Վիկտոր Դմիտրենկո

Ֆուտբոլով սկսել է զբաղվել 11 տարեկան հասակում՝ «Ազովեց» ակումբում, առաջին մարզիչը եղել է Սերգեյ Ռոգոզինը, որը այնուհետև Վիկտորին խորհուրդ է տվել տեղափոխվել «Կուբանի» գիշերօթիկ, որտեղ էլ նա 2005 թվականին շարունակել է ֆուտբոլային կրթությունը^[3]։ «Կուբանի» գիշերօթիկում նրան մարզել է Իգոր Կալեշինը^[4]։ 2007 թվականին հայտավորվել է ակումբի կազմում, սակայն խաղադաշտ այդպես էլ դուրս չի եկել։ 2008 թվականին «Կուբանի» այն ժամանակվա մարզիչ Ալեքսանդր Տարխանովի հրավերով^[4] կրկին հայտավորվել է թիմի կազմում, այս անգամ արդեն առաջին դիվիզիոնի մրցաշարում^[5]։

2008 թվականի նոյեմբերի 3-ին Վիկտորն իր նորամուտն է կատարել ակումբի հիմնական կազմում՝ փոխարինելով Գեորգի Ջիոևին առաջնության 43-րդ խաղաշրջանի «Մաշուկ-ԿՄՎ» ակումբի դեմ խաղի 75-րդ րոպեին^[6]։ Նոյեմբերի 6-ին երկրորդ անգամ հանդես է եկել ակումբի հիմնական կազմում՝ 44-րդ խաղաշրջանի Վլադիկավկազի «Ալանիայի» դեմ խաղի 84-րդ րոպեին՝ փոխարինելով Ռոման Լենգիելին^[7]։ 2009 թվականի միջսեզոնի ընթացքում «Կուբանը» գլխավորող Սերգեյ Օվչինիկովը նրան ընդգրկել է խաղի հիմնական հայտացուցակում^[4], սակայն, պաշտոնակն խաղերում «Շեֆը» այդպես էլ չի հայտնվել խաղադաշտում։ Պրեմիեր լիգայում նորամուտը կատարել է 2009 թվականի նոյեմբերի 29-ին՝ 30-րդ խաղաշրջանի Ղազախստանի «Ռուբինի» դեմ խաղի 86-րդ րոպեին փոխարինելով Անդրեյ Մուրեշանին^[8]։ Բացի այդ, այդ մրցաշրջանում երիտասարդական թիմի կազմում անցկացրել է 24 հանդիպում՝ խփելով մեկ գնդակ։

2010 թվականի մրցաշրջանում նա հիմնական կազմում չի խաղացել, օգոստոսի 25-ին հայտարարվել է, որ Վիկտորը երկարաձգել է պայմանագիրը «Կուբանի» հետ և անմիջապես վարձավճարային հիմունքներով տեղափոխվել Քիշնևի «Զիմբրու»՝ լրացուցիչ խաղային պրակտիկա ստանալու համար^[9]։ «Զիմբրուի» կազմում նորամուտը կատարել է սեպտեմբերի 11-ին Քիշնևի մեկ այլ ակումբի՝ «Դաչիայի» դեմ խաղում։ Սեպտեմբեր ամսին մասնակցել է թիմի երեք հանդիպումների՝ բոլոր խաղերում խաղադաշտ դուրս գալով ակումբի հիմնական կազմում, այդ հանդիպումներում ակումբը տարել է 2 հաղթանակ և 1 անգամ խաղացել է ոչ-ոքի^[10]։ Վարձակալության ընթացքում «զուբրովի» կազմում անցկացրել է 10 հանդիպում առաջնությունում և 1 հանդիպում Մոլդովայի գավաթի խաղարկությունում, բացի այդ, 7 անգամ լրագրողների կողմից ընդգրկվել է խորհրդանշական խաղաշրջանների հավաքականներում։ Նոյեմբերին՝ վարձակալության ավարտից հետո, վերադարձել է «Կուբան»^[11]։ 2011 թվականին կրկին վարձակալության է տրվել, այս անգամ Արմավիրի «Տորպեդոյում»։ Երկրորդ դիվիզիոնում մասնակցել է 14 խաղի և թիմի հետ զբաղեցրել է աղյուսակում երկրորդ տեղը, սակայն դա չի օգնել «Տորպեդոյին» բարձրանալ դասակարգման աղյուսակում։

