Վագներ Լավ
Վագներ Լավ (պորտ.՝ Vágner Love, իսկական անուն՝ Վագներ Սիլվա դի Սոուզա, պորտ.՝ Vágner Silva de Souza, հունիսի 11, 1984[2][3][4], Ռիո դե Ժանեյրո, Բրազիլիա), բրազիլացի ֆուտբոլիստ, թուրքական «Ալանյասպոր» ֆուտբոլային ակումբի հարձակվող[5]։
 | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||
| Անձնական տվյալներ | |||||||||||||||||||||||||||||||||
| Ազգությունը |  Բրազիլիա | ||||||||||||||||||||||||||||||||
| Քաղաքացիությունը | Բրազիլիա | ||||||||||||||||||||||||||||||||
| Ծննդյան ամսաթիվ | հունիսի 11, 1984[2][3][4] (40 տարեկան) | ||||||||||||||||||||||||||||||||
| Ծննդավայր | Ռիո դե Ժանեյրո, Բրազիլիա | ||||||||||||||||||||||||||||||||
| Հասակ | 172 սմ[1] | ||||||||||||||||||||||||||||||||
| Քաշ | 72 կգ | ||||||||||||||||||||||||||||||||
| Դիրք | հարձակվող | ||||||||||||||||||||||||||||||||
| Ակումբային տեղեկություններ | |||||||||||||||||||||||||||||||||
| Ներկա ակումբ |  Ալանյասպոր | ||||||||||||||||||||||||||||||||
| Համար | 99 | ||||||||||||||||||||||||||||||||
| Պատանեկան կարիերա | |||||||||||||||||||||||||||||||||
| |||||||||||||||||||||||||||||||||
| Մասնագիտական կարիերա* | |||||||||||||||||||||||||||||||||
| Տարի | Ակումբ | Խաղ | (Գոլ) | ||||||||||||||||||||||||||||||
| |||||||||||||||||||||||||||||||||
| Ազգային հավաքական | |||||||||||||||||||||||||||||||||
| |||||||||||||||||||||||||||||||||
Պարգևացանկ
| |||||||||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը ըստ 2017 թվականի մարտի 11-ի: | |||||||||||||||||||||||||||||||||
Ակումբային կարիերա
Մանկություն և պատանեկություն
Ութ տարեկան հասակում Վագները ընդունվում է ֆուտբոլային դպրոց, որտեղ սովորում է երկու տարի։ 1997 թվականին նա ընդգրկվում է «Վասկո դա Գամա» ֆուտբոլային դպրոցի կազմ։ Տասնվեց տարեկան հասակում Վագները կնքում է իր առաջին պրոֆեսիոնալ ֆուտբոլային պայմանագիրը «Պալմեյրաս» ակումբի հետ։ Թիմի կազմում Վագների խաղը հենց իր խոսքերով ստացվում է՝ «շատ վատ»[6]։ 2002 թվականին բրազիլացին դառնում է Սան Պաուլո նահանգի երիտասարդական ֆուտբոլային առաջնության լավագույն ռմբարկուն՝ հեղինակելով 32 գոլ։ Այս հաջողությունից հետո նա նշում է իր նորամուտը արդեն ակումբի հիմնական կազմում, որտեղ 2003 թվականի մրցաշրջանում դառնում է 19 գոլի հեղինակ և ճանաչվում է Սերիա B-ի լավագույն ռմբարկուն[7], ինչը ունենում է իր նշանակությունը «Պալմեյրասի» Բրազիլիայի