Սթիվ Հարվի

Հարվին ծնվել է 1957 թվականի հունվարի 17-ին^[4][5] Արևմտյան Վիրջինիայի Վելշ քաղաքում, ածխի հանքագործ Ջեսսի Հարվիի և Էլոիզ Վերայի ընտանիքում^[6]։ Նրա իսկական անունը Բրոդերիկ է՝ անվանակոչված «Մայրուղու պարեկը» հեռուստասերիալի դերասան Բրոդերիկ Քրոֆորդի պատվին^[2]։ Հարվիի ընտանիքը տեղափոխվել է Քլիվելենդ, Օհայո և ապրում է Իսթ 122 փողոցում, որը 2015 թվականին անվանակոչվել է Սթիվ Հարվի ՈՒեյ^[7]։ Նա 1974 թվականին ավարտել է Գլենվիլի ավագ դպրոցը^[7]։

Անմիջապես ավագ դպրոցից հետո նա հաճախել է Կենտի պետական համալսարան և Արևմտյան Վիրջրինիայի համալսարան և Օմեգա Փսի Ֆի եղբայրության անդամ է^[6][8]։

Հարվին եղել է բռնցքամարտիկ, ավտոմեխանիկ, ապահովագրական ընկերության աշխատակից, գորգեր լվացող և փոստատար^[6][8][9]։ Նա իր առաջին ստենդափը ներկայացրել է 1985 թվականի հոկտեմբերի 8-ին Քլեվելենդի Հիլլարիթիս Քոմեդի քլաբում։ 1980-ականների վերջին Հարվին երեք տարի անտուն է մնացել^[10]։ Նա քնել է իր 1976 թվականի արտադրության Ֆորդում, երբ հյուրանոցներում ներկայացումներ չի ունեցել, և լոգանք է ընդունել գազալցակայաններում ու լողավազանների ցնցուղների տակ^[11]։ Ռիչ և Բեքի Լիսսերն օգնեցին Հարվիին այս ընթացքում, նրա հետ կնքելով տուրիստական գործակալության գորգերի լվացման և վարկի պայմանագիր^[12]։

Հարվին Ջոննի Ուոքերի անվան երկրորդ ամենամյա կատակարգու փնտրելու մրցույթի ֆինալիստն էր, և ելույթ ունեցավ 1990 թվականի ապրիլի 16-ին, որը ի վերջո հանգեցրեց «Շոուի ժամանակն Ապոլոնում» հաղորդաշարի երկարաժամկետ վարելուն, առաջ անցնելով Մարկ Քարրիից այդ դերում։ Նրա հաջողությունը որպես ստենդափ կատակերգու 1994 թվականին հասցրեց նրան գլխավոր դերի ԷյԲիՍի հեռուստաալիքի «Ես և տղաները» կարճ կյանք ունեցած շոույում^[13]։ Ավելի ուշ նա գլխավոր դեր է ստանում WB հեռուստաընկերության «Սթիվ Հարվի շոու» ծրագրում, որը եթերում է եղել 1996-2002 թվականներին^[13]։ Չնայած իր հանրահռչակ լինելուն, շոուն երբեք չի արժանացել քննադատական գնահատանքի` աֆրոամերիկյան համայնքի սահմաններից դուրս^[14]։

1997 թվականին Հարվին շարունակում է իր աշխատանքը ստենդափ ժանրում՝ ելույթ ունենալով «Հումորի արքաները» տուրում Սեդրիկ Զվարճացնողի, Դ․ Լ․ Հուգլիի և Բերնի Մակի հետ միասին։ Շրջագայությունը դարձավ պատմության մեջ ամենաբարձր աճ գրանցած կատակերգական շրջագայությունը՝ առաջին տարվա ընթացքում հավաքելով 18 միլիոն դոլար, իսկ երկրորդում՝ 19 միլիոն դոլար^[15]։ Հետագայում կատակերգական գործողությունները միավորվում են Սփայք Լիի ֆիլմի մեջ, որը կոչվում էր «Հումորի իսկական արքաներ»^[16]։ Այդ վերնագիրն օգտագործվել է նաև որպես իր կատակերգության և բազմաժանր հեռուստատեսային շոուի անվանում (հետագայում անվանվել է Սթիվ Հարվիի «Մեծ ժամանակների մարտահրավեր»), որը 2003-2005 թվականներին հեռարձակվել WB ցանցում^[17]։

