Սթենդ ափ կատակերգություն
Սթենդ ափ կատակերգություն (անգլ.՝ Stand-up comedy), զավեշտական ոճ, որում կոմիկը հանդես է գալիս կենդանի լսարանի առջև, սովորաբար դիմելով ուղղակիորեն հանդիսատեսին[1]։ Ելույթ ունեցողին սովորաբար անվանում են կոմիկ, կատակերգու, սթենդ ափ կոմիկ, սթենդ ափ կատակերգու, կոմեդիանտ կամ սթենդափեր[2]։ Կոմեդիանտները պատրանք են ստեղծում, որ երկխոսություն են վարում, բայց իրականում մենախոսում են հումորային պատմություններով և կատակներով[9]։ Որոշ սթենդ ափ կոմիկներ տարբեր բեմիրեր, երաժշտություն կամ հնարքներ են օգտագործում իրենց ելույթները բարելավելու համար[10]։ Սթենդափ կատակերգությունը համարվում է «կատակերգություն գրելու ամենաազատ ձևը»[19]։
Ակնարկ
Սթենդ ափ կատակերգության մեջ հումորի հիմնական տեսակներից են դիտողական կատակերգությունը, կապույտ կատակերգությունը, սև կատակերգությունը, մաքուր կատակերգությունը և քծնական կատակերգությունը։ Այլընտրանքային սթենդ ափ կատակերգությունը շեղվում է ավանդական, մեյնսթրիմ կատակերգությունից, կամ խախտելով կատակների կառուցվածքը՝ ելույթ ունենալով ոչ ավանդական բեմի վրա, կամ խախտելով հանդիսատեսի ակնկալիքները։ Այս տեսակի կատակերգության ժամանակ հնարավոր է նաև հակա-կատակների օգտագործումը։
Սթենդափ կատակերգությունը հաճախ կատարվում է կորպորատիվ միջոցառումների ժամանակ, կատակերգական ակումբներում, բարերում և փաբերում, գիշերային ակումբներում, նեո-բուռլեսկներում, քոլեջներում և թատրոններում (թատրոններում արտիստները հանդիսատեսի կողմից ավելի բուռն ծափահարությունների են արժանանում[20])[21]: Բացի կենդանի ելույթներից, սթենդ ափը կարող է նաև տեղայնացվել հեռուստատեսության, DVD-ի, CD-ի և համացանցի միջոցով[2][22]։
Սիրող կոմիկին կարող է երկար ժամանակ պահանջվել, որպեսզի նա կատարելագործի այն տեխնիկան, որն անհրաժեշտ է պրոֆեսիոնալ կոմիկ դառնալու համար[23][24][25]․ սա շարունակական ուսուցման գործընթաց է ձախողման միջոցով[26][27][28]։
Սթենդ ափ կոմիկները սովորաբար հանդես են գալիս կանգնած, թեև դա պարտադիր չէ։ Նման ելույթները, որտեղ կատակերգուն նստած է, կարող են անվանվել «սիթ դաուն կատակերգություն»։
Սթենդ ափի այլ տեսակներ
- Մաչիետա՝ 19-րդ դարի իտալական կատակերգական ժանր
- Մանձայ՝ կատակերգական ժանր Ճապոնիայում, որի ընթացքում ելույթ է ունենում կոմիկների դուետ
- Մանդան՝ սթենդ ափ կատակերգության ոճ Ճապոնիայում
- Ռակուգո՝ Ճապոնական բանավոր մենահամերգ, որը նման է սթենդ ափ կատակերգությանը, սակայն ելույթ ունեցողը կանգնելու փոխարեն ծնքաչոք է լինում[29]
- Սյանշեն՝ չինական ավանդական սթենդ ափ կատակերգություն
Տես նաև
Ծանոթագրություններ
Արտաքին հղումներ
- Հոֆսթեթեր, Սթիվ; ՄաքԴերմոթ, Դանի. «Resources». COMEDYSOAPBOX. Արխիվացված է օրիգինալից 2020 թ․ ապրիլի 12-ին. Վերցված է 2019 թ․ հունվարի 26-ին.
- «Vulture: Comedy». Vulture: Devouring Culture. NEW YORK MEDIA LLC. Վերցված է Հունվարի 28, 2019-ին.
- «The Guardian: Comedy». The Guardian. Guardian News and Media Limited. Վերցված է 2019 թ․ հունվարի 28-ին.
- Fox, Ջես Դևիդ (2015–2019). «Good One: A Podcast About Jokes». HEADGUM. HEADGUM, LLC. Արխիվացված է օրիգինալից 2019 թ․ նոյեմբերի 29-ին. Վերցված է 2019 թ․ հունվարի 28-ին.
- ՄաքԲրայդ, Ջեֆ; Թուիդ, Հարիսոն. «Let's Talk About Sets». letstalkaboutsets. Jeffcorp Enterprises: A Jeff Company. Վերցված է 2019 թ․ հունվարի 28-ին.
- Ֆեդերման, Ուեյն; Սթիվեն, Էնդրյու. «The History of Standup». Podglomerate. The Podglomerate. Վերցված է 2019 թ․ մարտի 10-ին.
Վիքիպահեստն ունի նյութեր, որոնք վերաբերում են «Սթենդ ափ կատակերգություն» հոդվածին։ |