բարձրագույն առաջնություն տեղափոխվելու հարցում։ Այդ նույն թվականին Վագները հրավեր է ստանում Բրազիլիայի պատանեկան հավաքականից, որի կազմում նա նշում է իր նորամուտը Սանտո Դոմինգոյում ընթացող Պանամերիկյան խաղերի ֆուտբոլային մրցաշարում[7]։ Հենց այդ մրցաշարի շրջանակներում է Վագները ստանում իր «Լավ» մականունը, որը կապված էր Վագների ընկերուհու մասնակցությամբ սկանդալային պատմության հետ[8]։ «Պալմեյրասի» կազմում Վագները անցկացնում է իր վերջին խաղը 2008 թվականի հունիսի 28-ին կայացած «Սան Պաուլոյի» դեմ խաղում, որում նա դառնում է երկու գոլի հեղինակ[7]:
ԲԿՄԱ
2004 թվականին Վագներ Լավը դառնում է մոսկովյան ԲԿՄԱ-ի ֆուտբոլիստը։ Գործարքի արժեքը կազմում է 6,2 մլն եվրո[9]։ Բանակային ակումբը բրազիլացուն ընդգրկում է թիմի հիմնական կազմում արգենտինացի Ֆերնադո Կավենագիի փոխարեն, ում աշխատավարձը համեմատած թիմի մյուս ֆուտբոլիստների աշխատավարձերի հետ 2,5 անգամ բարձր էր[10]։ ԲԿՄԱ-ի կազմում Վագների նորամուտային խաղն է դառնում Չեմպիոնների Լիգայի որակավորման փուլի երկրորդ տուրի շրջանակներում կայացած ադրբեջանական «Նեֆտչիի» դեմ խաղը, որը կայանում է օգոստոսի 4-ին. այդ խաղում Վագները խաղադաշտ է դուրս գալիս հանդիպման 46-րդ րոպեին և գոլի հեղինակ է դառնում 72-րդ րոպեին[11]։ Օգոստոսի 14-ին Վագները իր նորամուտն է նշում արդեն Ռուսաստանի առաջնությունում. նրա առաջին խաղն է դառնում «Շիննիկի» դեմ կայացած խաղը, որին նա մասնակցում է թիմի մեկնարկային կազմի հետ։ Հինգ ամիս անց Վագները առաջարկ է ստանում «Կորինտիանսից», սակայն նրանց միջև համաձայնություն չի կնքվում[12][13]։
«Բանակայինների» կազմում Լավը դառնում է ՈւԵՖԱ Գավաթի (2005) դափնեկիր և երեք անգամ Ռուսաստանի չեմպիոն (2005, 2006, 2013)։ 2007 թվականին Վագները Ժոյի հետ միասին դառնում է ԲԿՄԱ-ի մրցաշրջանի լավագույն ռմբարկու։
2008 թվականի հուլիսի 12-ին երկու մոսկովյան ակումբների՝ «Սպարտակի» և ԲԿՄԱ-ի միջև ընթացող խաղում Վագները հետ-տրիկի հեղինակ է դառնում, իսկ հանդիպումը ավարտվում է 1-5 հաշվով։ 2009 թվականի հուլիսի 26-ին վերընշյալ երկու ակումբների մեկ ուրիշ հանդիպման ժամանակ, որում արդեն 2-1 հաշվով հաղթանակ է տանում «Սպարտակը». Վագները խաղի 90-րդ րոպեին Վելլիտոնի դեմ պայքարում վերջին հույսի խախտում կատարելու հետևանքով կարմիր քարտի է ստանում և լքում խաղադաշտը։