Հարվին «Սթիվ Հարվիի առավոտյան շոու» շաբաթական մեկ անգամ առավոտյան ռադիոյով հեռարձակվող հաղորդաշարի հաղորդավարն է, որը նա վարում է 2000 թվականից ի վեր^[18]։ Ի սկզբանե այն 2000 թվականի սեպտեմբերից մինչև 2005 թվականի մայիս հեռարձակվել է Radio One միավորման շնորհիվ։ 2019 թվականից շոուն տարածում գտավ Միացյալ Նահանգներում^[18]։

2003 թվականին նա հայտնվեց «Կռվի գայթակղությւններ» ֆիլմում Քյուբա Գուդինգի և Բիյոնսե Նոուլեսի կողքին^[19]։ Հենց այդ նույն տարում նա նկարահանվել է «Սերը ոչինչ չարժե» ֆիլմում մարմնավորելով Կլարենս Ջոնսընի կերպարը^[20]։ 2004 թվականին նա նկարահանվել է «Ջոնսըն ընտանիքի արձակուրդը» և «Փողոցային պարեր» ֆիլմերում^[21], իսկ 2005 թվականին «Մրցավազքային գծեր» ֆիլմում հնչյունավորել է Բազզի ձայնը^[22]։

2006 թվականին Հարվին թողարկում է ստենդափ հատուկ «Սթիվ Հարվի, մի գնա, նա դեռ ինձ հետ չէ» ֆիլմի համար, որի ռեժիսորը Լեսի Սմոլն է<։ Հարվիի ստենդափը նկարահանվել է Մեգաֆեսթում, շոուի ընթացքում և չի օգտագործվել ցենզուրայից դուրս որևէ արտահայտություն^[23]։ 2008 թվականիին Հարվին վարելէ դեռահասների անհատական և մասնագիտական զարգացմանն ուղղված «Դիսնեյի երազողների ակադեմիա» միջոցառումը, որը տեղի է ունեցել հունվարի 17-20 Ֆլորիդայի Բուենա Վիստա լճի ափին^[24]։

Հարվին իր «Գործիր ինչպես կինը, մտածիր ինչպես տղամարդը» գիրքը հրատարակել է 2009 թվականին։ Գիրքն այն մասին է, թե ինչ են տղամարդիկ մտածում կանանց և նրանց հետ ունեցած հարաբերությունների մասին^[25]։ Գրքի հիման վրա 2012 թվականին նկարահանված «Մտածիր ինչպես տղամարդը» ֆիլմը ամբողջությամբ կատակերգություն է, որում պատկերված կերպարները գրքից խորհուրդներ են վերցնում ժամադրությունների վերաբերյալ^[26]։ Գրքի հաստ կազմով տարբերակը 64 շաբաթ մնաց Նյու Յորքի ամենավաճառվող գրքերի ցանկում, որից 23 շաբաթը առաջին հորիզոնականում^[27]։

Հարվին վարում է «Ընտանեկան մենամարտերը» 2010 թվականի սեպտեմբերից ի վեր^[6][28]։ Շոուն Հարվիի շնորհիվ գրանցել է բարձր ցուցանիշներ^[29], և գերազանցել է ցանկացած Նախորդ հաղորդավարի ցուցանիշ, մինչ օրս անընդմեջ վարելու ընթացքում^[30]։ Հարվին նաև վարում է «Հայտնիների ընտանիքների մենամարտեր» հաղորդաշարը, որտեղ հայտնիները մրցում են իրենց նախընտրած բարեգործությանը մինչև 25,000 դոլար նվիրաբերելու հնարավորության համար։ Շոուն ցուցադրվում է ABC հեռուստաալիքով ամառվա ընթացում^[31]։

2012 թվականի օգոստոսի 2-ին Հարվին արեց իր վերջին ստենդափը Լաս Վեգասի MGM Grand-ում՝ ավարտելով իր 27-ամյա կարիերան որպես ստենդափ կատակերգու։ Երկու ժամանոց ելույթը ուղիղ հեռարձակմամբ ցուցադրվում էր Pay-Per-View հեռուստաալիքով։ «Ճանապարհը դեպի այս ավարտական ելույթը մի հրաշալի ճանապարհորդություն էր, որի ընթացում ես ստենդափներ եմ արել 27 տարի անընդմեջ, և ես բեմում անցկացրած տարիներիս մասին մտորելուց հետո, չեմ կարող շնորհակալություն չհայտնել իմ երկրպագուներին», իր ելույթում ասում էր նա^[32][33]։ Նույն տարում Հարվին առաջին անգամ ելույթ է ունեցել իր հեղինակային թոք շոույում, որը ստեղծվել է Endemol ընկերության կողմից և հեռարձակվել Չիկագոյի NBC Tower-ում գտնվող NBCUniversal Television Distributionի կողմից^[34]։

