Տիմոտի Կաստան
Տիմոտի Կաստան (հոլ.՝ Timothy Castagne, դեկտեմբերի 5, 1995[1][2][3], Արլոն, Վալոնիա, Բելգիա[1]), բելգիացի պրոֆեսիոնալ ֆուտբոլիստ։ Ներկայումս հանդես է գալիս Ատալանտայի և Բելգիայի ազգային հավաքականի կազմում։ Խաղում է եզրային պաշտպանի դիրքում[4]։
 Timothy Castagne | |||
|---|---|---|---|
 Կաստանը 2018 թվականին | |||
| Անձնական տվյալներ | |||
| Քաղաքացիությունը | .svg){kind=small} Բելգիա | ||
| Ծննդյան ամսաթիվ | դեկտեմբերի 5, 1995[1][2][3] (28 տարեկան) | ||
| Ծննդավայր | Արլոն, Վալոնիա, Բելգիա[1] | ||
| Հասակ | 180 սմ | ||
| Քաշ | 80 կգ | ||
| Դիրք | եզրային պաշտպան | ||
| Ակումբային տեղեկություններ | |||
| Ներկա ակումբ |  Ատալանտա | ||
| Համար | 21 | ||
| Պատանեկան կարիերա | |||
| 2002-2004 | Վալսին | ||
| 2004-2006 | Ժենես Լորայն Արլոնեզ | ||
| 2006-2011 | Ռոյալ Էքսելսիոր Վիրտոն | ||
| 2011-2014 | Գենկ | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2013-2017 | Գենկ | 59 | (0) |
| 2017-ներկա | Ատալանտա | 61 | (5) |
| Ազգային հավաքական‡ | |||
| 2013 | Բելգիա Մ18 | 4 | (0) |
| 2013-2014 | Բելգիա Մ19 | 12 | (0) |
| 2014-2016 | Բելգիա Մ21 | 7 | (1) |
| 2018-ներկա | Բելգիա | 7 | (2) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Գենկ
Կաստանը Գենկի ակադեմիայի սան է։ Իր պրոֆեսիոնալ դեբյուտը նշեց 2014 թվականի սեպտեմբերի 14-ին՝ Բրյուգգեի դեմ խաղում[5]։ 2015 թվականի ապրիլի 3-ին Կաստանը հեռացվեց խաղադաշտից Զյուլտե Վարեգեմի դեմ խաղում՝ կարմիր քարտ ստանալով հանդիպման 80-րդ րոպեին[6]։ Իր առաջին գոլը պրոֆեսիոնալ կարիերայում խփեց մայիսի 2-ին՝ Վասլանդ-Բեվերեմի դեմ խաղում[7]։ Հոկտեմբերի 23-ին բելգիացին ստացավ երկրորդ դեղին քարտը Մուսկրոն Պերյուվելզի դեմ խաղում՝ հեռացվելով խաղադաշտից հանդիպման 69-րդ րոպեին[8]։ Առաջին հանդիպումը եվրոպական առաջնություններում անցկացրեց 2016 թվականի հուլիսի 14-ին՝ Եվրոպայի Լիգայի որակավորման երկրորդ փուլի Բուդուչնոստ Պոդգորիցայի դեմ խաղում[9]։ Գենկի առաջին թիմի կազմում Կաստանը անցկացրեց 99 հանդիպում՝ դառնալով 3 գոլի և 4 գոլային փոխանցման հեղինակ։
Ատալանտա
2017 թվականի հուլիսի 7-ին Կաստանը 6 միլիոն եվրոյի դիմաց տեղափոխվեց Ատալանտա[10][11][12]։ Իր դեբյուտը ակումբի կազմում նշեց սեպտեմբերի 10-ին՝ Սասուոլոյի դեմ խաղում[13]։ Իր առաջին գոլը խփեց 2018 թվականի հունվարի 2-ին՝ Իտալիայի գավաթի Նապոլիի դեմ խաղում[14]։ Առաջին գոլը Սերիա A-ում խփեց օգոստոսի 27-ին՝ Ռոմայի դեմ խաղում[15]։ 2019 թվականի հունվարի 30-ին Կաստանը գոլ խփեց Իտալիայի գավաթի Յուվենտուսի դեմ խաղում, իսկ հանդիպումն ավարտվեց 3-0 հաշվով[16][17]։ Մայիսի 15-ին նա մեկնարկային կազմում խաղադաշտ դուրս եկավ Իտալիայի գավաթի եզրափակչի Լացիոյի դեմ խաղում[18], սակայն Ատալանտան պարտվեց 2-0 հաշվով[19][20]։ 2018-19 մրցաշրջանում Կաստանը անցկացրեց 37 հանդիպում՝ դառնալով 5 գոլի ու 4 գոլային փոխանցման հեղինակ[21], և օգնելով իր թիմին զբաղեցնել 3-րդ հորիզոնականը առաջնությունում ու վաստակել տեղը Չեմպիոնների Լիգայում[22][23]։
