Սկանդար Քեյնս
Ալեքսանդր Էմին Կասպեր (Սկանդար) Քեյնս (անգլ.՝ Alexander Amin Casper "Skandar" Keynes, սեպտեմբերի 5, 1991[1], Քամդեն, Մեծ Լոնդոն, Անգլիա, Միացյալ Թագավորություն[2][4][5]), անգլիացի քաղաքական խորհրդատու և նախկին դերասան։ Խաղացել է Էդմունդ Պենվենսի դերը «Նարնիայի ժամանակագրություններ։ Առյուծը, կախարդը և զգեստապահարանը», «Նարնիայի ժամանակագրություններ։ Արքայազն Կասպիանը» և «Նարնիայի ժամանակագրություններ։ Լուսաբացի նվաճողը» ֆիլմերում։
 | |
|---|---|
| Ծնվել է | սեպտեմբերի 5, 1991[1] (32 տարեկան) |
| Ծննդավայր | Քամդեն, Մեծ Լոնդոն, Անգլիա, Միացյալ Թագավորություն[2] |
| Կրթություն | Պեմբրոկ քոլեջ (2014), Աննա Շերի թատրոն (2005) և Լոնդոն Սիթիի դպրոց |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասան և political adviser |
| Ծնողներ | հայր՝ Randal Keynes?[3], մայր՝ Zelfa Hourani?[3] |
Կենսագրություն
Դերասանը ծնվել է 1991 թվականին։ Նա ունի մեծ քույր՝ Սումայան։ Նրա մայրը լիբանանյան, իրանական և թուրքական ծագում ունի, իսկ հայրը՝ գրող և բրիտանիայի բնության պաշտպան Ռենդալ Քեյնսը՝ անգլիական ծագում։ Սկանդարի պապը նախքան Մեծ Բրիտանիա գաղթելը, եղել է Թունիսի նախագահի խորհրդականը։ Սկանդարի հորեղբայրը Քեմբրիջի համալսարանի պրոֆեսոր Սայմոն Քեյնսն է[6], պապը՝ ֆիզիոլոգ Ռիչարդ Քեյնսը, նախապապը՝ ֆիզիոլոգ Էդգար Դուգլաս Էդրիանը, որը 1932 թվականին Նոբելյան մրցանակ է ստացել, իսկ ապուպապը՝ Չարլզ Դարվինն է[7]։ Սկանդարը կիսով չափ անգլիացի է, քառորդ չափով լիբանանցի, ութերորդ մասով թուրք և պարսիկ[8]։
Սկանդարը 2000-2005 թվականներին այցելել է Աննա Շերի թատերական դպրոցը։ 2008 թվականին Լոնդոնում ավատում է տղաների մասնավոր դպրոցը, որտեղ նաև սովորել է անգլիացի դերասան Դենիել Ռեդքլիֆը։
Մանկությունից սկսած, մասնակցել է տարբեր թատերական բեմադրություններին։ 2003 թվականին նա խաղացել է հեռուստատեսային «Ֆերրարի» ֆիլմում երիտասարդ Էնցո Ֆերրարի դերը։
2004 թվականի սկզբին ռեժիսոր Էնդրյու Ադամսոնը հաստատել է 12-ամյա Էդմունդ Պեվենսիի դերը։ Տղան խաղացել է «Նարնիայի ժամանակագրություններ»[9] ֆիլմի երեք սերիաներում գլխավոր դերերից մեկը։ Չնայած եռագրությունը հասավ մեծ հաջողությունների, Սկանդարը որոշեց չշարունակել դերասանի կարիերան։ 2014 թվականին նա ավարտեց համալսարանը[10] և այժմ Բրիտանիայի խորհրդարանի անդամ Քրիսթին Բլանտի խորհրդականն է[11]։
Ֆիլմագրություն
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2001 | ֆ | Victoria Died in 1901 and Is Still Alive Today | Ուեյֆ | |
| 2003 | ֆ | Ֆերրարի | Ferrari | ութամյա Էնցո Ֆերրարի |
| 2005 | ֆ | Նարնիայի ժամանակագրություններ։ Առյուծը, կախարդը և զգեստապահարանը | The Chronicles of Narnia: The Lion, the Witch and the Wardrobe | Էդմունդ Պեվենսի |
| 2008 | ֆ | Նարնիայի ժամանակագրություններ։ Արքայազն Կասպիանը | The Chronicles of Narnia: Prince Caspian | Էդմունդ Պեվենսի |
| 2008 | Նարնիայի ժամանակագրություններ։ Արքայազն Կասպիանը | The Chronicles of Narnia: Prince Caspian | Էդմունդ Պեվենսի | |
| 2010 | ֆ | Նարնիայի ժամանակագրություններ։ Լուսաբացի նվաճողը | The Chronicles of Narnia: The Voyage of the Dawn Treader | Էդմունդ Պեվենսի |
Ծանոթագրություններ
Արտաքին հղումներ
- Պաշտոնական կայք Արխիվացված 2019-10-25 Wayback Machine (անգլ.)