2013 թվականին Հարվին դարձավ առաջին հաղորդավարը, որը երկու անգամ առաջադրվել է Daytime Emmy մրցանակաբաշխության ժամանակ՝ հաղթելով Թոք շոուի լավագույն հաղարոդավարի և Լ ավագույն աղային շոույի հաղորդավարի անվանակարգերում^[35]։ Նա նաև արժանացել է աստղի Հոլիվուդյան փառքի ծառուղում^[36]։ Հաջորդ տարի Հարվին ստեղծել է ծանոթությունների նոր կայք, որը կոչվում է Դիլայթֆուլ։ Դա IAC-ի հետ համատեղ ստեղծված ծրագիր է, որի կայքին Հարվին ապահովում է հոդվածներով և տեսանյութերով^[37]։

2015 թվականի դեկտեմբերին Հարվին Լաս Վեգասում վարել է Միսս Տիեզերք մրցույթը։ Վերջնական արդյունքները հայտարարելիս նա սխալմամբ հաղթողի անվան փոխարեն կարդացել է երկրորդ տեղը գրաված մասնակցի՝ Միսս Կոլումբիայի (Ադրիանա Գուտիերեզ) անունը։ Թագի հանձնման արարողությունից մի քանի րոպե անց Հարվին հայտարարեց, որ սխալ է ընթերցել արդյունքները, և որ Միսս Ֆիլիպիններն (Պիա Վուրցբախ) է նոր Միսս Տիեզերքը^[38]։ Նա միջոցառման սրահից դուրս ներողություն է խնդրել Վուրցբախից և ավելի ուշ թվիթերում գրառում է կատարել՝ ներողություն խնդրելով երկու մասնակիցներից^[39][40][41]։ Հարվին վարել է նաև Միսս Տիեզերք 2016-ը, որը տեզղի է ունեցել 2017 թվականի հունվարի 30-ին Ֆիլիպիններում՝ Միսս Տիեզերք կազմակերպությանը ասելով, որ ցանկանում է անձամ ներողություն խնդրել ֆիլիպինցիներից նախորդ տարի իր վարելու ընթացքում տեղի ունեցած դեպի առթիվ.^[42]։ Նա նորից ստանձնել է հաղորդավարի դերը Միսս Տիեզերք 2017-ում, որը տեղի է ունեցել 2017 թվականի նոյեմբերի 26-ին Լաս Վեգասում, և Միսս Տիեզերք 2018-ում, որը տեղի է ունեցել 2018 թվականի դեկտեմբերի 16-ին Թաիլանդում^[43]։

2016 թվականի հունվարին Հարվին մոտիվացնող ելույթ է ունեցել՝ «Ընտանեկան մենամարտեր» հաղորդման մեկ եթեր թողարկելուց հետո^[44]։ Ելույթն այն մասին էր, թե ինչպես մարդիկ պետք է ընդունեն ի ծնե իրենց տրված հմտություները։ Նա վկայակոչում է, որ մարդկանց օգնելու համար այդ նվերները գրկած ցատկում է ժայռից՝ հույսը դնելով օդապարիկի վրա։ Ելույթը շարժառիթ էր «Ցատկ» գրքի համար․ «Թռիչք առ հավատ․ ռիսկի դիմիր, որ հասնես առավելագույնին» գիրքը Սթիվը հրատարակել է 2016 թվականին^[45]։

