Վիկտոր Գուսման
Վիկտոր Ալֆոնսո Գուսման Գուսման (իսպ.՝ Víctor Alfonso Guzmán Guzmán, փետրվարի 3, 1995[1], Tonalá), մեքսիկացի ֆուտբոլիստ, «Պաչուկա» ակումբի և Մեքսիկայի ազգային հավաքականի կիսապաշտպան։ 2016 թվականի Ռիո դե Ժանեյրոյում կայացած Օլիմպիական խաղերի մասնակից։
Քաղաքացիությունը | Մեքսիկայի Միացյալ Նահանգներ | ||
---|---|---|---|
Ծննդյան ամսաթիվ | փետրվարի 3, 1995[1] (29 տարեկան) | ||
Ծննդավայր | Tonalá | ||
Հասակ | 175 սանտիմետր | ||
Քաշ | 70 կիլոգրամ | ||
Դիրք | կիսապաշտպան | ||
Ակումբային կարիերա
Գուսմանը Գվադալախարա ակումբի շրջանավարտ է։ 2015 թվականին խաղային փորձ ձեռք բերելու համար վարձավճարով տեղափոխվել է «Պաչուկա»։ Հուլիսի 29-ին Մեքսիկայի գավաթի Ատլանտայի դեմ խաղում Վիկտորը նորամուտն է նշել նոր թիմում[2]։ Օգոստոսի 12-ին «Մոնտերեյի» դեմ խաղում նա իր նորամուտն է նշել Մեքսիկայի ֆուտբոլի առաջնությունում[3]։ 2016 թվականին մայրաքաղաքային «Ամերիկա» ակումբի դեմ խաղում Գուսմանը խփել է իր առաջին գոլը «Պաչուկայի» կազմում։ Նույն տարվա ամռանը ակումբը գնել է խաղացողի տրանսֆերը «Գվադալախարայից»։ 2017 թվականին Վիկտորն օգնել է «Պաչուկային» հաղթել ԿՈՆԿԱԿԱՖ-ի Չեմպիոնների լիգայում։
Միջազգային կարիերա
2015 թվականին Գուսմանը ընդգրկվել է Մեքսիկայի երիտասարդական հավաքականի կազմում՝ մասնակցելու Ջամայկայում կայանալիք ԿՈՆԿԱԿԱՖ-ի պատանեկան գավաթի խաղարկությանը։ Մրցաշարում հանդիպումներ է անցկացրել Կուբայի[4], Կանադայի[5], Հոնդուրասի[6], Հաիթիի[7] և Պանամայի[8] երիտասարդական հավաքականների դեմ։ Հոնդուրասցիների դեմ խաղում Վիկտորը դարձել է գոլի հեղինակ։
Նույն թվականի ամռանը Գուսմանը մասնակցել է Նոր Զելանդիայում կայացած աշխարհի երիտասարդական առաջնությանը։ Մրցաշարում մասնակցել է Ուրուգվայի[9], Սերբիայի[10] և Մալիի[11] դեմ խաղերին։
2016 թվականի ամռանը Մեքսիկայի օլիմպիական հավաքականի կազմում մասնակցել է Ռիո դե Ժանեյրոյում կայացած Օլիմպիական խաղերին։ Մրցաշարում նա խաղում էր Գերմանիայի հավաքականի դեմ[12]։
2018 թվականի սեպտեմբերի 8-ին Ուրուգվայի ազգային հավաքականի դեմ ընկերական խաղում Գուսմանը իր նորամուտն է նշել Մեքսիկայի հավաքականի կազմում՝ երկրորդ խաղակեսում փոխարինելով Էրիկ Գուտերեսին[13]։ Հոկտեմբերի 11-ին Կոստա Ռիկայի ֆուտբոլի ազգային հավաքականի դեմ խաղում խփել է իր առաջին գոլը ազգային հավաքականի կազմում[14]։
Գոլեր Մեքսիկայի հավաքականի կազմում
# | Ամսաթիվ | Վայր | Հակառակորդ | Հաշիվ | Արդյունք | Մրցույթ |
---|---|---|---|---|---|---|
1. | 11 հոկտեմբերի 2018 | Ունիվերսիտարիո մարզադաշտ, Սան Նիկոլաս դե լոս Գարզա, Մեքսիկա | Կոստա Ռիկայի ֆուտբոլի ազգային հավաքական | 2:2 | 3:2 | Ընկերական հանդիպում |
Ձեռքբերումներ
Թիմային
Մեքսիկա «Պաչուկա»
- ԿՈՆԿԱԿԱՖ-ի Չեմպիոնների լիգայի հաղթող՝ 2016/2017
Միջազգային
Մեքսիկա (մինչև 20)
- ԿՈՆԿԱԿԱՖ-ի երիտասարդական գավաթ՝ 2015