Վակուումի դիմադրություն

Դիէլեկտրական օպտիկական միջավայրում տարածվող հարթ ալիքի համար համանման մեծությունը կոչվում է միջավայրի սեփական իմպեդանս, նշանակվում է հունարեն η (էտա) տառով։ Այսպիսով Z₀ երբեմն կոչվում է նաև վակուումի սեփական դիմադրություն^[2] և նշանակվում է η₀^[3]։ Այն բազմաթիվ ուրիշ անվանումներ էլ ունի, որոնցից են՝

• վակուումի (ազատ տարածության)^[4] ալիքային իմպեդանս,^[5]
• վակուումի իմպեդանս^[6],
• վակուումի սեփական իմպեդանս,^[7]
• վակուումի բնութագրական իմպեդանս,^[8]
• վակուումի (ազատ տարածության) ալիքային դիմադրություն^[9]։

Վերը բերված սահմանումից և հարթ ալիքի համար Մաքսվելի հավասարումների լուծումից ստանում ենք՝

${\displaystyle Z_{0}={\frac {E}{H}}=\mu _{0}c_{0}={\sqrt {\frac {\mu _{0}}{\varepsilon _{0}}}}={\frac {1}{\varepsilon _{0}c_{0}}}}$

որտեղ

${\displaystyle \mu _{0}=}$ -ն մագնիսական հաստատունն է,

${\displaystyle \varepsilon _{0}=}$ -ն՝ էլեկտրական հաստատունը,

${\displaystyle c_{0}=}$ -ն՝ լույսի արագությունը վակուումում^[10][11]։

${\displaystyle Z_{0}\ }$ -ի հակադարձ մեծությունը (${\displaystyle 1/Z_{0}\ }$ ) երբեմն կոչվում է վակուումի լրիվ հաղորդականություն (ադմիտանս) և նշանակվում ${\displaystyle Y_{0}\ }$ ։

1948 թվականից ՄՄՀ ամպեր միավորը սահմանվում է՝ μ₀-ի թվային արժեքը ընտրելով ճիշտ 4π×10⁻⁷ Հն/մ։ Նույն ձևով, 1983 թվականից ՄՄՀ մետրը սահմանվում է՝ c₀-ի արժեքի 299 792 458 մ/վ ընտրությամբ։ Հետևաբար,

${\displaystyle Z_{0}=\mu _{0}c_{0}=119,9169832\;\pi \ \Omega }$ (ճշգրիտ)

կամ

${\displaystyle Z_{0}\approx 376,730\ 313\ 461\ 77\ldots \Omega }$ ։

Այս թիվը կարող է փոխվել, եթե 2018 թ․ ՄՀ հիմնական միավորները վերասահմանվեն՝ կիլոգրամի, ամպերի, կելվինի և մոլի սահմանումն ընտրվի համապատասխանաբար ըստ Պլանկի հաստատունի, տարրական էլեկտրական լիցքի, Բոլցմանի հաստատունի և Ավոգադրոյի հաստատունի ճշգրիտ թվային արժեքների^[12]։

1990-ական թվականներից առաջ ${\displaystyle Z_{0}}$ -ի մոտավոր արժեքը համարվում էր ${\displaystyle 120\pi }$ ։ Սա համարժեք է լույսի արագությունը 3×10⁸ մ/վ վերցնելուն։ 1989 թ․ Չենգը գրում է, որ Հերցյան դիպոլի անտենայի ճառագայթման դիմադրությունը^[3]

${\displaystyle R_{r}\approx 80\pi ^{2}\left({\frac {\ell }{\lambda }}\right)^{2}}$ [ոչ ճշգրիտ]։

Կիրառելով չափողականության վերլուծությունը, ավելի ճշգրիտ տեսքով այս բանաձևը գրվում է որպես

${\displaystyle R_{r}={\frac {2\pi }{3}}Z_{0}\left({\frac {\ell }{\lambda }}\right)^{2}}$ ։