտ
Քիբերլի Ալան Ստյուարտ (անգլ.՝ Kimberly Alana Stewart, օգոստոսի 20, 1979[1], Holmby Hills, Լոս Անջելես, Կալիֆոռնիա, ԱՄՆ), ամերիկացի դերասանուհի, հեռուստատեսության պրոդյուսեր, ֆոտոմոդել և դիզայներ։
Քիմբերլի Ստյուարտ | |
---|---|
Ծնվել է | օգոստոսի 20, 1979[1] (44 տարեկան) |
Ծննդավայր | Holmby Hills, Լոս Անջելես, Կալիֆոռնիա, ԱՄՆ |
Քաղաքացիություն | ԱՄՆ |
Մայրենի լեզու | անգլերեն |
Մասնագիտություն | մոդել, բարձրաշխարհիկ հեղինակություն, դերասանուհի և նորաձևության դիզայներ |
Ծնողներ | հայր՝ Ռոդ Ստյուարտ, մայր՝ Alana Stewart? |
Կենսագրություն
Վաղ տարիներ
Քիմբերլի Ալանա Ստյուարտը ծնվել է 1979 թվականի օգոստոսի 20-ին Հոլմբի Հիլսում (Լոս Անջելես, Կալիֆոռնիա, ԱՄՆ)՝ երաժիշտ Ռոդ Ստյուարտի և նրա առաջին կնոջ՝ դերասանուհի և մոդել Ալանա Ստյուարտի ընտանիքում․ նրանք բաժանվել են 1948 թվականին։ Քիմբերլին ունի կրտսեր եղբայր՝ Շոն Ռեդերիկ Ստյուարտը, և 7 խորթ եղբայր և քույր։
Կարիերա
Քիմբերլին 19 տարեկան հասակում իր կարիերան սկսել է որպես դիզայներ[2]։
Ավելի ուշ սկսել է նաև դերասանուհու, պրոդյուսերի և ֆոտոմոդելի կարիերան։ 2006 թվականին Ստյուարտը դարձել է ջինսի Blend ապրանքանիշի դեմքը։ Միևնույն ժամանակ թողարկել է նորաձև հագուստի սեփական գիծը և մշակել է կոշիկի գիծը։ Բրիտանակա FHM ամսագրի հարցման համաձայն՝ 2007 թվականին Քիմբերլին համարվել է աշխարհի ամենահետաքրքիր չամուսնացած կանանցից մեկը․ քվեարկողները գնահատել են թեկնածուներին ըստ հարստության և արտաքին տեսքի։
Անձնական կյանք
2005 թվականի աշնանը Քիմբերլին նշանադրվել է դերասան Թալոն Թորիրոյի հետ[3][4]։
Նկատվել է ուելսցի դերասան Ռիս Իֆանի ընկերակցությամբ[5]։
2011 թվականի ապրիլին հայտնի է դարձել, որ Քիմբերլին հղի է դերասան Բենիսիո դել Տորոյից, չնայած նրանք գրեթե հարաբերություններ չունեին>[6][7]։ Նրանց դուստրը՝ Դելայլա Ստյուարտ դել Տորոն ծնվել է 2011 թվականի օգոստոսի 21-ին[8]։