Տիտանիկ 2
Տիտանիկ 2 (անգլ.՝ Titanic II), օվկիանոսային լայների մշակվող նախագիծ, որը բրիտանական «Տիտանիկ» անդրատլանտյան շոգենավի պատճեն է։ Նախագիծը ներկայացրել է ավստրալիացի գործարար և քաղաքական գործիչ Քլայվ Պալմերը 2012 թվականի ապրիլին։ Ենթադրվում էր, որ «Տիտանիկ 2»-ը կդառնա Պալմերի հիմնադրած «Blue Star Line» ծովագնացության ընկերության ֆլագմանը, որն իր անունը ստացել է՝ ի պատիվ «White Star Line» նավագնացական ընկերության։ Վերջինիս կազմում եղել է բնօրինակ նավը[1][2][3]։ Ի սկզբանե ենթադրվում էր, որ լայները ծով դուրս կգա 2016 թվականին[4], սակայն հետագայում այն հետաձգվեց մինչև 2018, այնուհետև՝ 2019 թվականը[5]։
![]() Տիտանիկ 2 | |
Արտադրող | CSC Jinling |
---|---|
Շահագործման սկիզբը | սպասվում է 2022 թվականից |
Նավի տարողունակությունը | 2435 մարդ |
Նավի արագությունը | 24 հանգույց |
Անձնակազմի թիվը | 900 մարդ |
2018 թվականին հայտնի դարձավ, որ լայները ծով է դուրս գալու 2022 թվականին[6]։ 2013 թվականին ավելի քան 40 000 մարդ ցանկություն է հայտնել ձեռք բերել այդ լայների տոմսերից[3]։ «Տիտանիկ 2»-ի առաջին չվերթը պետք է տեղի ունենար առաջին Տիտանիկի պատմական երթուղով՝ Սաութհեմփթոնից դեպի Նյու Յորք[7][8], սակայն հետո նոր երթուղի առաջարկվեց՝ Ցզյանսուից դեպի Դուբայ[3]։
Նախագծի մշակում
2013 թվականի փետրվարին՝ մամլո ասուլիսի ժամանակ, Քլայվ Պալմերը հայտարարեց «Տիտանիկ»-ի ժամանակակից կրկնօրինակը կառուցելու մտադրության մասին։ Նախատեսվում էր, որ «Տիտանիկ 2»-ը կկառուցվի Չինաստանում և իր առաջին չվերթը կկատարի Սաութհեմփթոնից Նյու Յորք 2016 թվականին (հետաձգվել է մինչև 2022 թվականը)։ Պալմերը հույս ունի հնարավորինս ճշգրիտ վերստեղծել «Տիտանիկ 2»-ը, կրկնել բնօրինակ «Տիտանիկ»-ի բոլոր արտաքին ուրվագծերը։ Նրա խոսքերով՝ «Տիտանիկ 2»-ը կունենա 296․14 մետր երկարություն (883 ֆուտ), 55․800 տոննա բրուտտո քաշ և կկարողանա տեղավորել 2 435 ուղևոր և անձնակազմի 900 անդամ։ Պալմերը նշել է նաև, որ «Տիտանիկ 2»-ը կկառուցվի՝ ի հիշատակ 1912 թվականին Տիտանիկի խորտակումից զոհվածների և ողջ մնացածների։
Կառուցվածք և դիզայն
![](http://upload.wikimedia.org/wikipedia/commons/thumb/f/fd/RMS_Titanic_3.jpg/260px-RMS_Titanic_3.jpg)
Նավի ջրատարողությունը պետք է լինի 55 800 տոննա բրուտտո, որն ավելի շատ է, քան բնօրինակինը։
Համեմատություն բնօրինակ տարբերակի հետ
Նավը պետք է առավելագույնս նման լինի բնօրինակ «Տիտանիկ»-ին։ Դրա հետ մեկտեղ, մի շարք պատճառներով (անվտանգության տեխնիկայի ժամանակակից կանոններ, տնտեսական նկատառումներ) նոր նախագծում առկա են մի շարք փոփոխություններ․
- Կայունությունը բարելավելու նպատակով նավի լայնությունը ավելացել է (բնօրինակից 4 մետր լայն)։
- Անկյունային կաթսաների, շոգեմեքենաների փոխարեն օգտագործվելու է դիզելային էլեկտրական ուժային կառույց՝ 4 դիզելային շարժիչով։
- Ավելացվել են կողային տրաստերներ և մեծացված ղեկ, այդ կերպ «Տիտանիկ 2»-ը ավելի շարժունակ կլինի։
- Ավելացվել են պահուստային ելքերի աստիճաններ։
- Ի տարբերություն իրական «Տիտանիկ»-ի՝ նոր նավի փրկանավակները կբավականացնեն բացարձակապես բոլոր ուղևորներին։
- Մեկ փրկանավակում կարող է տեղավորվել 250 մարդ։
Քննադատություն
Եթե լայները կառուցվի «Ցզինլին» նավաշինական գործարանում[9], ապա այն կլինի Չինաստանում կառուցված ամենամեծ ուղևորատար նավը։ Բարդությունն այն է, որ այդ նավաշինարանում չկան չոր դոկեր։
Ծանոթագրություններ
Արտաքին հղումներ
- «Titanic II Cruise Ship» (անգլերեն). Արխիվացված է օրիգինալից 2016 թ․ փետրվարի 14-ին. Վերցված է 2019 թ․ հուլիսի 18-ին.
- «Blue Star Line» (անգլերեն).