Վրեժ (ֆիլմ, 2010)
«Վրեժ» (դան․՝ Hævnen), ռեժիսոր Սյուզաննա Բիրի 2010 թվականի դրամատիկ ֆիլմ, սցենարի հեղինակ` Անդերս Թոմաս Իենսեն։ Ամերիկյան վարձույթ դուրս է եկել «In a Better World» (հայերեն՝ Ավելի լավ աշխարհում) անվամբ։ Արժանացել է «Ոսկե գլոբուս» և «Օսկար» մրցանակների՝ որպես օտար լեզվով լավագույն ֆիլմ[12]։
Սյուժե
Անտոնը (Միքայել Պեսբրանդտ) շվեդ բժիշկ է, աշխատում է Սուդանի փախստականների համար ճամբարում, մինչդեռ նրա ընտանիքն ապրում է Դանիայի փոքր քաղաքներից մեկում։ Նա և կինը՝ Մարիանը, (Թրինե Դիրհոլմ) մոտ են ամուսնալուծությանը, չնայած նրանք արդեն ունեն երկու որդի։ Նրանցից մեծը՝ 12-ամյա Էլիասը (Մարկուս Ռյուգարդ), դպրոցում խնդիրներ ունի՝ կապված իր շվեդական ծագման և մեծ ատամների հետ։ Նորեկ Քրիստիանը (Ուիլյամ Իոնք Նիլսեն), որը վերջերս է բնակություն հաստատել այդ քաղաքում, օգնում է նրան ազատվել դասընկերների ճնշումներից։ Նա և նրա հայրը՝ Կլաուսը (Ուլրիխ Տոմսեն) եկել են Լոնդոնից Քրիստիանի մոր մահից անմիջապես հետո, որը վախճանվել էր քաղցկեղից։
Քրիստիանի և Էլինասի միջև ընկերական հարաբերություններ են զարգանում։ Քրիստիանը Էլինասի, նրա եղբոր և հոր հետ զբոսնելուց հետո ականատես է դառնում Անտոնի և մեկ այլ երեխայի հոր միջև բախմանը։ Չնայած Անտոնը հարված է ստանում դեմքին, բայց նա չի արձագանքում բռնությանը։ Այդ ժամանակ Քրիստիանը որոշում է վրեժխնդիր լինել անծանոթ անձնավորությունից, և նա կանչում է Էլիասին՝ օգնելու նրան ռումբը տեղադրելու հարցում։ Սակայն պատասխան գործողությունը, որը հրահրվել է իր մորը կորցրած Քրիստինայի հուզական վերապրումից, հանգեցնում է բոլորովին այլ արդյունքների։ Ռումբի պայթյունը գրեթե արժենում է սովորական անցորդների կյանքին։ Եվ տղաների ծնողները ստիպված են լինում կարգավորել իրենց հարաբերությունները՝ օգնելու հաղթահարել բոլոր փորձությունները։
Դերերում
Դերակատար | Դեր |
---|---|
Միքայել Պերսբրանտ | Անտոն |
Ուիլյամ Իոնկ Նիլսեն | Քրիստյան |
Մարկուս Ռյուգարդ | Էլիաս |
Տրինե Դիրհոլիմ | Մարիան |
Ուլրիխ Տոմսեն | Կլաուս |
Կիմ Բոդինա | Լարս |
Էլսեբետ Ստինտոֆտ | Սիգնե |
Սատու Հելենա Միքելինեն | Աննա |
Կամիլա Գոտլիբ | Եվա |
Մրցանակներ
- 2011՝ Եվրոպական կինոակադեմիայի մրցանակ լավագույն ռեժիսորի համար[13]։
- 2011՝ «Օսկար» մրցանակ՝ որպես լավագույն օտարալեզու ֆիլմ[14]
- 2011՝ «Ոսկե գլոբուս» մրցանակ՝ որպես լավագույն օտարալեզու ֆիլմ[15]
- 2011՝ «Դավիդ դի Դոնատելլո» մրցանակ՝ որպես Եվրամիության լավագույն ֆիլմ
- 2010՝ Հռոմեական կինոփառատոնի երկու մրցանակ՝ ժյուրիի «Գրան պրի» մրցանակ և հանդիսատեսի համակրանք մրցանակ (Markus Aurelius Audience Award)
- 2010՝ Սևիլյան կինոփառատոնի երկու մրցանակ՝ լավագույն ռեժիսոր և լավագույն սցենար
- 2010՝ Տալլինի մութ գիշերների կինոփառատոնի լավագույն դերասան մրցանակ
- 2010՝ Ստեղծագործական կատարելության մրցանակ Սալոնիկի միջազգային կինոփառատոնում
- 2010՝ Հնդկական միջազգային կինոփառատոնի լավագույն ռեժիսորի մրցանակ
Ծանոթագրություններ
Արտաքին հղումներ
- Официальный сайт в США
- «Месть»(անգլ.) ֆիլմը Internet Movie Database կայքում
- ««Месть»»(անգլ.) ֆիլմը Allmovie կայքում:
- «Месть» на сайте Metacritic
- Վրեժ (ֆիլմ, 2010)(անգլ.) ֆիլմը Rotten Tomatoes կայքում
- «Վրեժ (ֆիլմ, 2010)»(անգլ.) ֆիլմը Box Office Mojo կայքում