2016 թվականի հոկտեմբերին հայտարարվեց, որ Սթրիվը երկու հատուկ ելույթ պետք է ներկայացնի Ֆոքս ամսագրի համար «Շոուի ժամը Ապոլոնում» շոու ծրագրի վերաբերյալ^[46]։ 2016 թվականի նոյեմբերի Սթիվ Հարվի թոք շոուն չեղարկվեց և հայտարարվեց, որ Սթիվը համաձայնության է եկել IMG ընկերության հետ Լոս Անջելեսում NBCUniversal- հետ համատեղ նոր հեղինակային թոք շոու ստեղծելու վերաբերյալ։ Նոր «Սթիվ» շարքի պրեմիերան տեղի ունեցավ 2017 թվականի սեպտեմբերին և հանրությանը ներկայացվեց որպես հայտնիներին և հումորային ժանրին ուղղված ֆորմատ, որի վրա, ի տարբերություն նախորդ ծրագրերի, որոնք ուշադրութուն էին դարձնում մարդկանց հետաքրքրությունների շրջանակին, Հարվիի կողմից ավեի մեծ ուժող ստեղծագործական վերահսկողություն էր սահմանվում։ Նոր շարքի ցուցադրությունը հեշտացնելու համար Հարվիի ռադիոեթերը և «Ընտանեկան մենամարտերը» տեղափոխվեցին Լոս Անջելես^[47][48]։

Հարվին «Մեծ փոքրիկներ» հաղորդաշարի համահեղինակն է, որը եթեր է հեռարձակվել 2016 թվականին և որի գործադիր պրոդյուսերն է համարվում Էլեն Դեջեներեսի հետ միասին^[49]։ Հաղորդաշարում Երեխաները ցուցադրում են իրենց տաղանդները և զրուցում Հարվիի հետ։ Հարվին շոուն վարել է մինչև 2019 թվականը^[50]։

Հարվին 2017 թվականին իր բոլոր բիզնեսները միավորել է Սթիվ Հարվի Գլոբալ (ՍԳ) անվան տակ^[51]։ ՍԳ-ի տակ գտնվող ապրանքանիշերը ներառում են East One Twelve-ը, Հարվիի տնային արտադրական ընկերությունը, որն օգտագործվում է թվային բովանդակության, կինոնկարների և հեռուստատեսության մշակման համար։ Ընկերությանն է պատկանում նաև «Ընտանեկան մենամարտեր» հաղորդաշարի միջազգային տարբերակների ցուցադրման իրավունքը^[52], ըստ որի, շոուի աֆրիկյան տարբերակը սկսվելու է 2020 թվականին^[53]։ Նա 2017 թվականին սկսել է նաև «Sand and soul» փառատոնը։ Միջոցառումն անց է կացվում ամեն տարի, ներկայացվում են կենդանի երաժշտություն, հումորային համարներ և հարց ու պատասխան Հարվիի և նրա կնոջ՝ Մարջորիի հետ^[54]։ Նա նաև հիմնել է «Harvey Events» հատուկ միջոցառումների կազմակերպման ընկերությունը՝ իր դստեր Մորգան Հութթորնի և փեսա Քարեմ Հութթորնի գլխավորությամբ։ Ընկերությունը կազմակերպել է այնպիսի միջոցառումներ, ինչպիսին, օրինակ, FroRibbean Fest-ը Ատլանտայում 2018 թ․^[55]։

2017 թվականին Հարվին սկսեց վարել Ամանորյա հատուկ երեկոն՝ Թայմս Սքվերից Fox-ի համար (որը, ինչպես իր թոք-շոուն, կազմակերպվել էր IMG-ի հետ համատեղ)^[56]։ Հեռարձակումից երկու օր առաջ Հարվին ձեռնադրվել էր Նյու Յորքի նահանգում, որպեսզի իր ելույթի ընթացքում կարողանար բացօթյա պսակադրություն կազմակերպել Քեվեն Անդգարոյի և Մարիա Մենունոսի համար^[57]։ Ելույթը Fox-ի մինչ օրս հեռարձակված ամենադիտված Ամանորյա հաղորդումն էր^[58]։

2019 թվականին Հարվին հայտարարեց Vault կոչվող ուսումնական կենտրոնի բացման մասին^[59]։ Նա ելույթ ունեցավ նաև Լոս Անջելեսում կայացած Vault առաջին կոնֆերանսի ժամանակ^[60]։ Հարվին նաև Anthem Sports & Entertainment-ի հետ միասին ներդրումներ է կատարել HDNet-ի նախաձեռնության համար^[61]։

• 2009 թվական, «Գործիր ինչպես կինը, մտածիր ինչպես տղամարդը»
• 2010 թվական «Բացեիբաց զրույց, առանց ենթատեքստի»^[62]
• 2014 թվական, «Գործիր ինչպես հաջողակը»^[63]
• 2016 թվական, «Թռիչք առ հավատ․ ռիսկի դիմիր, որ հասնես առավելագույնին»^[63]

