Վիսոկայե

Վիսոկայե (բելառուսերեն՝ Высо́кае, ռուսերեն՝ Высо́кое, ուկրաիներեն՝ Високе, լեհերեն՝ Wysokie), շրջանային ենթակայության քաղաք Բելառուսում՝ Բրեստի մարզի Կամենեցի շրջանում։ Ընկած է շրջկենտրոնից մոտավորապես 20 կիլոմետր դեպի արևմուտք, մարզկենտրոնից 30 կիլոմետր դեպի հյուսիս, Լեհաստանի հետ Բելառուսի ունեցած պետական սահմանի մոտ։ Բելառուսի ծայր արևմտյան քաղաքն է^[2], որից ոչ հեռու՝ Բուգ գետի ափին է գտնվում այդ հանրապետության ծայր արևմտյան կետը^[3]։

Բնակավայր
Վիսոկայե
բելառուս․՝ Высокае
Զինանշան
Երկիր	Բելառուս
Առաջին հիշատակում	14-րդ դար
Մակերես	5,5625 կմ²
ԲԾՄ	151 մետր
Բնակչություն	▲4913 մարդ (հունվարի 1, 2024)[1]
Ժամային գոտի	UTC+3
Հեռախոսային կոդ	1631
Փոստային դասիչ	225080
Վիսոկայե Վիքիպահեստում

2017 թվականի տվյալներով բնակչության թվաքանակը եղել է 5.113^[4]:

Պատմական փաստաթղթերում առաջին անգամ հիշատակվել է XIV դարում՝ մեծ իշխան Գեդիմինասի այցելության առնչությամբ։ 1494 թվականին Ալեքսանդր Առաջին Յագելոնը մագդեբուրգյան իրավունք և զինանշան է շնորհել քաղաքին։ 1647 թվականին բնակավայրը դարձել է Սապեգո իշխանական տոհմի սեփականությունը։ Սապեգոներն այստեղ ամրոց են կառուցել, որը 1748 թվականին այրվել է։ Լեհաստանի երրորդ բաժանման արդյունքում բնակավայրը հայտնվել է ռուսական կայսրության կազմում։ 1921 թվականին մտել է Լեհաստանի, 1939 թվականին՝ Բելառուսի կազմի մեջ^[5][6][7]։