Վիկտոր Դոբրոնրավով

Վիկտոր Դոբրոնրավովը ծնվել է 1983 թվականի մարտի 8-ին Ռոստովի մարզի Տագանրոգ քաղաքում։ Հայրը՝ դերասան Ֆեոդոր Դոբրոնրավովն է (2003 թվականից՝ Մոսկվայի երգիծական ակադեմիական թատրոնի դերասան)։ Մայրը՝ Իրինա Դոբրոնրավովա, աշխատել է մանկապարտեզում՝ որպես դաստիարակ։ Կրտսեր եղբայրը՝ դերասան Իվան Դոբրոնրավովն է։

1990 թվականին Դոբրոնրավովների ընտանիքը, որն այդ ժամանակ բնակվում էր Վորոնեժում, տեղափոխվեց Մոսկվա, որտեղ Կոնստանտին Ռայկինը սկսնակ դերասան Ֆեոդոր Դոբրոնրավովին հրավիրեց հանդես գալու «Սատիրիկոն» պետական թատրոնի թատերախմբում։

2000 թվականին՝ Մոսկվայում միջնակարգ դպրոցն ավարտելուց անմիջապես հետո, Վիկտորն ընդունվեց Բ. Շչուկինի անվան բարձրագույն թատերական ուսումնարան, որն ավարտեց 2004 թվականին (կուրսի գեղարվեստական ղեկավար՝ Եվգենի Կնյազև)^[2]։

2004 թվականին գեղարվեստական ղեկավար Միխայիլ Ուլյանովը նրան հրավիրեց Ե. Վախթանգովի անվան թատրոն, որտեղ հանդես է գալիս մինչ օրս։ Միջին սերնդի վախթանգովցիների առաջատար դերասանն է։ Իրենց ներկայացումներում գլխավոր դերերը նրան են վստահում ռեժիսորներ Ռիմաս Տումինասը և Յուրի Բուտուսովը, Վլադիմիր Իվանովը և Անժելիկա Խոլինան^[3]։

Սերգեյ Կազարնովսկու «Երաժշտա-դրամատիկական արվեստի դասարան-կենտրոն»-ի «Էնիկի-Բենիկի» մանկական մյուզիքլում կատարել է գլխավոր դերը, հանդես է գալիս նաև «Ստրաստնոյի» թատերական կենտրոնում։

2009 թվականին հաղթել է «Գտի՛ր հրեշին» հեռուստաքասթինգում և ստացել «Սթեյջ Էնթերթեյնմենթ» ընկերության «Գեղեցկուհին և հրեշը» մյուզիքլում տղամարդու գլխավոր դերը^[3]։ Մյուզիքլի պրեմիերան կայացել է 2009 թվականի դեկտեմբերի 15-ին։

Վիկտորը պարբերաբար նկարահանվում է կինոյում և սերիալներում։ Նրա վերջին նախագծերից են «Պալմա»-ն, «Աշխարհի չեմպիոնը» և «Եղևնիներ 8»-ը։ Երբեմն նաև զբաղվում է ֆիլմերի հնչյունավորմամբ, օրինակ՝ «Զակ Սնայդերի արդարության լիգա» ֆիլմում հնչյունավորել է Ջոկերին։ 2022 թվականի հունիսի սկզբին ռուսական վարձույթում է հայտնվել «Կոշչեյ։ Հարսնացուներ առևանգողը» անիմացիոն կատակերգությունը, որտեղ Դոբրոնրավովը հնչյունավորել է գլխավոր հերոս Կոշչեյին^[4]։

Վիկտոր Դոբրոնրավովն ամուսնացել է 2010 թվականի մարտի 23-ին^[5]։ Կինը՝ Ալեքսանդրա Տորգուշնիկովան է (ծնվ.՝ 1987 թ.)^[6], Վիկտորի դասընկերուհին է եղել, ավարտել է Մ. Լիտովչինի անվան հեռուստատեսության և ռադիոհեռարձակման հումանիտար ինստիտուտը։ Մասնագիտությամբ կինոօպերատոր է, սակայն զբաղվում է լուսանկարչությամբ. լուսանկարներ է անում Ե. Վախթանգովի անվան թատրոնի համար։ Դուստրերն են՝ Վարվառան (ծնվ.՝ դեկտեմբերի 17, 2010)^[5][6] և Վասիլիսան (ծնվ.՝ մայիսի 31, 2016)։