2008 թվականի նոյեմբերի 10-ին Լավը «Մոսկվա» ֆուտբոլային ակումբի դեմ խաղում, իր պրոֆեսիոնալ կարիերայի շրջանակներում առաջին անգամ «պոկերի» (չորս գոլ) հեղինակ է դառնում[14]։ Հաջորդ տուրում բրազիլացին հետ-տրիկի հեղինակ է դառնում ժամանակից շուտ չեմպիոնությունը ապահոված «Ռուբինի» դեմ խաղում, որի շնորհիվ «բանակայինները» դառնում են առաջնության արծաթե մեդալակիր։ Արդյունքում, ըստ 2008 թվականի մրցաշրջանի Վագները առաջնությունում 20 գոլ է հեղինակում այն դեպքում, երբ ցուցակում իրենց տեղը զբաղեցրած մյուս ֆուտբոլիստներին հաջողվել էր հեղինակել առավելագույնը 10 գնդակ։
Վագներ Լավը ՈՒԵՖԱ Գավաթի 2008-09 մրցաշրջանի լավագույն ռմբարկու է ճանաչվում՝ հեղինակած 11 գոլերով։ Այդ արդյունքով նա գերազանցում է «նախկին-բանակային» Իվիցա Օլիչին (9 գոլ) և Ֆաբիո Կվալյարելային (8 գոլ)։
«Պալմեյրաս»
2009 թվականի օգոստոսի 28-ին հարձակվողը ցանկանալով հավաքականի կազմում հանդես գալ՝ որոշում է «գտնվել» նրան ավելի մոտ[15][16][17]. Վագները վարձավճարային պայմանագիր կնքելով համալրում է բրազիլական «Պալմեյրասի» կազմը[18]։ Մինչև տեղափոխությունը նա ԲԿՄԱ-ի հետ կնքել էր երկուսուկես տարի ժամկետով պայմանագիր[19][20][21]։
«Ֆլամենգո»
2010 թվականի հունվարի 15-ին Վագները, վարձավճարային պայմանագիր կնքելով, համալրում է մեկ այլ բրազիլական ակումբի՝ «Ֆլամենգոյի» կազմը[22][23]։ Նույն օրը ֆուտբոլիստը ակումբային բազայում ներկայացվում է երկրպագուներին և ստանում է 9 համարի մարզաշապիկը[24]։ Հունվարի 24-ին Ռիո դե Ժանեյրո նահանգի առաջնության շրջանակներում, ակումբի կազմում անցկացրած իր առաջին խաղում Վագները դառնում է երկու գոլի հեղինակ և իր թիմին հաղթանակ է պարգևում «Բանգուի» դեմ կայացած խաղում (2-1)[25][26][27]։ Վարձավճարային պայմանագրի ժամկետի լրանալուց հետո Վագները խնդրում է մոսկովյան ակումբի տնօրինությանը երկարաձգել համաձայնությունը ևս մեկ տարով, սակայն նրա առաջարկը մերժվում է[28]։
Վերադարձ ԲԿՄԱ
2010 թվականի հուլիսի վերջին Վագները վերադառնում է ԲԿՄԱ, որտեղ հենց առաջին՝ մոսկովյան «Սպարտակի» դեմ կայացած խաղում դառնում է գոլի հեղինակ, որը դառնում է հաղթական (2-1)։ 2010 թվականի օգոստոսի 15-ին «Անժիի» դեմ խաղում նա կրկին աչքի է ընկնում գոլ հեղինակելով[29]։ 2010 թվականի սեպտեմբերի 16-ին Վագները Եվրոպայի Լիգայի առաջին տուրի շրջանակներում կայացած «Լոզանայի» դեմ խաղում դառնում է դուբլի հեղինակ, իսկ ԲԿՄԱ-ն տանում է 3-0 հաշվով հաղթանակ[30]։ Հարձակվողը մրցաշրջանի ընթացքում կիսվել էր այն մասին, որ ցանկություն ունի կրկնել ՈՒԵՖԱ գավաթի խաղարկության 2008-2009 մրցաշրջանի իր արդյունքը, որը լավագույն ռմբարկու ճանաչվելն էր. նա հասնում է իր նպատակին[31][32]։