2012 թվականին ազատ գործակալի կարգավիճակով է տեղափոխվել «Աստանա»։ Որպեսզի չհամարվի լեգիոներ,անմիջապես ղազախական անձնագիր է ստացել^[12]։ Առաջին մրցաշրջանում մասնակցել է 18 հանդիպման և խփել է 2 գնդակ։ 2013 թվականիի մրցաշրջանում Դմիտրենկոն համարվել է հիմնական կազմի ամուր խաղացող և օգնել է թիմին նվաճել առաջնության արծաթե մեդալները։ 2013 թվականի հուլիսի 4-ին նորամուտ է կատարել եվրագավաթներում՝ առաջին որակավորման փուլում բուլղարական «Բոտև» ակումբի հետ։ 2014 թվականի փետրվարի 11-ին «Աստանայի» հետ պայմանագիրը երկարաձգվել է երեք տարով^[13]։ 2014 թվականի մրցաշրջանում Դմիտրենկոն առաջին անգամ դարձել է Ղազախստանի առաջնության հաղթող և թիմի հետ հասել Եվրոպայի լիգայի փլեյ-օֆֆ փուլ^[14]։

2015 թվականի հունվարի 11-ին մեկ տարվա վարձավճարով տեղափոխվել է «Ակտոբե»^[15]։ Ծնկահոդի ցավերի պատճառով բաց է թողել թիմի ամբողջ երկրորդ հավաքը, սակայն կարողացել է վերականգնվել մինչև առաջնության մեկնարկը^[16]։ 2015 թվականի մարտի 15-ին «Տարազի» հետ արտագնա խաղում նորամուտ է կատարել ակումբի կազմում՝ 90-րդ րոպեին փոխարինելով Դանիլո Նեկոյին։ Առաջնության ավարտից հետո «Ակտոբեն» գրավել է երրորդ տեղը՝ ձախողելով մրցաշրջանին առաջադրած խնդիրները։ Դմիտրենկոն չի կարողացել տեղ գրավել թիմի հիմնական կազմում՝ անցկացնելով 16 խաղ։

2016 թվականի ձմեռային մրցաշրջանում համալրել է Կոստանայի «Տոբոլ» ակումբի կազմը^[17]։ Ապրիլի 17-ին «Աստանայի» հետ արտագնա խաղում կատարել է նորամուտ ակումբի կազմում։ Առաջնությունում ընդհանուր առմամբ մասնակցել է 18 հանդիպման։ 2017 թվականի մրցաշրջանի առաջին կեսը Դմիտրենկոն անցկացրել է «Տոբոլում», սակայն պարտվել է հիմնական կազմում տեղի համար պայքարում և վարձավճարով տեղափոխվել Կարագանդայի «Շախտյոր»^[18]։ Օգնել է ակումբին խուսափել դուրս մնալուց՝ առաջնությունում անցկացնելով 15 հանդիպում։ Վարձակալությունն ավարտելուց հետո Դմիտրենկոն վերադարձել է Կոստանայի «Տոբոլ»^[19]։

Ղազախստանի քաղաքացիություն ստանալուց անմիջապես հետո Դմիտրենկոն սկսել է ներգրավվել Ղազախստանի երիտասարդական հավաքականում^[2]։ 2012 թվականի հունիսին նա երկու լրիվ հանդիպում է անցկացրել Եվրոպայի 2013 թվականի երիտասարդական առաջնության ընտրական մրցաշարում՝ Լատվիայի և Ֆրանսիայի հավաքականների դեմ խաղերում։ Նույն թվականի սեպտեմբերին հրավիրվել է ազգային հավաքական՝ մասնակցելու Իռլանդիայի հավաքականի դեմ 2014 թվականի աշխարհի առաջնության ընտրական խաղերին, որտեղ Դմիտրենկոն ամբողջ հանդիպումն անցկացրել է պահեստայինների նստարանին^[20], և Շվեդիայի, որի հետ խաղում նա կատարել է նորամուտը։ 2013 թվականի փետրվարի 6-ին իր առաջին գոլն է խփել Ղազախստանի հավաքականի կազմում Մոլդովայի հավաքականի հետ ընկերական խաղում։

«Կուբան»

• Ռուսաստանի առաջին դիվիզիոնում զբաղեցրել է 2-րդ տեղը (անցում բարձրագույն դիվիզիոն) - 2008

«Աստանա»

• Ղազախստանի առաջնության հաղթող - 2014
• Ղազախստանի փոխչեմպիոն - 2013
• Ղազախստանի գավաթի դափնեկիր - 2012

«Ակտոբե»

• Ղազախստանի առաջնության բրոնզե մեդալակիր - 2015

2018 թվականի մարտի 11-ի դրությամբ^[21]

• Профиль игрока на сайте ФК «Тобол» Արխիվացված 2020-09-27 Wayback Machine(ռուս.)

Վիքիպահեստն ունի նյութեր, որոնք վերաբերում են «Վիկտոր Դմիտրենկո» հոդվածին։