• Քառակի հաղթող․ NAACP Image Awards՝ Հումորային նախագծերի լավագույն դերասան (1999, 2000, 2001, 2002)
• Եռակի հաղթող․ NAACP Image Awards՝ Լավագույն հումորային նախագիծ (որպես Սթիվ Հարվի շոուի գործադիր պրոդյուսեր/աստղ - 2000, 2001, 2002)
• 2001 թվական․ NAACP Image Awards՝ Տարվա լավագույն դերասան
• 2007 թվական․ Տարվա լավագույն համագրծակցող անձ/շոու – Radio & Records ամսագիր^[64]
• 2011 թվական․ BET Մարդասիրական մրցանակ – 2011 BET Awards^[65]
• 2013 թվական․ Սիրված նոր թոք շոուի հաղորդավար – 39th People's Choice Awards^[66]
• 2013 թվական․ Աստղ Հոլիվուդյան փառքի ծառուղում^[6][67]
• 2013 թվական․ Marconi Award-ի հաղթող – Տարվա ցանցային/համագործակցային անձ
• Եռակի հաղթող․ NAACP Image Awards՝ Լավագույն նորությունների/տեղեկատվական նախագիծ (որպես Սթիվ Հարվի հաղորդաշարի գործադիր պրոդյուսեր/հաղորդավար - 2014, 2015, 2017)^[68]
• 2014 թվական․ Daytime Emmy Award՝ Լավագույն խաղային շոուի հաղորդավար - «Ընտանեկան մենամարտեր»^[69]
• 2014 թվական․ Daytime Emmy Award՝ Լավագույն տեղեկատվական թոք շոու (որպես «Սթիվ Հարվի» հաղորդաշարի գործադիր պրոդյուսեր/հաղորդավար)^[69]
• 2014 թվական․ NAB Broadcasting Hall of Fame նորեկ (Ռադիո)
• 2015 թվական․ Քլեվելենդի իսթ 122-րդ փողոցը վերանվանվել է Սթիվ Հարվիի Ուեյ^[7]
• 2015 թվական․ NAACP Image Awards՝ Լավագույն հաղորդավար - Զրույց/Իրականություն/Բազմազանություն/Նորություններ/Տեղեկատվություն^[68]
• 2015 թվական․ Daytime Emmy Award՝ Լավագույն տեղեկատվական թոք շոու (որպես «Սթիվ Հարվի» հաղորդաշարի գործադիր պրոդյուսեր/հաղորդավար)^[70]
• 2015 թվական․ Marconi Award-ի հաղթող - Տարվա ցանցային/համագործակցային անձ
• 2016 թվական․ NAACP Image Awards՝ Լավագույն հաղորդավար - Զրույց/Իրականություն/Բազմազանություն/Նորություններ/Տեղեկատվություն
• 2016 թվական․ Պատվավոր դոկտորի աստիճան․ որը ստացել է Ալաբամա նահանգի Մոնտգոմերի քաղաքում գտնվող Ալաբամա նահանգի պետական համալսարանում
• 2017 թվական․ Daytime Emmy Award՝ Լավագույն տեղեկատվական թոք շոուի հաղորդավար - «Սթիվ Հարվի» հաղորդաշար^[71]
• 2017 թվական․ Daytime Emmy Award՝ Լավագույն խաղային շոուի հաղորդավար - «Ընտանեկան մենամարտեր»^[71]
• 2018 թվական․ Daytime Emmy Award ՝ Լավագույն տեղեկատվական թոք շոուի հաղորդավար - «Սթիվ»^[72]

2011 թ․-ի օգոստոսին իր ռադիոհաղորդման ժամանակ Հարվին Քորնել Ուեսթին և Թեվիս Սմայլին անվանեց «Քեռի Թոմս»՝ նախագահ Բարաք Օբամայի հասցեին իրենց քննադատության պատճառով^[73]։ Հետագայում Հարվին ներողություն է խնդրել ծաղրական արտահայտուոյուն անելու համար, բայց պահպանել է իր քննադատական կարծիքը Ուեսթի և Սմայլիի նկատմամբ^[74][75]։ 2017 թ․-ի հունվարին Հարվին հանդիպել է աֆրոամերիկյան համայնքում ոմանց հակադարձ կարծիքին՝ այն ժամանակ ընտրված Դոնալդ Թրամփի հետ հանդիպելու որոշման համար։ Նա պմնաց իր որոշմանը՝ նշելով, որ դա կօգնի առաջացնել դրական փոփոխություններ^[76]։