2019 թվականի սեպտեմբերի 22-ին Կաստանը գոլ խփեց Ֆիորենտինայի դեմ հանդիպման վերջին րոպեին՝ փրկելով Ատալանտային պարտությունից[24][25]։ Իր դեբյուտը Չեմպիոնների Լիգայում նշեց հոկտեմբերի 1-ին՝ խմբային փուլի Շախտյոր Դոնեցկի դեմ խաղում[26][27]։ Չեմպիոնների Լիգայում իր առաջին գոլը բելգիացին խփեց դեկտեմբերի 11-ին՝ խմբային փուլի Շախտյորի դեմ երկրորդ խաղում[28][29]։
Միջազգային կարիերա
Կաստանը ներկայացրել է Բելգիան տարբեր տարիքային երիտասարդական հավաքականներում։ Բելգիայի ազգային հավաքական նա առաջին անգամ հրավիրվեց 2018 թվականի սեպտեմբերին՝ Շոտլանդիայի և Իսլանդիայի դեմ խաղերի համար[30][31]։ Իր դեբյուտը ազգային հավաքականում նշեց սեպտեմբերի 7-ին՝ Շոտլանդիայի դեմ ընկերական խաղում[32]։ Բելգիայի կազմում իր առաջին գոլը Կաստանը խփեց 2019 թվականի հունիսի 8-ին՝ Ղազախստանի դեմ խաղում[33]։ Հոկտեմբերի 10-ին նա գոլի և գոլային փոխանցման հեղինակ դարձավ Սան Մարինոյի դեմ խաղում, իսկ հանդիպումն ավարտվեց 9-0 հաշվով[34][35]։
Կարիերայի վիճակագրություն
Ակումբային վիճակագրություն
2020 թվականի հունվարի 13-ի դրությամբ[36]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Գենկ | 2014–15 | Ժյուպիլեր Լիգա | 21 | 0 | 1 | 0 | — | 6 | 1 | 28 | 1 | |
| 2015–16 | 14 | 0 | 1 | 0 | 7 | 0 | 22 | 0 | ||||
| 2016–17 | 24 | 0 | 5 | 0 | 12 | 2 | 8 | 0 | 49 | 2 | ||
| Ընդհանուր | 59 | 0 | 7 | 0 | 12 | 2 | 21 | 1 | 99 | 3 | ||
| Ատալանտա | 2017–18 | Սերիա A | 20 | 0 | 3 | 1 | 3 | 0 | — | 26 | 1 | |
| 2018–19 | 28 | 4 | 5 | 1 | 4 | 0 | 37 | 5 | ||||
| 2019–20 | 13 | 1 | 0 | 0 | 5 | 1 | 18 | 2 | ||||
| Ընդհանուր | 61 | 5 | 8 | 2 | 12 | 1 | 0 | 0 | 81 | 8 | ||
| Կարիերայի ընդհանուր | 120 | 5 | 15 | 2 | 24 | 3 | 21 | 1 | 180 | 11 | ||
Միջազգային վիճակագրություն
2020 թվականի հունվարի 13-ի դրությամբ[36]
| Բելգիա | ||
|---|---|---|
| Տարի | Խաղեր | Գոլեր |
| 2018 | 2 | 0 |
| 2019 | 5 | 2 |
| Ընդհանուր | 7 | 2 |
Միջազգային գոլեր
| # | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
|---|---|---|---|---|---|---|
| 1. | Հունիսի 8, 2019 | Բոդուեն թագավորի մարզադաշտ, Բրյուսել, Բելգիա |  Ղազախստան | 2–0 | 3–0 | Եվրո 2020 Որակավորում |
| 2. | Հոկտեմբերի 10, 2019 |  Սան Մարինո | 9–0 | 9–0 |
Նվաճումներ
Ակումբային
Ատալանտա
- Իտալիայի գավաթ. երկրորդ տեղ. 2018–19[19]
Ծանոթագրություններ
Արտաքին հղումներ
- Կաստանի պաշտոնական Ինստագրամի էջը
- Կաստանը transfermarkt-ում
- Կաստանը soccerbase.com-ում
- Կաստանը WhoScored.com կայքում
- Կաստանը Ատալանտայի պաշտոնական կայքում Արխիվացված 2022-06-26 Wayback Machine
- Կաստանը Սերիա A-ի պաշտոնական կայքում Արխիվացված 2018-09-24 Wayback Machine
- Կաստանը ՈՒԵՖԱ-ի պաշտոնական կայքում
 | Վիքիպահեստն ունի նյութեր, որոնք վերաբերում են «Տիմոտի Կաստան» հոդվածին։ |