Սեպտեմբերի 26-ին առաջնության 22-րդ տուրում կայացած «Տոմի» դեմ արտագնա խաղում, բրազիլացին հանդիպման 41-րդ վայրկյանին գոլ է հեղինակում, որը դառնում է ԲԿՄԱ-ի կազմում նրա 100-րդ գոլը[33][34]։ Վագները դառնում է առաջին արտասահմանցին, ով հայտնվում է Գրիգորի Ֆեդոտովի կողմից կազմված խորհրդանշական թիմում[35][36]։
2011-2012 թվականների մրցաշրջանը Վագները մեկնարկում է ԲԿՄԱ-ի կազմում, սակայն ԶԼՄ-ներում տեղեկություն է տարածվում, ըստ որի ֆուտբոլիստը ամռանը համալրելու է որևէ բրազիլական թիմի կազմ։ 2011 թվականի ամռանը Վագների ծառայություններով սկսում է հետաքրքրվել պորտուգալական «Պորտուն», սակայն նրանց առաջարկը չի գոհացնում ԲԿՄԱ-ի տնօրինությանը[37]։ Հոկտեմբերի 29-ին Լավը «Սպարտակ-Նալչիկի» դեմ կայացած խաղում հեռացվում է խաղադաշտից, քանի որ «բաց» ոտքով հարվածում է մրցակից թիմի ֆուտբոլիստ Ջուդովիչին, ինչից հետո վերջինս վնասվածք է ստանում[38][39]։ Ինչպես ավելի ուշ անկեղծանում է բրազիլացին՝ նման բան նրա հետ առաջին անգամ էր պատահել և ինքը շատ է ափսոսում տեղի ունեցածի համար։ Առաջնության հանձնաժողովի կողմից որոշում է կայացվում Վագներին որակազրկել երեք խաղով։ Ավելի ուշ հանձնաժողովը չեղարկում է իր որոշումը և Վագները մասնակցություն ունենալով «Անժիի» դեմ կայացած խաղում՝ գոլի հեղինակ է դառնում, սակայն ԲԿՄԱ-ն կրում է 1-2 հաշվով պարտություն[40]։
Կրկին «Ֆլամենգո»
2012 թվականի հունվարի 25-ին պաշտոնապես հայտարարվում է, որ Վագները համալրելու է «Ֆլամենգոյի» կազմը։ Բրազիլական ակումբի նախագահ Պատրիսիա Ամորինը նշում է, որ Վագները ուներ ցանկություն իրենց թիմում խաղալու և նա հենց այն ֆուտբոլիստն է, որի կարիքը ունի ակումբը[41]։ Պաշտոնական պրես-կոնֆերանսի ժամանակ Վագները չի զսպում իր արցունքները[42]։
2012 թվականի սեպտեմբեր ամսվա սկզբին լուր է տարածվում այն մասին, որ Վագներ Լավը հնարավոր է, որ կվերադառնա Ռուսաստան՝ «Ֆալմենգոյի» հետ ունեցած ֆինանսական խնդիրների պատճառով։ Անձամբ Վագները խոսելով այդ մասին ասում է, որ ցանկանում է վերադառնալ ԲԿՄԱ։
Երկրորդ վերադարձը ԲԿՄԱ
2013 թվականի հունվարի 12-ին «Ֆլամենգոն» հայտարարում է Վագների ԲԿՄԱ տեղափոխության մասին[43]։ Հունվարի 16-ին բրազիլացին պաշտոնապես համալրում է «բանակայինների» կազմը և ակումբի հետ կնքում է երեք ու կես տարի ժամկետ ունեցող պայմանագիր[44]։
