Ստեփան Էքշյան
Ստեփան Էքշյան (1834[1][2], Կոստանդնուպոլիս[1][2] - ապրիլի 24, 1901[2], Կոստանդնուպոլիս[1][2]), հայ դերասան, ռեժիսոր։
 | |
|---|---|
 | |
| Ծնվել է | 1834[1][2] |
| Ծննդավայր | Կոստանդնուպոլիս[1][2] |
| Մահացել է | ապրիլի 24, 1901[2] |
| Մահվան վայր | Կոստանդնուպոլիս[1][2] |
| Կրթություն | Սամուել-Մուրատ վարժարան[1] |
| Ազգություն | հայ |
| Մասնագիտություն | դերասան և թատերական ռեժիսոր |
Կենսագրություն
Կրթությունն ստացել է Փարիզի Մուրադյան վարժարանում, որտեղ մասնակցել է աշակերտական ներկայացումներին։ 1856-1958 թթ. խաղացել է Սրապիոն Հեքիմյանի կազմակերպած թատերախմբում։ 1861 թ., երբ հիմնադրվել է հայտնի «Արևելյան թատրոնը», մասնակցել է հենց առաջին ներկայացումներին և կարճ ժամանակից դարձել խմբի աչքի ընկնող ուժերից մեկը, վարել նաև ռեժիսորի պարտականություններ։ «Արևելյան թատրոնի» փակվելուց հետո խաղացել է Հակոբ Վարդովյանի «Օսմանյան թատրոնում», ապա՝ Պ. Մաղաքյանի խմբում։ Փայլել է հատկապես պատմական ողբերգություններում և արևմտաեվրոպական մելոդրամաներում։
Գլխավոր դերերից հիշատակության արժանի են Սանատրուկ թագավորը (Թովմաս Թերզյանի «Սանդուխտ կույս» պիեսում), Արշակ Բ-ն (Մկրտիչ Պեշիկթաշլյանի համանուն պիեսում), Վարդան Մամիկոնյանը (Ռ. Սետեֆճյանի «Վարդան Մամիկոնյան՝ փրկիչ հայրենյաց» պիեսում) և այլն, որոնք բարձր են գնահատվել ժամանակի մամուլում։ Եղել է Պետրոս Ադամյանի ուսուցիչներից[3]։
Աղբյուրներ
 | Վիքիդարանն ունի նյութեր, որոնք վերաբերում են «Ստեփան Էքշյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 98)։  |