Վիկտոր Դոբրոնրավովը 2018 թվականի ապրիլի 24-ին Ե. Վախթանգովի անվան թատրոնի Արտ-կաֆեում ստեղծում է «Ковер-Квартет» երաժշտական խումբը։ Կվարտետը կազմված է երաժիշտներից և դերասաններից, որոնք տարբեր ոճերով են նվագում (ջազ, սոուլ, ֆանկ)։ Կատարում է արտասահմանյան հայտնի հիթերի քավերներ (Մայքլ Բուբլե, Ռեյ Չարլզ, Ջեյմի Քալում, Radiohead և Queen)^[3]։

«Ковер-Квартет» խմբի անդամներն են^[5]՝

1. Վիկտոր Դոբրոնրավով (վոկալ)
2. Միխայիլ Շկլովսկի (բաս կիթառ), Ռուսաստանի երիտասարդական ակադեմիական թատրոնի դերասան
3. Դմիտրի Վոլկով (կախոն, պերկուսիա), Լենկոմ թատրոնի դերասան
4. Միխայիլ Սպասիբո (ստեղնավոր գործիքներ)
5. Պավել Սուրաև-Կորոլյով (կիթառ)

• ՌԴ վաստակավոր արտիստ (օգոստոսի 21, 2018)^[1]
• ՌԴ ՊՆ «Հայրենիքի հերոսների հիշատակի» մեդալ (դեկտեմբերի 29, 2021)` «Հերոս 115» պատմական գեղարվեստական ֆիլմում Իվան Ռոսլու դերի համար
• «Մոսկովսկի կոմսոմոլեց» թերթի մրցանակ «Սկսնակներ» կատեգորիայի «Երկրորդ պլանի տղամարդու լավագույն դեր» անվանակարգում՝ «Ժպտա՛ մեզ, Տե՛ր» ներկայացման մեջ Խլոյնե-Գենեխի դերի համար (2014)
• «Զվեզդա տեատրալա» ամենամյա VII թատերական մրցանակի դափնեկիր «Երկրորդ պլանի տղամարդու լավագույն դեր» անվանակարգում՝ «Ժպտա՛ մեզ, Տե՛ր» ներկայացման մեջ Խլոյնե-Գենեխի դերի համար (2014)
• «Ոսկե դիմակ» ռուսական ազգային մրցանակի առաջադրում դրամատիկական թատրոնի մրցույթում` «Տղամարդու լավագույն դեր» անվանակարգում՝ «Վազք» ներկայացման մեջ Խլուդովի դերի համար (2016)
• «Մոսկովսկի կոմսոմոլեց» թերթի մրցանակ «Սկսնակներ» կատեգորիայի «Տղամարդու լավագույն դեր» անվանակարգում՝ «Էդիպուս արքա» ներկայացման մեջ Էդիպուս արքայի դերի համար (2017)
• Մոսկվա քաղաքի՝ գրականության և արվեստի ոլորտի մրցանակ «Թատերական արվեստ» անվանակարգում՝ «Վազք» ներկայացման մեջ Խլուդովի դերի համար (2017)

Դիպլոմային ներկայացումներ

Ե. Վախթանգովի անվան թատրոն

«Ստրաստնոյի վրա» թատերական կենտրոն

«Արտ-Պարտնյոր XXI» թատերական գործակալություն

Սթեյջ Էնթերթեյնմենթ

«Մասկարադ» թատերական ընկերություն

Թերեզա Դուրովայի թատրոն

«Ֆեոդոր Դոբրոնրավով» պրոդյուսերական կենտրոն

«Ակտիվ քաղաքացի» նախագիծ (Մոսկվա)

• Վիկտոր Դոբրոնրավովի մասին Ե. Վախթանգովի անվան թատրոնի կայքում (ռուս.)
• Վիկտոր Դոբրոնրավով. կենսագրություն և ֆիլմագրություն (ռուս.)
• Վիկտոր Դոբրոնրավով. կենսագրություն, ֆիլմագրություն, լուսանկարներ (ռուս.)
• Վիկտոր Դոբրոնրավով. «Յուրաքանչյուրը պետք է զբաղվի իր գործով» (ռուս.)
• Վիկտոր Դոբրոնրավով. «Հայրս ասաց. «Որդի՛ս, չեմ օգնի, օգնություն չեմ էլ խնդրի։ Հաց վաստակելը բարդ բան է» (ռուս.)

Վիքիպահեստն ունի նյութեր, որոնք վերաբերում են «Վիկտոր Դոբրոնրավով» հոդվածին։