Ռուսաստանի առաջնության առաջին երկու տուրերում Վագները մեկական գոլային փոխանցման հեղինակ է դառնում։ Ապրիլի 1-ին կայացած «Ալանիայի» դեմ խաղում Վագները դուբլի հեղինակ է դառնում։ Այդ գոլերը վերադարձից հետո նրա առաջին գոլերն էին։ Ապրիլի 6-ին, «Վոլգայի» դեմ խաղի երկրորդ խաղակեսի ավելացված ժամանակում Վագները վաստակում է այդ խաղում իր երկրորդ դեղին քարտը և հեռացվում է խաղադաշտից։
«Շանդուն Լունեն»
2013 թվականի հուլիսի 24-ին Վագները դառնում է «Շանդուն Լունենի» ֆուտբոլիստը[45], իսկ տրանսֆերը գնահատվում է 12 մլն եվրո[46][47]։ Իր նորամուտային խաղում բրազիլացին երկու գոլ է հեղինակում «Շանխայ Շենխուա» դարպասը[48]։ Չինական ակումբի կազմում Վագները 2013 թվականին դառնում է Չինաստանի սուպերլիգայի արծաթե մրցանակակիր, իսկ 2014 թվականին Չինաստանի գավաթի դափնեկիր[49]։ 2015 թվականի փետրվարի 1-ին Վագները պայմանագրի ժամկետից շուտ խզում է իր կապերը թիմի հետ[47][50][51]։
«Կորինտիանս»
Չինական ակումբից հեռանալուց հետո Վագների ծառայություններով սկսում է հետաքրքրվել մոսկովյան «Լոկոմոտիվը»[52] և կրկին ԲԿՄԱ-ն[53]։ Վերջինս որոշ ժամանակ անց այլևս ցանկություն չի հայտնում ֆուտբոլիստին գնելու հարցում[54]։ Անսպասելիորեն 2015 թվականի փետրվարին Վագները պայմանագիր է կնքում «Կորինտիանսի» հետ՝ մինչև 2016 թվականի հուլիսը պայմանագրի ժամկետով[55]։ Հիմնական պատճառը, ըստ որի Վագները որոշեց վերադառնալ Բրազիլիա՝ ընտանիքն էր[56]։ Նոր ակումբի կազմում նա հեղինակում է իր առաջին գոլը 2015 թվականի մարտի 29-ին կայացած «Բրագանտինոյի» դեմ խաղում[57]։ 2015 թվականի նոյեմբերի 20-ին Լավը «Կորինտիանսի» կազմում դառնում է Բրազիլիայի չեմպիոն[58][59]։
«Մոնակո»
2016 թվականի հունվարի 13-ին հայտարարվում է այն մասին, որ Վագները համալրելու է ֆրանսիական «Մոնակոյի» կազմը։ Պայմանագրի ժամկետը կնքված էր մինչև 2017 թվականի ամառը, իսկ տրանսֆերի արժեքը կազմում է մեկ միլիոն եվրոից պակաս[60][61]։ Նոր թիմի կազմում Լավը հեղինակում է իր առաջին գոլը փետրվարի 14-ին ընդդեմ՝ «Սենտ Էտիենի»[62][63]։
«Ալանյասպոր»
2016 թվականի օգոստոսի 30-ին Վագները տեղափոխվում է «Ալանյասպոր»[64][65]։ Կնքվում է երկու տարի ժամկետով պայմանագիր։ Ներկա պահին ֆուտբոլիստը ակումբի կազմում մասնակցել է 24 հանդիպման և դարձել է 20 գոլի հեղինակ[66][67]։
Կարիերան Բրազիլիայի հավաքականի կազմում
