Տարերքի գրկում (ֆիլմ)
«Տարերքի գրկում» (անգլ.՝ Adrift), ամերիկական ֆիլմ սիրո մասին, ռեժիսոր՝ Բալտազար Կորմակուր (Էվերեստ)։ Գլխավոր դերերում Շեյլին Վուդլին ու Սեմ Կլաֆլինն են։Ֆիլմի պրեմիերան ԱՄՆ-ում տեղի է ունեցել 2018 թվականի հունիսի 1-ին, իսկ Ռուսաստանում՝ 2018 թվականի հունիսի 28-ին։
Տարերքի գրկում անգլ.՝ Adrift | |
---|---|
![]() | |
Երկիր | ![]() |
Ժանր | ռոմանտիկ դրամա, դրամա[1], ռոմանտիկ ֆիլմ և կենսագրական ֆիլմ |
Թվական | հունիսի 1, 2018, հուլիսի 12, 2018 և հուլիսի 5, 2018[2] |
Լեզու | անգլերեն |
Ռեժիսոր | Բալտազար Կորմակուր[3] |
Պրոդյուսեր | Բալտազար Կորմակուր, Aaron Kandell?, Jordan Kandell?, Ռալֆ Վինթեր և Շեյլին Վուդլի |
Սցենարի հեղինակ | Aaron Kandell?, David Branson Smith? և Jordan Kandell? |
Դերակատարներ | Շեյլին Վուդլի[3], Սեմ Քլաֆլին[3], Jeffrey Thomas? և Elizabeth Hawthorne? |
Օպերատոր | Ռոբերտ Ռիչարդսոն |
Երաժշտություն | Հաուշկա |
Մոնտաժ | Ջոն Գիլբերթ |
Պատմվածքի վայր | Խաղաղ օվկիանոս |
Կինոընկերություն | Lakeshore Entertainment, Ingenious Media, RVK Studios?, Huayi Brothers և STX Entertainment |
Տևողություն | 96 րոպե[4][1] |
Շահույթ | 31 300 000 $ |
Պաշտոնական կայքէջ | |
![]() |
Սյուժե
Նկարահանված է իրական դեպքերի հիման վրա։ Թամիի ու Ռիչարդի` Թաիթիում տեղի ունեցած հանդիպումը մեծ սիրո սկիզբ դարձավ։ Նրանք երիտասարդ ու ազատ են, որոշում են շքեղ զբոսանավով ուղևորվել ծովային ճանապարհորդության՝ Խաղաղ օվկիանոս։ Թվում էր, թե դա հետաքրքիր արկած է լինելու, բայց հանկարծ բարձրանում է պատմության ամեահզոր փոթորիկներց մեկը։ Այժմ նրանց կյանքը գտնվում է տարերքի գրկում։
Դերերում
- Շեյլին Վուդլի- Թամի Օլդհեմ
- Սեմ Կլաֆլին- Ռիչարդ Շարփ
Արտադրություն
2017 թվականին ֆիլմի համար պայմանավորվածություն է ձեռք բերվել STX Entertainment ընկերության հետ։ Այդ ժամանակ որոշվեց, որ Թամի Օլդհեմի դերը կկատարի Շեյլին Վուդլին, իսկ նախագծի տնօրենը կլինի Բալտազար Կորմակուրը[5]։ Սցենարն արդեն գրված էր Քանդել եղբայրների կողմից, նրանք Կարմակուրի հետ միասին պրոդյուսերավորեցին ֆիլմը։ 2017 թվականի ապրիլին Մայլզ Թելերը ֆիլմին մասնակցելու համար բանակցություններ է վարել Շեյլին Վուդլիի հետ, ում հետ նա աշխատել էր միայն մեկ անգամ[6]։ 2017 թվականի մայիսին նկարահանումներին միացավ նաև Սեմ Կլաֆլինը` փոխարինելով Թելլերին, ով հրաժարվել էր դերից որոշակի կոնֆլիկտ ունենալուց հետո։
«Տարերքի գրկում» ֆիլմի նկարահանումները տեղի են ունեցելլ 2017 թվականին Ֆիջի կղզում[7][8]։
Երաժշտություն
SYML երաժշտական խմբի «Where's My Love» երգն ընդունվել է «Տարերքի գրկում» ֆիլմի պաշտոնական սաունդթրեք, որը թողարկվել է 2018 թվականի մարտի 14-ին։ Phosphorescent երաժշտական խմբի «Song For Zula» երգն ընտրվել է ֆիլմի պաշտոնական թրեիլերի համար, որը թողարկվել է 2018 թվականի մայիսի 7-ին։
Քննադատություններ
Ֆիլմը ջերմորեն ընդունվեց քննադատների կողմից։
«Գերազանց խաղ է Շեյլին Վուդլի ևՍեմ Կլաֆլինի կողմից» (CNN)[9]:
«Բալտազար Կորմակուրը հմտորեն փոխանցում է տարերքի ուժը դեպի էկրաններ… «Օսկարի» մրցանակակիր օպերատոր Ռոբերտ Ռիչարդսոնը աշխարհի յուրօրինակ պատկեր է տալիս ձեզ»[10] (Rolling Ston):
«Շեյլին Վուդլին ֆիզիկապես և հոգեպես տրվել է յուրաքանչյուր վայրին… նրան անհնար է դուրս բերել այնտեղից»[11] ( Variety)։
Ծանոթագրություններ
![]() | Վիքիպահեստն ունի նյութեր, որոնք վերաբերում են «Տարերքի գրկում (ֆիլմ)» հոդվածին։ |