Հարվին քննադատություն է արժանացել 2009 թ․-ի մայիսի 30-ին գրքի հարցազրույցի համար, որը նա տվել է Լարի Քինգի ուղիղ եթերով, որի հյուրն էր Ջոյ Բեհարը^[77]։ Այդ հարցազրույցի ընթացքում նա պնդում էր, որ կանայք չպետք է ժամադրվեն աթեիստների հետ, ովքեր, ըստ նրա, չունեն «բարոյական բարոմետր»։ Նա կարծիք հայտնեց, որ աթեիստները «ապուշ են» և հայտարարեց, որ իր սովորական պատասխանը աթեիստների հետ քննարկումներին մասնակցելուն` հեռու մնալն է^[78][79]։

2017 թ․-ի հունվարին Սթիվ Հարվին կատակներ էր անում «Սթիվ Հարվի» հաղորդաշարի եթերում ասիացի տղամարդկանց մասին՝ ծաղրելով այն միտքը, որ ցանկացած սպիտակամորթ կամ սևամորթ կին կցանկանա ժամադրվել նրանց հետ։ «Ներեցեք, ձեզ դու՞ր են գալիս ասիացի տղամարդիկ», հարցրեց նա։ «Ո՛չ, շնորհակալություն»։ Նա շարունակեց՝ ավելացնելով. «Ես նույնիսկ չեմ սիրում չինական ուտելիքներ»^[80]։ Այս դիտողությունները քննադատության են արժանացել ասիական ամերիկացիների կողմից, այդ թվում Նյու Յորքի քաղաքական գործիչների և գրող Էդին Հուանգի կողմից^[81][82]։ Օրինակ՝ Հուանգը նշել է Հարվիի կեղծավորության մասին՝ ասիացիների մասին չարախոսելով սևամորթ համայնքի առջև ծառացած խնդիրների մասին խոսելու համար^[82][83]։ Հարվին ներողություն է խնդրել իր թոք շոուի ընթացքում և Twitter-ով՝ ասելով. «Ես խոնարհաբար ձեր ներողամտությունն եմ հայցում որևէ մեկից վիրավորելու համար, հատկապես ասիական համայնքի բնակիչներին։ Ես դա մտադրված չեմ արել և հումորը որևէ չարության կամ անհարգանքի միտում չի ունեցել»^[84]։ Սակայն նա նաև ավելի վաղ ասել էր. «Ես վերջին մի քանի օրվա ընթացքում այդքան էլ չեմ ծիծաղում։ Նրանք հիմա էլ առանց որևէ պատճառի դատափետում են ինձ համացանցում։ Բայց, գիտեք, որ կյանքն այդպիսին է, այնպես չէ՞»^[85]։

Ի պատասխան Միչիգան նահանգի Ֆլինտ քաղաքից զանգահարողի, որը «Գոլդեն Սթեյթ Ուորորս»-ին պարտվելուց հետո վիրավորել է «Կլիվլենդ Կավալիերսներին», վերջիններիս երկրպագու Հարվին ասում է․ «Գնա շականակագույն ջուրդ խմիր»՝ նկատի ունենալով քաղաքում ջրի սակավությունը։ Կատակները քննադատվել են, ի թիվս այլոց, Ամարիաննա Կոպենի և Ֆլինտի քաղաքապետ Կարեն Ուեյվերի կողմից, որոնք պահանջում էին հրապարակային ներողություն խնդրել։ Հարվին պատասխանել է՝ ասելով. «Զանգահարողը և ես հիմար բաներ էինք մեր թիմերի և քաղաքների մասին։ Պարզապես հիմար բաներ էին ասվում սպորտի մասին։ Ես կատակ եմ արել նրա հասցեին, քանի որ նա Ֆլինտից է, մի քաղաք, որի հանդեպ ես մեծ ջերմություն և հարգանք եմ տածում։ Այնքան, որ ես ցերեկային ժամվա ընթացքում ցուցադրեցի մի ամբողջ ժամվա շոու-ծրագիրը, որպեսզի տեղեկացնեմ Ֆլինտում ջրի սակավության մասին։ Զանգահարողը ծիծաղեց, քանի որ իմ կատակըընդունեցվերցվեց առաջարկվող համատեքստում»"^[86][87]:

Հարվին հանդիսանում է Սթիվ և Մարջորի Հարվի հիմնադրամի հիմնադիրը․ բարեգործական կազմակերպություն, որը մատուցում է երիտասարդության ուղևորությունների ծառայություններ^[88]։ Հիմնադրամն անց է կացնում ամենամյա ճամբար անհայր երեխաների համար^[89], ինչպես նաև համագործակցում է Կենտի պետական համալսարանի հետ՝ դպրոցին կրթաթոշակներ տրամադրելու նպատակով^[90]։ Հարվին նաև Դիսնեյ Երազողների Ակադեմիայի շրջանակներում համագործակցում է Walt Disney World Resort and Essence-ի հետ, որը Ուոլթ Դիսնեյի տարեկան 100 ուսանողի համար նախատեսված սեմինար է^[91]։

Հարվին երեք անգամ ամուսնացած է եղել և ունի յոթ երեխա (չորս կենսաբանական և երեք խորթ)։ Մարսիա Հարվիի հետ իր առաջին ամուսնությունից նա ունի երկու դուստր (երկվորյակներ Բրանդի և Կառլի) և մեկ որդի (Բրոդերիկ Հարիվի կրտսեր)^[8][92][93]։ Մերի Շակելֆորդի հետ իր երկրորդ ամուսնությունից Հարվին ունի ևս մեկ որդի՝ Ուինթոն անունով^[94][95][96]։ Զույգը ամուսնալուծվել է 2005 թվականի նոյեմբերին^[97] : 2011 թվականին Տեխաս նահանգի Քոլին շրջանի 199-րդ շրջանային դատարանի դատավոր Ռոբերտ Դայորը անհանգստություն հայտնեց այն մասին, որ Մերի Հարվին տարածել է ամուսնալուծության մասին կեղծ տեղեկություններ, ընդ որում դատավորն նշեց, որ նա նյութապես անապահով չի մնացել^[98][99]։

2007 թվականի հունիսին Հարվին ամուսնացել է Մարջորի Բրիջի հետ, որը իր կարծիքով պատասխանատու է իր՝ ավելի լավ մարդ դառնալու և իր կյանքը փոխելու հարցում։ Մարջորի Հարվին երեք երեխաների մայր է (Մորգան, Ջեյսոն և Լորի^[96]), որոնց բոլորին որդեգրել է Սթիվը։ Սթիվը և Մարջորին ունեն հինգ թոռ. Երեքը՝ Ջեյսոնի և իր կնոջ՝ Ամանդայի ամուսնությունից, մեկը՝ Մորգանի և Քարեմի ամուսնությունից, և մեկը՝ Կառլիի և իր ամուսնու՝ Բենի ամուսնությունից^[100]։ 2017 թ․-ի ընթացքում Հարվին և իր ընտանիքը բաժանեցին իրենց ժամանակը Ատլանտայի, որտեղ հեռարձակվում էր նրա ռադիոհաղորդումը և ձայնագրվում էր «Ընտանեկան մենամարտերը» և Չիկագոյի միջև, որտեղ նա NIKUniversal-ի համար վարեց իր թոք շոուն ընկերության Չիկագոյի ստուդիաներից, թեև նա իր ռադիոհաղորդումը այնտեղից նույնպես վարում էր^[101]։ 2018 թ․-ին Հարվին իր թոքշոուն, ռադիոհաղորդումը և «Ընտանեկան մենամարտերը» տեղափոխեց Լոս Անջելես^[102]։

Հարվին քրիստոնյա է^[103], և իր հաջողությունները վերագրել է Աստծո հանդեպ ունեցած իր հավատին^[104]։ Հարվին հայտնում է, որ առողջական խնդիրների պատճառով անցել է բուսակերության և իր հեռուստածրագրում հիմնավոր ներկայացրել է իր սննդակարգը^[105]։

• Պաշտոնական կայք
• Steve Harvey Internet Movie Database կայքում
• The Steve & Marjorie Harvey Foundation

Վիքիպահեստն ունի նյութեր, որոնք վերաբերում են «Սթիվ Հարվի» հոդվածին։