Վագները հրավիրվել է Բրազիլիայի ազգային հավաքական 2004 թվականին՝ Պերուում ընթացող Ամերիկայի գավաթի խաղարկությանը մասնակցելու նպատակով։ Այդ մրցությունում հավաքականը հաղթանակ է տանում, սակայն Վագները ոչ մի խաղի մասնակցություն չի ունենում։ Երբ որ հավաքականի գլխավոր մարզիչ է նշանակվում Կառլոս Դունգան՝ Վագները և ԲԿՄԱ-ում նրա խաղընկերներ Դանիել Կառվալյուն և Դուդու Սեարենսեն հրավիրվում են հավաքական։ Հավաքականի կազմում անցկացրած իր չորրորդ՝ Ուելսի հավաքականի դեմ ընկերական խաղում Վագները հեղինակում է իր առաջին գոլը։ Դրանից հետո Վագները հրավիրվում է հավաքական 2007 թվականի մրցաշրջանի ժամանակ. այդ մրցաշրջանը նա շատ հաջող էր սկսել ԲԿՄԱ-ի կազմում և հրավիրվելով հավաքական նա բաց չթողնելով որևէ խաղ մասնակցում է 2007 թվական Ամերիկայի գավաթի խաղարկությանը, սակայն նրան հաջողվում է ընդամենը մեկ գոլի հեղինակ դառնալ այդ շրջանում։ 2007 թվականի հուլիսի 15-ին Վագները մասնակցում է վերընշյալ գավաթի խաղարկության եզրափակչին, որի ժամանակ դառնում է գոլային փոխանցման հեղինակ, իսկ հավաքականը 3-0 հաշվով հաղթանակ է տանում ընդդեմ՝ Արգենտինայի ազգային հավաքականի։
Ձեռքբերումներ
Ակումբային
«Պալմեյրաս»
- Սերիա B-ի չեմպիոն։ 2003
- Ընդհանուր. 1 տիտղոս
ԲԿՄԱ
- Ռուսաստանի չեմպիոն (3)։ 2005, 2006, 2012-2013
- Ռուսաստանի գավաթի դափնեկիր (6)։ 2004-05, 2005-06, 2007-08, 2008-09, 2010-11, 2012-13
- Ռուսաստանի սուպերգավաթի դափնեկիր (4)։ 2006, 2007, 2009, 2013
- ՈՒԵՖԱ Գավաթի դափնեկիր։ 2004-05
- Ընդհանուր. 14 տիտղոս
«Շանդուն Լունեն»
- Չինաստանի գավաթի դափնեկիր։ 2014
- Ընդհանուր. 1 տիտղոս
«Կորինտիանս»
- Բրազիլիայի չեմպիոն։ 2015
- Ընդհանուր. 1 տիտղոս
Միջազգային
Բրազիլիայի հավաքական
- Պանամերիկյան խաղերի արծաթե մեդալակիր։ 2003
- Ամերիկայի գավաթի դափնեկիր (2)։ 2004, 2007
- Ընդհանուր. 2 տիտղոս
Անհատական
- Պանամերիկյան խաղերի լավագույն ռմբարկու։ 2003 (4 գոլ)
- Սերիա B-ի (Բրազիլիա) մրցաշրջանի լավագույն ռմբարկու։ 2003 (19 գոլ)
- Սան Պաուլո նահանգի առաջնության մրցաշրջանի լավագույն ռմբարկու։ 2004 (12 գոլ)
- Ռուսաստանի առաջնության մրցաշրջանի լավագույն ռմբարկու։ 2008 (20 գոլ)
- ՈւԵՖԱ Գավաթի 2008-09 մրցաշրջանի լավագույն ռմբարկու։ (11 գոլ)
- Ռիո դե Ժանեյրո նահանգի առաջնության մրցաշրջանի լավագույն ռմբարկու։ 2010 (15 գոլ)
- Թուրքիայի առաջնության մրցաշրջանի լավագույն ռմբարկու։ 2016-17 (23 գոլ)
- Ընդգրկվել է Ռուսաստանի առաջնության մրցաշրջանի լավագույն 33 ֆուտբոլիստների ցուցակ (5)։ № 1 (2007, 2008, 2010); № 2 (2005); № 3 (2006), № 2 (2012-2013)[68]
- «Սպորտ Էքսպրես» ամսագրի վարկածով Ռուսաստանի առաջնության տարվա լավագույն ֆուտբոլիստ։ 2008[69][70]
Ընտանեկան դրություն
Վագները առաջին կինն է եղել Մարտինիան. նրանք ունեն երկու երեխա՝ Էնցոն և Լովինոն։ 2013 թվականի դեկտեմբերին Վագները ամուսնանում է Լուսիլենի հետ, ում հետ նշանված էր 2011 թվականից[71]։
Վիճակագրություն
Ակումբային վիճակագրություն
| Ակումբ | Մրցաշրջան | Լիգա | Գավաթ | Մայրցամաքային | Այլ | Ընդհանուր | |||||
|---|---|---|---|---|---|---|---|---|---|---|---|
| Խաղ | Գոլ | Խաղ | Գոլ | Խաղ | Գոլ | Խաղ | Գոլ | Խաղ | Գոլ | ||
| Պալմեյրաս | 2002 | 2 | 0 | 0 | 0 | – | – | 2 | 0 | ||
| 2003 | 29 | 19 | 0 | 0 | – | – | 29 | 19 | |||
| 2004 | 11 | 8 | 0 | 0 | – | – | 11 | 8 | |||
| Ընդհանուր | 42 | 27 | 0 | 0 | – | – | 42 | 27 | |||
| ԲԿՄԱ | 2004 | 12 | 9 | 0 | 0 | 9 | 4 | – | 21 | 13 | |
| 2005 | 21 | 7 | 7 | 0 | 15 | 7 | 0 | 0 | 43 | 14 | |
| 2006 | 23 | 9 | 7 | 4 | 7 | 2 | 1 | 0 | 38 | 15 | |
| 2007 | 23 | 13 | 1 | 0 | 3 | 3 | 1 | 1 | 28 | 17 | |
| 2008 | 26 | 20 | 1 | 1 | 6 | 8 | – | 33 | 29 | ||
| 2009 | 13 | 3 | 3 | 1 | 4 | 3 | 1 | 0 | 21 | 7 | |
| Ընդհանուր | 118 | 61 | 19 | 6 | 44 | 27 | 3 | 1 | 184 | 95 | |
| Պալմեյրաս (վարձավճար) | 2009 | 12 | 5 | 0 | 0 | – | – | 12 | 5 | ||
| Ընդհանուր | 12 | 5 | 0 | 0 | 0 | 0 | 0 | 0 | 12 | 5 | |
| Ֆլամենգո (վարձավճար) | 2010 | 5 | 4 | 141 | 151 | 10 | 4 | – | 29 | 23 | |
| Ընդհանուր | 5 | 4 | 14 | 15 | 10 | 4 | 0 | 0 | 29 | 23 | |
| ԲԿՄԱ | 2010 | 15 | 9 | 0 | 0 | 5 | 2 | 0 | 0 | 20 | 11 |
| 2011-12 | 25 | 9 | 5 | 1 | 6 | 1 | 1 | 0 | 37 | 11 | |
| Ընդհանուր | 40 | 18 | 5 | 1 | 11 | 3 | 1 | 0 | 57 | 22 | |
| Ֆլամենգո | 2012 | 36 | 13 | 102 | 72 | 5 | 2 | – | 51 | 19 | |
| Ընդհանուր | 36 | 13 | 10 | 7 | 5 | 2 | 0 | 0 | 51 | 19 | |
| ԲԿՄԱ | 2012-13 | 9 | 5 | 3 | 1 | 0 | 0 | 0 | 0 | 12 | 6 |
| 2013-14 | 2 | 1 | 0 | 0 | 0 | 0 | 1 | 0 | 3 | 1 | |
| Ընդհանուր | 11 | 6 | 3 | 1 | 0 | 0 | 1 | 0 | 15 | 7 | |
| Շանդուն Լունեն | 2013 | 10 | 6 | 0 | 0 | 0 | 0 | – | 10 | 6 | |
| 2014 | 21 | 13 | 7 | 4 | 5 | 5 | – | 33 | 22 | ||
| Ընդհանուր | 31 | 19 | 7 | 4 | 5 | 5 | – | 43 | 28 | ||
| Կորինտիանս | 2015 | 30 | 14 | 163 | 23 | 3 | 0 | 0 | 0 | 49 | 16 |
| Ընդհանուր | 30 | 14 | 16 | 2 | 3 | 0 | 0 | 0 | 49 | 16 | |
| Ընդհանուրը կարիերայում | 325 | 167 | 74* | 36* | 77 | 41 | 5 | 1 | 482 | 242 | |
Միջազգային
Ըստ 2009 թվականի ապրիլի 1-ի[72][73][74]
ԾանոթագրություններԱրտաքին հղումներ
| ||||||||||||||||||||||||
